الضمان المالي للمرافق وضمه للابتعاث

مايحك جلدك مثل ظفرك

أسئلة قديمة مر عليها الزمن والناس وصلوا امريكا وبدأو الدراسة

نصيحة.... خذ لك لفة في موقع الوزارة أو الملحقية أو هنا في الملتقى وراح تلقى أجوبة لجميع التساؤلات التي طرحتها والتي لم تطرحها بعد

عموماً ماودي أدخل أي موضوع ولاأجاوب عليه
بالنسبة للضمان المالي،، المبتعث بنفسه لايمكنه الحصول عليه من هنا من السعودية بل من الملحقية عند الوصول.. والمرافق كذلك ولكن يوجد شروط للمرافق يجب أن تتحقق مثل شهادة إثبات الإجازة الإستثنائية الخ

ثانياً.. الإنضمام للبعثة بعد إجتياز اللغة ولكن تظل البعثة مرتبطة بالمبتعث الأساسي حتى إنهاء 75% من الدراسة

تحياتي وموفق إن شاء الله

يعني كيف ؟؟ نظل مرافقين وتصرف لنا مكافأة مرافقين لغاية مانخلص اللغة؟؟؟
غريب والطلاب اللي على حسابهم ينضمون بسرعة ومبتعثين

حنا اولى منهم

والله اللي سمعته انهم عدلو الشروط لكن ماعندي خبر اكيد علشان حاب اتاكد منكم
وبالنسبه لي انا وش اجيب اجازه استثنائيه انا بترك الشغل كله
وبعدين هل لازم افتح ملف علشان انضم اول ماوصل والا على اوراق المرافق تكفي

نعم هذا هو نظام إلحاق المرافق بعضوية البعثة. المرافق يظل مرافقا ويُصرف عليه كمرافق حتى ينتهي من مرحلة اللغة ويبدأ الدراسة الأكاديمية ثم يُـلـحق بالبعثة ويصرف عليه كطالب مبتعث. فترة دراسة اللغة ستكون على حساب الملحقية.

ابشرك الغو شرط 75% لهم شهر
يعني مجرد ما تلتحق بالجامعه ويعطونك الضمان المالي تلحق اكاديميا على طول حتى لو بقى لك على الدراسه 90 بالميه اذا خلص المبتعث الاساسي تكمل عادي ان شاء الله

اذا فيزتك اف1 لازم تفتح ملف منفصل عن المبتعث يطلبونه منك اول ما توصل ويعلمونك كل شي حتى يجاوبون على اسئلتك كلها بشرط لازم يكون معك خطاب استقاله او اخلاء طرف .. والضمان المالي يجيك بعد اسبوع الى شهر على ايميلك او ايميل المبتعث
والالحاق ما يحصل لو معك قبول مشروط .. لازم يكون القبول غير مشروط ويكون متبقي على بعثة المبتعث الاساسي 6 شهور
باختصار .. لازم تكمل اللغه كلها حتى تجيب التوفل وتوفر قبول غير مشروط يؤهلك انك تدخل الجامعه وتبدا دراستك الاكاديميه على طول غير كذا ما راح يلحقونك ولكن يصرفون عليك نص راتب تقريبا 990 دولار فترة اللغه ويعطونك الضمان المالي للغه فقط
فيه طريقه انه اول ما توصل وتعبي اوراق فتح الملف وتكون اوراقك كامله ( بالنسبه للمرافق انا اتكلم ) تروح لمدينتك وتبدا تشتغل على ايميلات المختصين بتسجيل الملفات وفتحها بحيث يستعجلون لك عشان دراستك اذا كانت قريبه يرسلون لك الضمان المالي حقك ويفتحون لك ملف ويوزر في موقع الملحقيه

الله يعطيكم العافيه
طيب بالنسبه لاخلا الطرف اتوقع مايحتاج لو جبت برنت من الاحوال ان متسبب

ايه ما يحتاج بس انا رحت الاحوال وقالو انه لازم خطاب توجيه بسبب طلب البرنت ورفضو يعطوني البرنت
مدري اذا تقدر تاخذه انت بيكون كافي اتوقع