تكفون يا اعضاء المنتدى المساااعدة ضروري الحقوا علي
السلام عليكم ورحمة الله وبركاتة
انا طالب مبتعث للمرحلة السادسة لبرنامج خادم الحرمين الشريفين انشاء الله , بعد وقت طويل من الانتظار لوصول قبولي في امريكا صرت قدام منعطف خطير ويهددني باالالتحاق بالبرنامج وهو .
جيت ابي احجز موعد للسفارة بالرياض لي وللمرافقين اللي معي بعد ما سجلت ودفعت رسومهم وعبيت الابليكيشن يوم وصلت لصفحة حجز الموعد ما لقيت اقرب موعد الا بعد موعد دراستي تقريبا بشهرين حسيت اني انهرت من اللي شفتة ما ادري ليش دايم امور هالبعثة متعومسه معي ما ادري وش اسوي ووش الحل مع اني ابي موعد هالاسبوع او الجاي لاني موظف ويبون شهر انذار اداومه بعد الاستقالة ويبيلي على الاقل اسبوعين بعد الموعد الما تجيني التأشيرة زي ما قلت على الاقل ودراستي تبدأ بشهر 5/2011 وانا تأخرت اني احجز موعد لانهم يبون رقم الاي تونتي ورقم نموذج دي 160 . تكفون ابي حل باسرع وقت لان الان انشاء الله اوراقي كلها جاهزة لكن وقفلي هالموعد .
رد: تكفون يا اعضاء المنتدى المساااعدة ضروري الحقوا علي
طيب اخوي اطلب موعد مستعجل .. من نفس الموقع اللي تحجز منه
وبالتوفيق
رد: تكفون يا اعضاء المنتدى المساااعدة ضروري الحقوا علي
الله يسهل أمرك يارب
طيب أنت جرب كل المناطق سفارة الرياض وقنصلية الظهران وجدة يمكن تلاقي في وحدة منها موعد يناسبك
معليش تحمل السفر ولا الانتظار ملينا لنا تسعة شهور ننتظر
أو أنك اجل موعد دراستك لو أمورك مرة مرة متلخبطة
أنا واقفة على فيزة أخوي اترفضت مرتين وبإذن الله الثالثة مقبولة وكانت وقت ماحجزت المواعيد شاغرة في الرياض نص شهر مارس أما بداية الشهر ماعندهم اساسا مواعيد لانها باللون الازرق طبعا انا اتكلم عن السفارة بالرياض
بالتوفيق أخوي
رد: تكفون يا اعضاء المنتدى المساااعدة ضروري الحقوا علي
اخوووي مو معقوول اقرب موعد بعد شهرين
شوف حااول رااح تحل موااعيد اقرب واذا مالقيت اطلب تاجيل من المعهد راسلهم
وقلهم الاسباب واذا رفضو كنسلهم وجيب قبول ثااني وفيز عليه هذا اذا رفضو
لا تتهوور في اي شئ
رد: تكفون يا اعضاء المنتدى المساااعدة ضروري الحقوا علي
انا نفس مشكلتك بس هذا بس في جدة لكن سوي حجزك في السفارة في الرياض مليان مواعيد فاضيه
رد: تكفون يا اعضاء المنتدى المساااعدة ضروري الحقوا علي
اخوي انت لما فتحت حساب في موقع السفارة حطيت رقم الطب حقك الخاص ببرنامج الابتعاث الـ KASP ؟؟
لأنه مواعيد طلاب البرنامج انتهت من زمان وهم كاتبين للي يبغى ياخذ موعد مايكتب الرقم عشان ياخذ موعد عادي مو موعد خاص بالطلاب
رد: تكفون يا اعضاء المنتدى المساااعدة ضروري الحقوا علي
الله يعطيكم العافية على تفاعلكم لهذا الموضوع .
كان ودي الاقي ردود اكثر وتفاعل علما بان موضوعي كثير من الطلاب والطالبات صاير لهم نفس سالفتي .
ولكن مو حل يا د/ سامي اني اجيب قبول ثاني والا اجلة انا جالس اراكض ورا هذا القبول كم شهر الما وصلني مااقدر افرط فيه بها السهولة . لاجل كذا ابي حلول كثيرة تريحني بشرط اني ما ااجل قبولي والا اغيرة ابي اروووووووووووح واريح مليت من الانتظار .