ياليت مساعدة من اللي اخذوا قبولهم عن طريق الملحقية
السلام عليكم ورحمة الله وبركاته
كيف حال وأحوال الجميع
انا بلغني المعهد إن قبولي عند الملحقية والملحقية قبل اسبوع تقول أرسلناه للوزارة
والوزارة ما بلغوني بوصوله إلى الحين
والمشكلة ماأدري متى موعد دراستي ولا أي ولاية أنا راح أروح عليها
والمشكة موعدي في السفارة الإربعاء 9 مارس
وأخاف يسألوني وين بتروحين أو موعد دراستي وكلهم ماعندي خبر فيهم
فيكون سبب لعدم إعطائي الفيزا
ساعدوني وش أسوي؟؟
رد: ياليت مساعدة من اللي اخذوا قبولهم عن طريق الملحقية
هنووفه انتي كنتي نفس مشكلتي بالضبط ارسل للمعهد يقولي ارسلنااه للملحقية
وادق عالملحقية بامريكا يقولون لي ارسلنا للوزارة وادق عالوزارة يقول ماوصل بس هو دام انه الملحقية قالو لك ارسلناه مافي خوف
لانه انا بعد اسبوعين من ارسال الملحقية له ارسلو لي رسالة الوزارة تعال استلم قبولكـ واستلمت قبولين راسلينهم لي الملحقية :D
يعني اصبري ولا تخافين من المقابله سويها اهم شي انا تدرين سويتها قبل لا استلم قبولي بشهر ونص ؟؟ وقسم هههههههههههههه
حتى هم طفشو مني صارو يرسلون لي متى بترسل قبولك :D
يعني روحي السفارة وسوي المقابله وقوليلهم انا ناقصني الاي توني هم ماعندهم اي مشكله بيسون لك المقابله وبيعطونك ورقة صفرا
تكلمين النواقص اللي هم الاي توني والسيفيس اذا استلمتي قبولك ترسلينهم لهم ماعندك اي مشكله دونت ووري آنسة هنوو $
رد: ياليت مساعدة من اللي اخذوا قبولهم عن طريق الملحقية
وعليكم السلام والرحمة والاكرام
ارجعي ارسلي للمعهد واطلبي نسخة من القبول اللي ارسلوه للملحقية واطبعيه وروحي فيه السفارة
بتمشي امورك زي الحلاوة بإذن الله
لو لا سمح الله طنشوك او ما ارسلوا لك
روحي المقابله وانتي متوكلة على الله وقولي ما بعد يجيني الاي توني عادي حيطلبوا منك ترسلي النواقص لهم
لا تشيلي هم اختي
ناس كثير راحوا المقابلة بدونه ما تأخرت فيزتهم ولا سووا لهم حوسة بالعكس ناس سووها ولما جا الاي توني ارسلوه للسفارة خلال اقل من اسبوع وصلت تأشيراتهم بالفيدكس
ربي يوفقك وتوكلي ع الله
رد: ياليت مساعدة من اللي اخذوا قبولهم عن طريق الملحقية
مشكووووووووووووورين ع الردود والاهتمام
نوفي أنا أرسلت للمعهد إني أبي نسخة من الآي توني طنشوني
أخ فايق ورايق ترى إذا قالي القنصل شي ابقوله إن فايق ورايق قالي أبد ماجاك علي هههه
يعني متأكد ما سألوك عن الولاية ولا اي شيء من هالقبيل؟؟
والله خايفه أنا مرره إنهم يقولون ورينا عرض اكتافك مافيه روحه
رد: ياليت مساعدة من اللي اخذوا قبولهم عن طريق الملحقية
^^
وش فيك ماتصدقين والله مابيسئلونك انا ماكان عندي قبول ورحت لهم قالي وين الاي توني قلتله للحين ما استلمته قالي اوك
يسوون لك المقابله وبيصمونك وكل شي وتدفعين للفيديكس ويعطونك ورقة صفرا تكملين فيها الاي توني والسيفيس واول مايجيك ترسلينه على طول اتركي عنك الوسوسة اذا خايفه اروح معك خلاص ههههههههههههههههه
رد: ياليت مساعدة من اللي اخذوا قبولهم عن طريق الملحقية
ياليت تروح معاي تجسرني ع الأقل بما انك فايق ورايق عشان مااعصب ههههههههه ماشاء الله عليك صراحة
طيب اللي فهمت إني ماأسدد السيفيس الحين طيب ورسوم التأشيرة لازم أسددها قبل ما أروح صح؟؟
رد: ياليت مساعدة من اللي اخذوا قبولهم عن طريق الملحقية
^^
ياحبيبتي كيف بتسددين السيفيس ونتي ماعندك رقم السيفس اصلا هو موجود بالاي توني هههههههههههههههههههههههه
طبعا لازم تودين معك السفارة وصل سامبا حق التاشيرة وجوازك وصفحة التاكيد وبعض المتطلبات تبع الدي س لازم تكونين معبيته طبعا
رد: ياليت مساعدة من اللي اخذوا قبولهم عن طريق الملحقية
مشكوووور وما قصرت عسى عمرك طويل
إن شاء الله ربي يسهلها