$ّ تعــــالــو نجهــز شنطتنا ؛ ايش اللي نحتـــاج وناقصنا "نتساعد هنا "
الســــلالالام عليكــم ,,
البعض راح بسلامته
والبعض بيرووح قريب ,,
الله يوصلنا سالمين ويرجعنا لأهلنا سالميـــن ..
هنـــا نبي نجهز شنطتنا سوا نقول وش خذينا وايش نحتاج
عشان ناخذ فكره ونكمـل النواقص , وايضــاً نتسلى نخفف الضغط النفسي
:plane:
رد: $ّ تعــــالــو نجهــز شنطتنا ؛ ايش اللي نحتـــاج وناقصنا "نتساعد هنا "
رااح ابدا انـــا ,,
الملابس
اخذت لي ثياب شتويه + ربيعيه ( يعني موخفيفه مره قطن )
صيفي ماخذت بما أني راح اسافر هالشهر
وشلات او مثل مايحب البعض يسميها وشاح شتوي
بناطلين قماش لا للجنزات خصوصا للمحجبات احلا القماش
خذيت كثر ملابسي بناطلين وعارفه انهم بيوسعون :yeahright:
والأكثر بجامات
اخذو روب شتوي او للعيال فروه
مالقيت شتوي اغلب اللي اخذت صيفي
ترنق
للطلعات السريعه بقاله او صيدليه .. الخ
وفيه ناس ياخذون ترنق فيه القيمه ويطلعون ويداومون فيه عادي
عن نفسي ماحب اتمشى بترنق كود الايام تغير من يدري
واكيد ماننسى ملابس البيت البسيطه لاتشترونها طبعا متوفره عندكم بالدرج
اخذت لي كم شراب صيفي وشتوي
لان هنا مالبس جواتي كله كعوب او فلاتات ماتحتاج شراب لووول
اخذت لي سكارفات او شالات او طرح اللي حابين تسمونها
محل سيدتي ( ماي فير ليدي ) بالرياض وبالراشد مااعرف اذا في بجده !
حجابانه حلووه حرير وسعرها معقوووول ب 75 وب 65 انصحكم فيه
تحسفت اني اخذت من محلات ثانيه كانو اغلا ومو بنفس الخامه
+ عشان مانسى البندانات اللي تحت الحجاب خذو الالوان الاساسيه ( بني - كحلي -بيج-ابيض-اسود)
" لسه مااخذت بندانات بس كتبتها عشان ماتنسون "
واخذت لي هاي نكات بس في منطقة الرقبه ينلبس تحت القميص او البلوزه علشان ماتبهذل البس اللي ابي ومااضطر اني دايم اخد هاي نكات كامله
جزم
فلاتات طبعا واحتاج بوت قصير بس مالقيت هنا شي عجبني ف باخذ من هناك
هذا اللي في بالي بخصوص الملابس
رد: $ّ تعــــالــو نجهــز شنطتنا ؛ ايش اللي نحتـــاج وناقصنا "نتساعد هنا "
مستلزمات الشقه
بماأن شقتي جاهزه مجهزه فيها غساله واثاث وأواني
فـ يمكن اكون مجحفه بعرض جميع المستلزمات
اخذت
قلايه
قدور ب 3 مقاسات
قطاعة خضار وبصل وكلش ماركة كينوود صغيره وسعرها حلو
غلايه
شوايه
دلال
كوايه
ترا ماعرف اطبخ بس امي شكلها متأمله فيني خير لارحت
يبقى ناقصني "
ملاحف وبطانيات راح اخذهم من هنا
مهــــــــم (( اذا اخذتو هالاشياء احرصو انها تكون 110 اغلبهم 220 )) هذا نظام افياش كندا مدري اذا يختلف عن الباقي
بـــاقي اغراض المطبخ من هيل وزعفران وجبن سايل باخذ كرتون لان مافيه بكندا
وتمر وقهوه وشاهي بكرا انشاءالله
راح تتسألون وش هالخبله اللي بتودي معها كل هالاغراض
طبعا انا باخذ اللي احتاجه اثناء رحلتي
والباقي يسبقني بالشحن :clap3:
رد: $ّ تعــــالــو نجهــز شنطتنا ؛ ايش اللي نحتـــاج وناقصنا "نتساعد هنا "
هذي قائمه مقاضيي واذا زدت شي راح اكتبه
ولاتخافون منتو رايحين مقطعه وكل شي راح يكون متوفر عندكم
بالنهــــااايه ,,,
كل ماشريت اشياء طرى في بالي الناس اللي تواجه صعوبات ماديه كيف تقدر تقضي احتياجاتها + الشهر اللي بتقعد فيه هناك على حسابها وياليت الدوله تنظر لهذي النقطه وتوفر مبلغ على الاقل تعويض بعد الوصول الى مدينة الابتعاث
رد: $ّ تعــــالــو نجهــز شنطتنا ؛ ايش اللي نحتـــاج وناقصنا "نتساعد هنا "
يعطيك العافية خيتوو كفيتي ووفيتي انا جهزت اشياء كثيره نفسك تقريبا
بس ماحطيت في بالي اخذ قدور وقلايه يعني الاواني منزليه مدري انتي بتشحنينها كيف بتحطينها في
كرتونه والاكيف ياليت تعطيني خبر
ولاتنسين تاخذين قفازات والله يكتب لنا الخير بكل خطوه ويوفق الجميع
رد: $ّ تعــــالــو نجهــز شنطتنا ؛ ايش اللي نحتـــاج وناقصنا "نتساعد هنا "
مشاء الله تبارك الله
مسنعه عمرك باذن الله ماتشوفون الا كل خير
رد: $ّ تعــــالــو نجهــز شنطتنا ؛ ايش اللي نحتـــاج وناقصنا "نتساعد هنا "
انا ابقول لكم طريقه مررره روعه لترتيب الملابس تلفين اللبسه مثل الساندوش بس لاتاكلينها ههههههه<<<ماتاخذ مكان وماتحتاج لكوي
بعدها خذي خيوط الصوف مقطعتها ولفيها عاللبسه واربطيها
طبعا اذا كانت البلوزه خفيفه لفي معها بلوزه ثانيه
المهم بعد ماتلفين كل ابو ملابسك خذي اكياس الضغط انا اخذت مقاس35 في 40
وحطي كل نوع لحال<<<<بيوفر عليك وقت بالترتيب هناك
بس:D
رد: $ّ تعــــالــو نجهــز شنطتنا ؛ ايش اللي نحتـــاج وناقصنا "نتساعد هنا "
اشياء ممكن ماحد ذكرها ..
قرآن + سجادة + بوصلة القبلة + ساعة الفجر الاسلامية + كتاب حصن المسلم ..
اغراض الحمام ::
روب حمام ومناشف
شطاف موية يتركب في الكبينيه "البودية" تلاقوها في محل ساكو
شامبو + بلسم + جل شاور + ليفة
حمام زيت للشعر .. بالذات المحجبات راح يحتاجوها لأن لبس الطرحه مده طويلة يأثر على صحة الشعر
ماكينة براون للبنات
اغراض كهربائية ::
فيش حرامي ابو تلاته شكلو زي كدا =- الصغير تلاقوه برضو في ساكو و جودته حلوة
غلاية موية الكهربائية 110 فولت
سشوار شعر 110 فولت -- انا اشوفه ضروري ماله داعي الواحد يتروش ويطلع وينصفق من الهوا
توصيلة ذات تحمل عالي للكهربا و تكون فتحاتها صالحة لجميع أشكال الفيش -- موجوده برضو في ساكو وجودتها ممتازة بصراحه
القرطاسية ::
قاموس ديكشينري يا كتاب أو آلي "الاطلس"
دفتر و مرسام وقلم -- يكفي واحد من كل شي مبدئياً
متفرقات ::
شنطة اكسسوار
بودي لوشن لأن البرد ينشف الجسم
فازلين
بنس ببشعر و شباصات
الصيدلية ::
بنادول نايت + بنادول اكسترا + فيتامين سي فوار بالكالسيوم + ...... اشياء نسائية
مسكن آلام مثل بروفين او رابيدوس او بروفينال
دا اللي في بالي واحسها اشياء مهمه
:)
رد: $ّ تعــــالــو نجهــز شنطتنا ؛ ايش اللي نحتـــاج وناقصنا "نتساعد هنا "
ع البررررررررررركة بالنسبة لي ماراح اشيل ادوات كهربائية احسهااااااااا صعب شوي..
بعدين من هناك احسن جودة ونفس افياشهم.................
رد: $ّ تعــــالــو نجهــز شنطتنا ؛ ايش اللي نحتـــاج وناقصنا "نتساعد هنا "
اقتباس:
المشاركة الأصلية كتبت بواسطة بقاياآ شوق
يعطيك العافية خيتوو كفيتي ووفيتي انا جهزت اشياء كثيره نفسك تقريبا
بس ماحطيت في بالي اخذ قدور وقلايه يعني الاواني منزليه مدري انتي بتشحنينها كيف بتحطينها في
كرتونه والاكيف ياليت تعطيني خبر
ولاتنسين تاخذين قفازات والله يكتب لنا الخير بكل خطوه ويوفق الجميع
حطيتهم بصندوق موكرتون وبرسله بالشحن يوصل بعد اسبوعين
كويس ذكرتيني بالقفازات
