قصتي كآملة ... من الريآض الى بوستن
السلآم عليكم ورحمة الله وبركآته ... أسعد الله أوقآتكم بكل خير ... أنآ الآن في أمريكآ لي تقريبآ أكثر من أسبوع والحمد لله الأمور متيسرة وكل شي تمآم .. أدرس في بوستن - ميرمآك .. طبعآ أنآ مبتعث ع حسآب الملك الله يحفظه .. بأتكلم عن سفرتي باختصآر : أول شي اللي عمره أقل من 21 سنة ضروري يطلع تصريح سفر من فرع الجوازات اللي طلع منه الجوآز لأنهم أحيآنآ يستقعدون ويدققون ع الفآضي وهذآ اللي صآر معي ما ركبت الطيآرة الآ قبل 10 دقائق من الاقلآع وبعد مذلة بعد فلذلك اللي ماعنده يطلع التصريح ويفتك من المذلة اللي شفتهآ لأنهم كانوا بيلغون سفرتي بسببه .. ثآني شي والله الوضع سهآلآت لآ أحد يصدق التهويل اللي شفته أنآ في المنتدى وكنت متخوف جدآ بس لمآ شفت بعيني قلت الله يسآمح اللي جآلسين يخوفون العآلم ع الفآضي ,, ممكن الشخص اللي تكلم صآرت معآه مشكلة وكتب كلآم أقدر أقول إنه مبآلغ فيه شوي .. ثآلث شي أول مآتوصل أمريكآ تدخل ويتختم الــ i-20 وبعدها يعزلونكم في صآلة لحالكم بعدهآ ينادونكم بالأسآمي وتروح للموظف وتراها جدآ جدآ سهلة بس يختمون جوآزك ويصورك فقط وبالنسبة لي ما سألني ولا سؤا
ل واحد بعدهآ تستلم شنطك وتروح للصآلة الخآرجية تلقى موظف الملحقية يستقبلك وتروح للفندق ويعطيك أورآق تعبيها وتروح تستآجر يومين ع حسآبك ركزوا ع حسآبكم واليوم الثآني تستلم الآورآق وبعدهآ تروح ع ولايتك وتدبر نفسك .. بعض الأورآق المهم للملحقية : 1- قرار الابتعاث >> مهم جدا جدا جدا 2- شهادة اخر مؤهل علمي سواءا ثانوية او بكالوريوس ... الخ 3- صورة من الجواز 4- صورة من بطاقة الملتقى 5- اصل بطاقة الاحوال وصور منها >> جدا جدا مهمه 6- صورة من الــ i-20 وفيه بعضها نسيتها لكن نصيحة لوجه الله أي ورقة تحس انها مهمه خذها لاتقول مالها دآعي وخآصة قرآر الابتعاث أهم شي لأنهم ماراح يعطونك لا الضمآن المالي ولا شي الا اذا معاك قرار ابتعاث وأيضا خذ اكثر من 10 نسخ لكل شي يمكن تحتاجها بأي وقت لأن التصوير هنا غآلي شوي .. برضو شغلة مهمة حطوا في بآلكم أول شهر ع حسآبكم ماراح تعطيكم الملحقية شي واذا أعطتكم تقريبا 250 دولار وهذا اللي صار معاي .. فيه واحد من الشباب جاء قبل دراسته بـ 20 يوم وقبل ما ينزل الراتب واعطوه 600 دولار بس بالعربي مكافئات الطلاب كل يوم 22 من تاريخ هجري مو ميلادي يعني لو وصلت أمريكآ يوم 23 هجري مارآح يعطونك شي وتنتظر الى يوم 22 من الشهر اللي بعده وهذا كلام موظف الملحقية لي لأني وصلت أمريكآ يوم 26 والى الان ماجاني ولا فلس من المكافئة ... وممكن أكون خطأ بس هذآ اللي سمعته واللي صاير معآي ,, بالنسبة لرسوم السيفس والفيزا اللي معاه صور منها يآخذها وبعد ما يفتح حساب في البنك يآخذ شيك ملغي ويحطه بورقه يعطونك اياها الملحقية ويرسلها ع رقم الفاكس اللي بآخر الورقة بس انتبهوا لشغلة مهمة الرقم يبدأ بـ 202 بس انت حط 1 قبلها بحيث يصير الرقم 1202 ويرسل ع نفس الرقم صورة من الفيزا + ايصال سامبا + رسوم السيفس ويكتب ع كل ورقة الرقم الطلابي لأنه اللي ماراح يسوي طريقتي ماراح يعوضونه وراح يطلعون له كل شوي بكلمه واذا عوضوك يطلع المبلغ 340 دولار اذا مو ناسي .. بالنسبة للنآس اللي في منآطق بآردة يآخذون احتياطاتهم اقل شي لأول شهرين ايضا خذ كل أغراضك من السعودية سواءا عطورات او شامبوهات او ادوية مثل البندول وشلتها لأنها غالية وبرضو تختلف الأنوآع بس نقطة حلوة اللي هي لاتشيل بالشنطة اللي بتحملها بيدك أي علبة حجمها أكثر من 100 مل ترى رآح يصآدرونها بالاضافة وهذي نصيحة مني اللي بياخذ شامبوهات حجمها كبير شوي من 300 مل وفوق في الشنط اللي يبي يشحنها يقفلها بقفل او رقم سري ولا احد يخلي شنطته مفتوحة أنا كنت حاط بلسم 500 مل ولا شفته الى الان .. أيضآ دورآت الميآه ( أعزكم الله ) بدون مويا يعني أنوآع العذآب بالفآين .. من الأشياء المهمة افياش امريكا 110 فولت اللي تجي نحيفه لا احد يكون فيشه دائري ويبتلش مثلنا .. ايضا بوصلة لتحديد القبلة وافضل ساعة الفجر لمعرفة اوقت الصلاة ( ساعة حائط الالكترونية ) .. لازم أقل أقل شي يكون معآك 1000 دولار والا رآح تتعذب ... ثاني اهم نقطة الواحد قبل لايجي يدور له سكن لأني وصلت منطقتي وانا ماسويت شي والان معاي تقريبا اكثر من 100 شخص ساكنين بفندق وسكن المعهد فل وايضا مافيه ولا عائلة عشان كذا ابحث من الان واحجز عشان تريح مخك ... أهم أهم شي خذ معاك قرآن وكتيبات ع الدين والاذكآر وسجادة صلآة ولاتنسى رضى والديك عنك قبل لاتودعهم .. بصرآحة أفكآري مشوشة وكتبت ع عجل فاعذروني ان نسيت شي ما ذكرته ,,, وطبعا انا ما اخذت معاي لاب وداخل من جهاز صاحبي لذلك ماراح اكون ع اتصال دائم لكن اللي يبي شي يقدر يسأل وانا اجاوبه اذا قدرت ادخل وان شاء الله ماراح اقصر مع احد .. ql-2020@hotmail.com وهذا رقمي شريحة اتصالات استقبالي مجاني واللي يتصل علي يحسب عليه اتصال داخلي 0500288843 واعذروني ما اقدر ارد ع رقم زين او موبايلي .. وآسف ع الإطآلة .. تــ ح ــيــآتــي
رد: قصتي كآملة ... من الريآض الى بوستن
الله يعطيك الف عاافية ..
حااب اسئلك عن الاب فتشوه ولا لا؟
وكمان احتجتو تروحو للملحقية؟ ولا كل الاشياء تسووها في دبل تري وما يحتاج روحة؟
يعطيك العاافية وبالتوفيق
رد: قصتي كآملة ... من الريآض الى بوستن
يعطيك العافيه وضحتلنا اشياء كثيره ماكانت في البال ...
^^ نفس السؤال .. نروح الملحقيه ولا كله في الفندق؟؟
رد: قصتي كآملة ... من الريآض الى بوستن
يعافيك ربي ماسوينا شي الا الواجب ..
اول شي انا ما اخذت جهاز معاي بس فيه ناس فتشوهم وناس لا ..
ثاني شي بالنسبة لي مارحت للملحقية كل شي جاء لحدي بس بعض الناس راحوا للملحقية وانا اشوف مالها داعي ...
وأي خدمة أنا حاظر ...
بس تكفوووون محتاااج دعواتكم لي ولوالدي ...
رد: قصتي كآملة ... من الريآض الى بوستن
الله يوفقك ويسهل اموووورك يااااارب
كذا المواضيع والا بلاااااش ،، نبهتنااا على اشياء مهمه
الله يحفظ لك والديك ،، ويخليهم لك ياااارب
رد: قصتي كآملة ... من الريآض الى بوستن
مشكور موضوعك يجنن
الله يسعدك دنيا واخره
رد: قصتي كآملة ... من الريآض الى بوستن
يعطيك العافية اخوي والله يسهل لك امورك
بغيت استفسر
فتحت حساب في واشنطن ؟
رد: قصتي كآملة ... من الريآض الى بوستن
شكراً لك على كل هذه التنبيهات....
بالنسبة للتعويض السيفس والفيزا... فهي بالفعل لازم تصير 340 دولار...
بالنسبة للـ 250 دولار الي عطاك إياها... هذي تعويض حق أول شهر ولا؟؟؟؟
وبالنسبة للضمان المالي والتأمين الصحي... هذي وصلت لك على الإيميل؟؟؟
سمعت إنه في بطاقة تعريف طالب تعطى للطلاب.... هل رسلاها لك على الإيميل ولا؟؟؟
وشكراً لك..
رد: قصتي كآملة ... من الريآض الى بوستن
يعطيك الف عافية بصراحه استفدت كثير
رد: قصتي كآملة ... من الريآض الى بوستن
^^^ نفس اسألت اخوي الي فوق
ويعطيك الف عافيه