اقدر اغير تخصصي ..؟ من الان او بعدين و هل يحسب ..؟؟

للرفع

احديرد 22 مشاهد بس ؟

في حال اختلاف التخصص عن البكالوريوس لازم تكونين دارسة مواد تكميلة قد تصل الى سنة كاملة او فصل دراسي ..
هذا بناء على كلام المسؤول اللي القى محاضرة في ملتقى المبتعثين ..
وعلى كلامه بعض التخصصات حتى دراسة المواد التكميلة احيانا ماتفيد اذا هناك اختلاف شاسع بين التخصصين مثل حالتك ..
راسلي معادلة الشهادات واستفسري منهم افضل لك ..
لكن اعتقد انه فيه تخصصات مثل تغذية اكلنيكية تكون امتداد لتخصصك واكيد راح يحسبونها ماستر بدون مواد تكميلة ..
قسم حلو ومرغوب في قطاع العمل .. لاتنسي ان اكثر المبتعين على تخصص ادارة الاعمال اتوقع البلد راح تمتلي منهم

اشكر ردك و وجهة نظرك ..

أول شيء عزيزتي بخصوص معادلة الشهادات /

أي شهادة صادرة من خارج المملكة سواء كانت امتداد للتخصص او عكس ذلك فلا بد أن تخضع للمعادلة .

في حاله اختلاف تخصصك فإنك ملزمه بدراسه مواد اضافيه حسب مايقتضيه القسم وتوافق عليه الوزارة كي لا تقعين في اشكاليه عدم اعتماد الشهادة .

بخصوص وضعك الحالي / أرى أن الافضل هو انك تكملين في مجال تخصصك تغذيه او تغذيه اكلينيكيه او في احد فروع تخصصك الجديدة . لكن اداره اعمال أشوف مافيه اي رابط بينه وبين تخصصك السابق !ولا راح يفيدك كثير بمستقبلك كثر ماراح يفيدك الدراسة في نفس تخصصك او في أحد فروع تخصصك كما أنه يسهل من عمليه معادلة الشهادة وتريحين نفسك من دراسه مواد اضافيه وغيرها .
فمن وجه نظري المتواضعه تخصصك يزخر بالعديد من الفروع الحديثه ففرصه انك تواصلين فيه وحرام تظلمين نفسك بدراستك لتخصص بعيد كل البعد عن تخصصك الاساسي . هناك فرق شاسع بين تخصصك في الباكلوريس والماستر .!!

بالتوفيق لك .