بخصوص تاجيل موعد الدراسة ؟

نفس الأستفسار أخوي ياريت نلاقي جواب سريع من الاخوان

يا جماعه ياليت نلاقي جواب أسعفونا الله لا يهينكم

راسل المعهد نفسه يرسلك قبول جديد

وبما انك ماطلعت الفيزا فمو مهم رقم السيفيس يكون نفسه او مختلف

واصلي مع التجسير هو يضبطون لك كل شي . لا تدخلين في دوامه . انا راسلت المعهد وبعد ما نجح كل شي قالوا لي ارسل لنا الفلوس التوصيل . فقعدت بها . وكلمت تجسير وهم قالوا خلاص حنا بنتواصل معاهم بس الحين تاخروا علي لي اسبوع كامل ما ردوا علي وارسلت لهم قالوا لي انتظرنا بس

يعطيكم العافية كل الي ردوا

يعني هالحين ما يحتاج ارسل تكملت اوراقي بهذا القبول للسفارة

لازم انتظر يجيني القبول الجديد مابعد التأجيل وهو الي ارسله للسفارة

ولا كيف .....؟؟؟؟؟؟؟؟


الف شكر

اخوي امرك سهل ان شاء الله روح مكتب تجسير وقلهم انك تبي تاجل الدراسه لضروف الفيزا وعادي هم ياجلونه لك امكن الامرياخذ اسبوع وعادي ياجلونه لك 3 اشهر وبعدها قدم على الفيزا بالقبول الاول لان رقم السفس واحد روح المقابله وقلهم اني طليت تاجيل لدراسه واذا جاك القبول الجديد ارسله لهم على الاميل وتخلص امورك ان شاء الله

أخوي أنا مثلك بالضبط بس للأسف تو اشوف موضوعك ..

ومعاك بنفس المعهد FLS غليندورا سيتي .. كاليفورنيا ..

كنت الاثنين اللي قبل الماضي راسلوني الوزارة انو قبولي معهم ورحت لهم يوم الثلاثاء .. تفاجأت تاريخ دراستي 11/4/2011 يعني كان باقي 19 يوم فقط .. والمشكلة الاي توني مطبوع من تاريخ 2/2/2011 يعني من اول مرة ارسلت بياناتي للملحقية بشهر يناير انطبع الاي توني .. وتو يسلموني اياه!!

يوم الأربعاء رحت لمكتب قلت اخليه يحجز موعدي ماعندي وقت وما ابي اخطا في اي شي وما لاقى موعد غير بيوم دراستي 11/4

المهم يوم الخميس والجمعة ماسويت فيهم شي ورجعت للمكتب يوم السبت كلم السفارة انو يبي ياخذ لي موعد طارئ واعطوني موعد يوم الأثنين (بعد يومين) ورحت الاثنين الماضي انا وزوجي وبنتي .. والحمد لله .. بعد ماخلصنا امورنا قلت للقنصل انو موعد دراستي قريب مرة هل فيه مجال تصدر فيزتي بأسرع وقت ممكن .. ؟؟
طبعا لو كانت اجابتها لا كنت قلت لها اذن بأجل موعد الدراسة وبابعث لكم الاي توني الجديد .. بس هي قالت لي : yes .. in one week
طبعا تذكرون اخواننا مكتب تجسير لما قالوا لنا انهم بيوزعوا قبولاتنا من تاريخ 9 ذي الحجة ولمدة اسبوعين و..شوفوا وين وصلنا وفيه اللي تو يستلم وفيه اللي لسا ما استلم .. وفيه اللي سلموا أمرهم للملحقية !!
نرجع لموضوعنا .. القنصل قالت لي اسبوع واحد .. هذا يوم الاثنين .. يوم الأربعاء الصباح فيدكس ارسلوا لي استلم جوازاتي .. واستلمتهم والحمد لله .. يعني أقل من يومين!!

يوم السبت ان شاء الله باطلع الوزارة اصدر أمر الإركاب .. دعواتكم لي ..

يعني أخوي لو انك قدمت عالفيزا وما اجلت كنت الان مثلي خلصت أمورك .. وبدينا الدراسة بنفس الكلاس ..

أتمنى اني ماطولت عليك .. ولا تقول لي وقتي ضيق .. صحيح مضغوطة .. لكن ما احب يكون التأخير مني في اي شي .. ومن الأفضل انو الواحد يخلص أموره ويسافر على انه يصير ينتظر مرة ثانية ..

على فكرة أنا راسلت الوزارة وسألتهم لو ما لاقيت موعد عند السفارة _قبل ما احجز موعد طارئ_ أراسل المعهد يأجل موعد الدراسة .. قالوا لي أراسل الملحقية هم اللي يأجلوا موعد دراستي .. ولما سألت المكتب اللي رحت عنده يحجز موعدي .. قال لي المعهد يرد على الكل من نفس الايميل ممكن مايردوا عليك بكير .. راسل الملحقية هم يكلموا المعهد يأجلوا لك ..
وبصراحة كلنا نعرف الملحقية مايردوا الامتأخر .. وعموما انا راسلتهم وبعد مااصدرت فيزتي ردوا علي انهم يبوني أجيب لهم من الوزارة خطاب موافقة على تأجيل موعد الدراسة .. .. عموما أنا كتبت لك اللي ممكن يفيدك واللي ما يفيدك من تجربتي .. يمكن غيرك يستفيد ..

أعتذر على الإطالة

سلام

واذا كان المرافق ما يقدر ياخذ اجازة الا في شهر سبعة ميلادي يرضون ياجلون البعثة ولايقولون غيري المرافق لان ما فيه غيره ويش السواة هنا

السلام عليكم

يعطيكم العافية للك ع تواصلكم


الي صار معاي ............

رحت للوزارة وقابلتهم وكلمتهم عن السبب وان الوقت مره ضيق

قالوا لي بالحرف الواحد انت اول مرة تأجل قلت ايوه

قالوا خلاص قابل الموظف الفلاني وهو راح يمشي باجراءاتك

قلته يمكن يرفض

قال لا

اصلا مسموح لك تأجل 3 مرات

وغالبا اول مره جدا متساهلين فيها

يعني ما يحتاج اي ظرف

وبعد ماراسلت الملحقية طلبوا مني ارسلهم بعض الاراق صورة القبول والجوازات وسبب للتأجيل

وبانتظار الرد منهم حاليا ................


وربي يوفقك الكل ويجل لكم في كل خطوة سعادة وسلامة ....................