الاخوان الذين أصدرو قرارت ابتعاث ^-^ بس كم أستفسار الله لايهنكم .
السلام عليكم جميعا
ندش في الموضوع سيده
أنا استلمت الفيزا " ولله الحمد و الفضل والمنة "
و ابغى أصدر قرار ابتعاث
مع العلم بأني خريج ثانوي ورايح أدرس بكالوريوس
أطلعت على شروط أصدار قرار الابتعاث بعضها كان غامض بنسبة لي و ياليت تنوروني الله ينير دربكم
-طالبين صورة من قبول اللغة + الجامعة ---------> طيب قبول اللغة أيش قصدهم هل هو i-20 ولا لا؟ قبول الجامعة ما بعد حصلت عليه من وين أحصل عليه ؟
-طالبين صورة من i-20 -------> الحين ماهو i-20 اليس هو قبول اللغة , الحين اصبحت في حالة من التناقض .
-طالبين صورة من وثيقة التخرج بالاضافة الى صورة كشف الدرجات --------> طيب حلوين الحين وثيقة التخرج بنسبة لي هي شهادة الثانوي العامة , طيب لكن وش يقصدون بكشف الدرجات ؟
تر والله لا أعرف ولا أدري عن أم السالفة
ساعدوني الله يساعدكم دنيا و اخره
و اسف على الاطالة
تقبلو تحياتي
رد: الاخوان الذين أصدرو قرارت ابتعاث ^-^ بس كم أستفسار الله لايهنكم .
وعليكم السلام
وثسقة التخرج وكشق الدرجات لخريجي البكالوريوس
اما خريجي الثانوي شهادة الثانوي
والباقي ما اعرف ان شاء الله يفيدونك باقي الاعضاء
والله يسهل علينا وعليك البعثه واجرائاتها
رد: الاخوان الذين أصدرو قرارت ابتعاث ^-^ بس كم أستفسار الله لايهنكم .
ايه القبول هو نفسه الاي توني ,
ومن الغباء مكررينه
قبول الجامعة هم اللي يتكفلون فيه كيف يطالبونك به , صور بس الاي توني اكيد فيه غلط
رد: الاخوان الذين أصدرو قرارت ابتعاث ^-^ بس كم أستفسار الله لايهنكم .
اقتباس:
طالبين صورة من قبول اللغة + الجامعة ---------> طيب قبول اللغة أيش قصدهم هل هو i-20 ولا لا؟ قبول الجامعة ما بعد حصلت عليه من وين أحصل عليه ؟
أخوي بما انك طالب ثانوي يتطلب منك اثنين (( قبول اللغة = قبول المعهد + قبول الجامعه = قبولك اللي راح تدرس فيه درجة البكالوريوس )) وإذا ماحصلت على قبول جامعة لحد الان حاول تراسل اي جامعة فيها التخصص اللي حاب تدرس فيه وتكون بنفس الولاية اللي تم فيها قبولك لدراسة اللغه أو اذا تعرف احد هناك يطلع لك قبول جامعي او مكاتب وحاول إحصل عليه بأسرع وقت ممكن لان الشهر 4 ميلادي اخر شهر لاصدار قرار الابتعاث .. >> هذا كلامهم أيام الملتقى ..
بس المفروض انهم تم تأمين قبول الجامعه مع قبول اللغه !! لكن حاول تراسل الملحقية اذا انت من الطلاب اللي تم تأمين قبولاتهم منها حاول الاتصال معهم واشرح لهم ان ماحصلت قبول ولا وصلك لحد الان او انت حاول تحصل على قبول بنفسك .. والله يعييينك اخوي ..
اقتباس:
-طالبين صورة من i-20 -------> الحين ماهو i-20 اليس هو قبول اللغة , الحين اصبحت في حالة من التناقض .
الـ I-20 هو عبارة عن 3 أوراق ولما يتطلب منك صورة من القبول + الـ I-20 هنا فيه فرق (( القبول عبارة عن ورقة وحده فيها ختم المعهد اللي تم قبولك فيه ومعلوماتك وهو يجي مع الـ I-20 اللي 3 اوراق ))
اقتباس:
-طالبين صورة من وثيقة التخرج بالاضافة الى صورة كشف الدرجات --------> طيب حلوين الحين وثيقة التخرج بنسبة لي هي شهادة الثانوي العامة , طيب لكن وش يقصدون بكشف الدرجات ؟
لا هذا يخص طلبة الدراسات العليا لكن المتطلبات اللي تخص طلبة الثانوية (( صورة من شهادة الثانوية العامه + صورة من شهادة القدرات + صورة من شهادة حسن سيرة وسلوك ))
اقتباس:
تر والله لا أعرف ولا أدري عن أم السالفة
ساعدوني الله يساعدكم دنيا و اخره
و اسف على الاطالة
تقبلو تحياتي
وان شااءالله إني قدرت أفيدك واوضح لك المعلومات ولو بشي بسيط :)
والله يووووفقك ويسهلها علينا وعليك أخوي ..
رد: الاخوان الذين أصدرو قرارت ابتعاث ^-^ بس كم أستفسار الله لايهنكم .
وثيقة التخرج يقصد بها لطلاب الدراسات العليا لانهم يطلبون السجل الاكاديمي و الوثيقه <<< كشف الدرجات = السجل الاكاديمي
انت رح ومعك كل اوراقك هناك
وصور بطاقة الاحوال , وصور القبول , وعب النموذج اللي موجود هناك او اطبعه من موقع الوزاره << مو لازم يكون ملون يكفي اسود وابيض
وبتضبط امورك كلها تياسير ان شاء الله
بس رح بدري عشان تاخذ لك رقم قبل الناس والا ترى بيلطعونك وبيجيك النوم ماخلصوا
رد: الاخوان الذين أصدرو قرارت ابتعاث ^-^ بس كم أستفسار الله لايهنكم .
بس يأخوان أنا مني من الرياض
محتاج شوركم حسب خبرتكم
هل أرسل الاوراق عن طريق البريد الممتاز ثم بعدين لم يطبع القرار أسافر الرياض ؟
ولا
أسافر الرياض بالأوراق و أقوم بالاجرات من الرياض؟ يعني بدون ما أرسله بالبريد الممتاز.
رد: الاخوان الذين أصدرو قرارت ابتعاث ^-^ بس كم أستفسار الله لايهنكم .
اقتباس:
المشاركة الأصلية كتبت بواسطة * American Dream *
بس يأخوان أنا مني من الرياض
محتاج شوركم حسب خبرتكم
هل أرسل الاوراق عن طريق البريد الممتاز ثم بعدين لم يطبع القرار أسافر الرياض ؟
ولا
أسافر الرياض بالأوراق و أقوم بالاجرات من الرياض؟ يعني بدون ما أرسله بالبريد الممتاز.
تقدر ترسلها على هذا الايميل : atariri(@)mohe.gov.sa
واذا شفت في صفحة الطلب تم طباعة قرار الابتعاث
توكل على الله وروح استلم قرار الابتعاث
..
بالتوفيق يارب..
رد: الاخوان الذين أصدرو قرارت ابتعاث ^-^ بس كم أستفسار الله لايهنكم .
رح الرياض كلها 3 ساعات وانت مخلاص شغلك
رد: الاخوان الذين أصدرو قرارت ابتعاث ^-^ بس كم أستفسار الله لايهنكم .
أوكاه بعدين لم أصدر قرار أبتعاث من وين أقص التذاكر؟
و بعدين أيش سالفة أمر الاركاب ؟
أعذروني و الله أحس أني طولت عليكم
سامحوني بس .
رد: الاخوان الذين أصدرو قرارت ابتعاث ^-^ بس كم أستفسار الله لايهنكم .
السلام عليكم عزيزي القبول يختلف طبعا عن الاي تونتي لاكن المعهد او الجامعه راح ترسل لك الاي تونتي والقبول مع بعض اما بالنسبة لكشف الدرجات هذا للبكالوريوس اما انت شهادة الثانويه وبس