الي راح يجي على Boston وعندهـ اي استفسار يتفضل ... ( لجميع المبتعثين )

السلام عليكم

صباح / مساء الخير

اخباركم يا طلاب وطالبات المرحلة السادسة

مثل ماهو مبين في العنوان

اذا كنت مبتعث او مبتعثه / مرافق او مرافقه / سائح او سائحه

سواء وصلت للمدينة او لآ

وعندك استفسار في مدينة بوسطن تفضل هنا وراح اساعدكم بقدر المستطاع

عن محلات .. اسعار شقق .. المواصلات .. المعاهد .. اماكن السياحه ... << اما الجامعات مو من اختصاصي :)

لان قبول الجامعات هنا شويه معقد

بالتوفيق لي ولكم :)

اخوي الاخوان اهم شيء يحتاجون اليه اتوقع

وسائل المواصلات ؟
٢\ الاسعار مقارنه بواشنطن و نيويورك المدن الرخيصه والمدن الغاليه
٣\ توفر السكن واسعاره
٤\ السعوديين مقارنه بالمدن الاخرى في امريكا

هدا اللي اتوقع يحتاجونه المبتعثين

وسائل المواصلات معروف في بوسطن من احسن المدن في امريكا وتعتبر من الاغلى

باص + ترين في الشهر بـــ ٥٩ دولار

السكن متوفر على حسب المكان يعني قول لي وين راح تسكن في اي منطقه واعطيك الاسعار

السعودين موجودين عدد لا بآس به
المدينة تنفع للبنات لان نسبة الامآن عاليه جدا وماشاء الله كل يوم امشي واشوف مجموعة بنات مع بعضهم ولا احد يكلمهم

مشكور اخوي
بس ودي اسالك هل المكافئه هناك تكفي ولا نحتاج مساعده ماليه من الاهل
لاني سمعت انها غاليه

بس بسالك كيف سكن الجامعه؟ يعني فيه غرف مشتركه ولا غرف لوحدك ولا كيف؟

اقتباس:

---

المشاركة الأصلية كتبت بواسطة abo0ora

مشكور اخوي
بس ودي اسالك هل المكافئه هناك تكفي ولا نحتاج مساعده ماليه من الاهل
لاني سمعت انها غاليه

---

على حسب صرف الشخص

بالنسبة لي المكآفآهـ اخر الشهر يبقى منهآ مع اني اشتري اي شيء اشوفه

المدينة غاليه من ناحية السكن ... لكن انا اشوف كل شيء عادي من ناحية الاكل و ادوات البيت وزي هادي الاشياء

بس في شيء مهم
بالنسبة للسكن اذا كان يتحمل السكن شخص واحد راح يتعب

نفرض انه جاء مبتعث او مبتعثة بيسكن لحاله/ـا ياخذ استديو قيمتة مثلا بـ١١٥٠$
طبعا هذا الاستديو في مكان راقي يعني كل شيء قريب منك :)

راح يبقالوا تقريبا ٧٠٠$ ناخذ منهآ حق المواصلات + الجوال ٥٩$+٧١$=١٤٠$

يبقى له ٥٤٠$ طبعا راح تضيع في الاكل وغير اشياء الترفيه
بالنسبة للكهرباء والنت رخيصه جدا

هاذي طبعا حسبة بسيطة لمكافآة المبتعث ١٨٥٠$ مو المبتعثه الي معهآ مرافق

لكن الافضل بالنسبة للمبتعث يسكن مع شخص في شقه وكل واحد في غرفه مستقله كذا يوفر على نفسه

وكمان للمبتعثة ... اشوف في المعهد البنات مسوين قروب وماخذين لهم شقه يعني يتساعدوا

بس المبتعثة اذا معهآ مرافق وهذا الشيء اكيد راح تكفيهم المكافآهـ بإذن الله اهم شيء ينتبهوا عليها :p

بالنسبة لي لو اضيع كل المكآفاة مو مشكله اهم شيء عندي المدينة آآآآمنه واطلع واجي في اي وقت

بالتوفيق

اقتباس:

---

المشاركة الأصلية كتبت بواسطة MaJooDi_Zz

بس بسالك كيف سكن الجامعه؟ يعني فيه غرف مشتركه ولا غرف لوحدك ولا كيف؟

---

على كيفك بس فيه فرق في السعر لوحدك راح تكون اغلى

بس لازم تحجز وتكلمهم من بدري عشان تحصل لك غرفه خاصه فيك

بالتوفيق

السلام عليكم
أشكرك اخي / اختي MoMo18
بصراحه الموضوع وصل في وقته لاني ابي ادور سكن وماني عارف كيف انا بوصل لـبوسطن في 5/12 من الشهر الجاي تقريبا 3 العصر ^^
المهم انا في معهد كابلان في الداون تاون عناونه 1congress st. Boston MA فا ابي شقه تكون قريبه ويفضل مع احد لاني سمعت انو السكن غالي مره
وهل الاماكن الترفيهيه قريبه من الداون تاون
وبالنسبه للفلووس انا ناوي اخذ معي 1500 دولار ومحتار كيف اخذهم معي كاش ولا فيزا بالمناسبه متى ينزلون لي مصروفي اذا وصلت 5/12 ميلادي ... أتمنى احد يفيدني بالموضوعين وألف شكر.

اقتباس:

---

المشاركة الأصلية كتبت بواسطة KSA6

السلام عليكم
أشكرك اخي / اختي MoMo18
بصراحه الموضوع وصل في وقته لاني ابي ادور سكن وماني عارف كيف انا بوصل لـبوسطن في 5/12 من الشهر الجاي تقريبا 3 العصر ^^
المهم انا في معهد كابلان في الداون تاون عناونه 1congress st. Boston MA فا ابي شقه تكون قريبه ويفضل مع احد لاني سمعت انو السكن غالي مره
وهل الاماكن الترفيهيه قريبه من الداون تاون
وبالنسبه للفلووس انا ناوي اخذ معي 1500 دولار ومحتار كيف اخذهم معي كاش ولا فيزا بالمناسبه متى ينزلون لي مصروفي اذا وصلت 5/12 ميلادي ... أتمنى احد يفيدني بالموضوعين وألف شكر.

---

حياك الله اخ KSA6

بالنسبة للسكن شوف انا راح اعطيك روابط فيها الاسعار وعنوان الشقه وقربها عن مقر دراستك

هذا اول شيء الفنادق لان اغلب الطلاب الي مايعرف احد ياخد كم في الفندق لين يحصل له شقة
http://ab.hotelium.com/City/Boston.h...FYje4AodXzOOHg

اما بالنسبة للسكن شقه او غرفه او من هذا القبيل راح اعطيك هذا الرابط جيد جدا وانا سكنت عن طريقهم
لموقع : http://boston.craigslist.org/roo/

وانا سويت لك رابط مباشر على مدينة بوسطن يعني اللي عليك انك تدخل اسم المدينه اللي اللي انتي راح تدرس فيها وتحدد السعر المطلوب والموقع راح يبحث لك بالشقق المتاحه للايجار في نفس المكان

ملاحظه : اول ما تحط اسم المدينه مثال : بوسطن او كامبردج او اي مدينه يكون فيها مقر دراستك و تطلع لك روابط الشقق المتاحه راح يجيك مقابل كل رابط ( pic) باللون البرتقالي ,, هذا معناته ان الرابط يحتوي على صور لكل شقه ومقابلها السعر .. وفيه شرح لكل شقه يعني من ناحية عدد الغرف وهل هي منعزله او غرفه من مجموعة غرف يعني تبغى معك احد ,,

انت شيك على كل الروابط اللي تناسبك واي شقه تشوفيها مناسبه لك تجيك في نهاية الصفحه موقعين ل google و yahoo هذه الموقعين لتحديد موقع الشقه

يعني انت اول ما تختار الشقه تدخل على احد الروابط وهي راح تنقلك للخريطه اللي عليك انك تحط عنوان المعهد او الجامعه اللي راح تدرس فيها وتشيك على مسافة الشقه من السكن و الخدمات القريبه من الشقه سواء ماركت او باصات نقل او مطاعم ...

بس بقول لك معلومة مهمة جدا الآآآا وهي <<< :)

كل الشقق لهآ عقود سنة والبعض ست شهور تدفع الشهر الاول والتامين والشهر الاخير

وبعضهم مايطلب منك الشهر الاخير

واذا جيت بتطلع لازم تعطيهم خبر قبل ماتطلع بفترة عشان يلقون غيرك ياخذ الشقه ويرجعون فلوسك

وإلا اذا بتطلع من كيفك راح ياخذون عليك التامين والشهر الاخير

بالتوفيق :)

الشكر الجزيل لك ،
لاكن بالنسبه للمصروف اللي انا باخذه هل اخذه كاش ولا في طريقه افضل منها ..؟