رحلة الوصول إلى مدينة الدراسة (أمريكا) ابداءً من مطار السعودية بالتفصيل الممل

بسم الله الرحمن الرحيم
والصلاة والسلام على سادة البلغاء والمتكلمين نبينا وحبيبنا حبيب الله محمد وآل بيته الذين أذهب الله عنهم الرجس وطهرهم تطهيرا وعلى أصحابهم المنتجبين أجمعين
أنا حالياً موجود في مطار واشنطن يعني ماوصلت مدينتي ولأن ماعتقد بكون في جديد لم أوصل مدينتي إلا أشياء خاصة فيني وفي إلي بكوني معاي في المدينة (ويلكس-بار)..
أولاً للمعلومية أنا جيت أمريكا بالطيران القطري يعني بالنسبة للشنط والعفش ما أدري كم مسموح للطيران السعودي إن يحملوا
الطيران القطري يسمح بشنطتين وزنهم 23 كيلو جرام وأي جرام زيادة تدفعوا عليه 75 دولار<<الشنطتين إلي بينشحنوا أقصد وعادي لو وصلوا لـ 24 كيلو لكن لا يزين ولا جرام واحد وأنصح إن تكون الشنطة 22 كيلو جرام وما أقل عشان في مطار واشنطن لا تصيبكم مشاكل (أقصد لم بتقلعوا من واشنطن لمدينتكم زي ما أنا الحين أنتظر أروح لمدينتي لووووووول)
ومسموح تدخلوا معكم داخل الطيارة شنطة هاند باج أو باك باج(شنطة يد أو شنطة ظهر) وحدة، قانونياً هالشنطة مفروض يكون وزنها 7 كيلو جرام لكن ماحد يوزنوها له فعادي أنا مثلاً دخلت بشنطة حدود 12 كيلو جرام وماحد كلمني بالاضافة ان مسموح تحملوا شنطة لابتوب أو كيس حتى لو كبير وماحد بقيس وزنه<<أنا دخلت بشنطة لابتوب فيها اللابتوب والكتب ومليون كتاب ووزن الشنطة حدود 1200 كيلو جرام هع هع
وللمعلومية الشنط إدا ماكانوا سليمين يعني مو مكسورين (أقصد الشنط إلي تنشحن) فلازم يتغلفوا بـ 20 ريال للشنطة الوحدة
ويفضل الجوالات تكون مشحونة فول وإدا كان عندكم آي فون وبتحملوا اللاب توب فاحملوا معاكم الشاحن لأن الطيران القطري فيه يو اس بي يعني تقدروا تشحنوه لكن في بعض الطائرات مع إن في يو اس بي لكن مايشحن ففي هالحالة بينشحن من اللابتوب<<يعني حتى اللابتوب خلوه مشحون فول وطبعاً الكيمرا بعد ادا كنتوا بتحملوها
بصراحة من إن أنا في العادة ماحب آكل من الطائرات أبداً لكن أكل الطيران القطري كان لا بأس به وأكلت<<مو لديد لكن ينبلع وعادي يعني مو ماينقال عنه سيء<<كل واحد وذوقه
المسافة من الدوحة لواشنطن تقريباً 6919 ميل
في الطائرة نموذج الـ I-94 ونموذج الجمارك ماوزعوهم علينا إلا قبل الوصول بساعة
وباليالله مداني أخلصه لأن السيارة تهبط وتهتز وفي أشياء أحتاج أتأكد منها...إلخ
أنصح الكل يتطلع عليهم قبل السفر للاحتياط ويفضل يحمل وياه نسخة مترجمة وتكون معبينها أو نسخة انجليزية معبية عشان مجرد يعبيها من جديد في الطائرة
لكن ادا ما اطلعتوا عليها فعادي بعد لأن أنا رحت على عماية ومشت أموري<<أهمشي تكون انجليزيتكم أوكي لأن في كلمات صعبة شويتين لأنها أغذية وأشياء الواحد مايستخدمها لغوياً عشان كذا صعب ان يكون يعرفها ادا ماعنده مترجمة..
بعد النزلة من الطيارة يفضل ماتمشوا ببرود وتقولوا تعبانين وتمشوا على مهلكم لأن وحمة مووووووووت بتصادفكم فيفضل ان تسرعوا في المشي شوي عشان لا تزيد الزحمة<<بصراحة نسيت ما أسجل في أول طابور كم (وقفت) لكن مالا يقل عن نص ساعة ويمكن يقارب الساعة<<احتمال في غي اليوم إلي أنا وصلت فيه مايكون في زحمة بهالشكل والله أعلم..
لم توصلوا للخط الأصفر وتروحوا للموظف بيطلب منكم الآي تويني والنماذج إلي عبيتوها وبيسأل أكيد ليش جايين وبعدها بيكتب حرف )B( على النموذج الأبيض ادا ماخانتني الذاكرة <<بعد مايقصوا الجزء إلي يخصهم
في ناس صوروهم وفي ناس خلوهم يبصموا لكن أنا ماسووا ليي هالشي مع إنها أول مرة أجي فيها أمريكا..
بعد ماتمشوا بتكونوا خلصتوا من أكثر مرحلة متعبة إلي هي الطابور الطويل
وببقي عليكم مرحت الذل في الإمجريشن هع<<مع احترامي للجميع
لم تمشوا من الموظف أو الموظفة إلي كنت أتكلم عنه من شوي فبتشوفوا شاشة محطوط فيها رقم الرحلة والخطوط والمسار إلي فيه العفش، بعد ماتاخدوا عفشكم يعني شنطكم فعلى اعتبار إن الموظفين إلي كنت أتكلم عنهم وراكم فتمشوا سيدة لآخر شي وبعدها يمين وتمشوا سيدة لين ماتشوفوا ناس يدخلوا بعد التأكد من جوازاتهم بكل احترام، لا تتفائلوا هالمسار مو لنا ههههههههه ادا شفتوا هالشي فلفوا يمين وبيتشوفوا 3 أماكن الأول هو A والثاني C والثالث بكون آآآخر شي وهو حرف الـ B أزرق وفيه كراسي مخصصين لهالبي ما شاء الله لأن احتمال كبير تطولوا هناك لأن الحين وصلتوا لدار الهجرة (الإمجريشن)
طبعاً بس حرف البي إلي فيه تأخير أما البقية على طول يمشوا
حتى لو وصلتوا ومافي أحد أبداً لا تتفائلوا واجد لأن صاحبي من قبل وصل ومافي أحد وقعد لحاله مدة أربع ساعات(في واحد قعد وياه بعد ماوصل لووول)..
نصيحة للكل أنا سويت شي ونفع ويايي لأني كنت مؤمن أكثر مما تتخيلوا انه بينفع ويايي وهو إن من لم نزلت من الطائرة كثرت من الصلاة على النبي وآله عليهم أفضل الصلاة والتسليم ولم وصلت دار الهجرة بعد ضريت أصلي أثناء الانتظار وسبحان الله مع إن كان قبلي كثيييييييييييييييييييييييييييييييييييييييييير سعوديين وعرب وأجانب لكن بعد ما أنا وصلت نادوا بس على بنت وحدة وفتشوها من فوقها لتحتها وفتحوا كل شنطها وفتشوهم حاجة حاجة وفي وحدة مادري وش سالفتها مو عربية لكن وأنا أنتظر قالوا ليها ان ناوية تتكلمي أو لأ (هي جالة مع بنتها) قالت ليهم خلاص قلت كل شي وخلوني أرجع بيتي<<قالوا لها بكل برود لا تخافي بترجعي بيتك الليلة
أنا نادوني خلال بس 20 دقيقة ومثل ماقلت إن مع إن في كثير قبلي لكن نادوني قبل الكل مع إن في مبتعثين جدد زيهم زيي وبالعكس أنا عندي أشياء ممنوعة حدث ولا حرج (ماباقول وشو)
واللابتوب والجوال ماحد لمسهم أو سألني عنهم لهاللحظة يعني لا الطيران الدولي ولا الداخلي لكن مو معنى هالشي ان تحطوا فيهم أشياء ممنوعة لأن هالسوالف فيها سجن وغرامة خيالية
لم نادوني مجرد قالوا ليي (إنت مستر 7 ؟؟) قلت إي
قالوا (أهلاً بك في أمريكا واستمتع بوقتك) قلت شكراً وأنا مستغرب جداً جداً وطلعت إن ماسألوني ولا سؤال ومافتشوني ولا أقل تفتيش وان بسرعة نادوا عليي..
أول ماتطلعوا بتشوفوا مصري أسمر جنبه لوحة الملحقية بيسأل ادا كنتوا مسويين اشعار أو لأ(اشعار بوصول مبتعث) وبيسأل ادا حاجزين فندق أو لأ..
ادا لأ فبوصلوكم بباص لفندق دبل تري مجاناً (إدا حاجزين مادري صراحة ادا بوصلوكم أو لأ) وسواء مسويين اشعار وصول أو لأ فبيعطوكم نموذج تعبوها<<ادا كنتوا بتروحوا معاهم في فندق دبل تري معناتها في ناس بساعدوكم في تعبأة الأوراق هناك أما ادا بتروحوا فندق انتوا حجزتوا فيه فماحد بساعدكم وانتوا الي بتوصلوا النموذج للملحقية بنفسكم أما لو كنتوا في دبل تري فالملحقية بتاخد منكم النماذج وبتجيب ليكم (شي بتكلم عنه بعدين)
على العموم الباص إلي يوصل لفندق دبل تري فهو خاص لفندق دبل تري يعني مو للملحقية وهو يوصل من وإلى المطار كل نص ساعة (لونه أبيض وفيه بسكوته فيها شكلاطة لووول)..
لم تعبوا النموذج إلي بيعطيكم اياه وقتها بتحتاجوا نسخة من كشف الدرجات مصدقة ونسخة من بطاقة الأحوال وأصل الآي تويني (والأشياء إلي كانت مدبسة فيه لم استلمتوا الآي تويني) ونسخة من قرار الابتعاث وطبعاً أصل الجواز عندكم لأن بصوروا هم الصفحة الفلانية إلي ختموا عليها أمريكا لم وصلتوا
وبيطلبوا منكم تكتبوا في الكمبيوتر اسمكم وايميلكم ورقم بطاقة الأحوال وتطبعوا الورقة..
في هالحالة إن كنتوا في فندق دبل تري وأخوا منكم الأوراق فاليوم إلي بعده بجيبوا لكم كل شي
أما إدا ماكنتوا فيه فدوام الملحقية (الملحقية السعودية مو السفارة لأن ناس يروحوا للسفارة بدل الملحقية بدون فايدة أو بالأصح لأنهم يركبوا تكسي ومايعرفوا يقولوا ملحقية فيفكروا نفسهم ان بمشوا حالهم ويقولوا السفارة) فدوام الملحقية من الساعة 9 الصبح للساعة 5 العصر<<من 12 إلى 1 ونص بريك..
المشرفين ماعتقد ان بئيدكم تختاروهم لكن الله أعلم اسألوا
للأسف أنا ماسجلت عنوان الملحقية عشان ادا ركبتوا تكسي تعطوه العنوان مباشرة<<لأن الملحقية في مبنى ولهم طابقين من المبنى يعني المبنى مو كامل لهم..
المشرفين في منهم إلي يخلوا الطالب يندم انه طلع بعثة وفي منهم إلي الله يوفقهم ويعطيهم من خيره (مثل إلي طحت عليها)<<وبنعمت ربك فحدث
بيوصلكم إيميل بعدين بأشياء بصراحة للحين مافتحت المسجات إلي رسلتها الملحقية لأن بنفسي رحت الملحقية (مع إن كنت في فندق دبل تري لكن استلمت كلشي من الملحقية لأن كنت رايح أتمشى فاستغليت وجودي هناك)
غيرت رايي مايحتاج أقول شنو الي بتستلموه بالضبط لأن سواء كنتوا في الملحقية أو في فندق دبل تري فبكون في ناس يشرحوا لكم كلشي بالتفصيل وبجاوبوا على كلللللل الأسئلة..
لكن احذروا من الاستعجال بإن تفتحوا حساب قبل ماتروحوا مدينتكم لسببين
الأول والأهل ان حتى لو البنك موجود نفسه في مدينتكم فللمعلومية ادا كان فتح الحساب من فرع برة الولاية ففي كل عملية سحب ياخد البنك فايدة 25$
الثاني إن ماتدروا أيهو أكثر بنك منتشرة له صرافات في مدينتكم وأيهوا فيهم الأقرب للسكن إلي بتسكنوه...إلخ
أما رقم الجوال فعادي اخدوه من أول يوم قبل ماتروحوا مدينتكم بشرط ان تكونوا متأكدين إن هالشركة ارسالها تمام في مدينتكم..
ممممممم نسيت ما أقول إن فندق دبل تري السكن فيه مدة ليلتين بـ 187$ ويكون في فطور مجاني (أنا سكنت يومين وكان الفطور في اليومين بيض وبطاطس وجبن وكورن فليكس وفي شاي وكوفي وحليب وعصير برتقال)..
طيب الحين بتكونوا خلصتوا من كلشي واموركم طيبة ان شاء الله وسويتوا شيك آوت ووصلتوا المطار عشان تروحوا لمدينتكم فانتبهوا ان يفضل تكون معاكم التذكرة إلي جيتوا فيها من السعودية لأمريكا لأن في حال انها موجودة فمابتدفعوا فلوس على شحن الشنط إلي جيتوا فيها
أما إدا ماكانت موجودة فالشنطة إلي وزنها 23 كيلو جرام بتدفعوا عليها 30 دولار
والشنطة إلي وزنها 32 كيلو جرام بتدفعوا عليها 180 دولار
والشنطة إلي أكثر من 32 كيلو جرام مابيسمحوا بشحنها
يفضل الوصول للمطار قبل ساعتين على الأقل لأن ماحد يدري وش ممكن يصير<<في واحد أعرفه راح قبل الرحلة بساعة وكل أموره مشت عادي لكن الاحتياط واجب
ماحد سألني في الطيران الداخلي وش عندي مع إن شفتهم قبل مايشحنوا شنط البعض سألوهم وش عندكم وفي واحد شفتهم يفتحوا شنطته قبل مايشحنوها
لا حد ينسى الأفياش في شنطة الإيد لأن يمكن اللابتوب تخلص بطاريته ويمكن الجوال تخلص بطاريته فخلوا الشواحن عندكم بالدات إدا كان في انتظار طويل أو ادا ناويين تجوا المطار من وقت شويتين عشان تتسلوا فيهم شوي على الأقل<<أو اخدوا معاكم كتب
مممممممم مابغى أطلع عن محور الموضوع فبكتفي
بالتوفيق للجميع ولا تنسوني من دعائكم بالشفاء ولاتوفيق والجنة
موفقين ياااااااااااااااااارب وأي استفسار أنا حاضر لكن ما أوعدكم ان الجواب بكون في نفس اليوم<<ادا تأخرت عن 4 أيام فارسلوا لي رسالة على الخاص
إدا ما تأخرت 4 أيام فلاحد يرسل رسالة على الخاص إلا ادا كان السؤال برة الموضوع لوووول<<متفائل ان في أحد بيسأل ههههههههههههههههه
موفقين ان شاء الله قرب موعد طائرتي<<على فكرة رحت من واشنطن لفيلاديلفيا والحين باروح لمدينتني وأنا بديت في الموضوع وأنا في واشنطن (بسك هدرة فاضية)<<الموضوع بينزل لم أوصل مدينتي
وصلت بالسلامة وأموري أفضل مما أتمنة لأن تعرفت على شلة أمريكية من أول 3 ساعات مع إن أنا ساكن في فندق لكن الصدفة لعبت دورها ببركة الصلاة على النبي وآله عليهم أفضل الصلاة والتسليم

نسيت ما أقول إن احملوا وياكم أي شي يثبت انكم دفعتوا سواء للفيزا أو ادا كنتوا انتوا الي جبتوا القبول لنفسكم وأي شي ثاني لأن تتعوضوا عن كل هالمبالغ

مآ ششآء الله :) ,


الحمدلله ع سلآمتك والكلآم يكفي وزيآدة

No Q. :D ,

يسلمو اخت قشعريرة على الرد

والله يسلمك ان شاء الله

صرااحه توووب
الله يوفقك ويديك على قد نيتك


الحمدلله على السلامه...

ماشاءالله عليك والله يوفقك

بس عندي سؤال دراجة الاطفال مسموح تدخل الطياره اذا كانت صغيره؟؟؟

مهند شكراً الله يخليك ان شاء الله

الله يوفق الجميع ان شاء الله سوسو

بصراحة من جد مافكرت في الموضوع خير شر ان أسأل عن دراجة الأطفال لكن 75% ان عادي والله أعلم <<روحي أي خطوط طيران وبجاوبوك للأسف لو كنت في السعودية كنت بقدر أسأل لك لكن ماعتقد أعرف مكان في أمريكا أسأل لك فيه

فيرررررري ثاااااااااااااااااااااااااااااااااانكس

مجهود رائع تستحق الشكر عليه وهذا شي مو غريب منك

والله يرزقنا زيك ومحد يدقق علينا على اي شي ويسهل امورنا يارب

مشكور اخوي ماتقصر..