مقبول في جامعة ستانفورد الامريكية

ماشاء الله تبارك الله

أتوقع أمورك سهلة بما أنك ماتحتاج لغة وقبولك غير مشروط،، يعني حتى لو رفضت الوزارة تعطيك البعثة من هنا،، أوصل هناك على حسابك وأرفع أوراقك للوزارة من خلال الملحقية وإن شاء الله يضموك للبعثة..
ولكن إذا كان الماجستير اللي درسته من قبل على البعثة،، أتوقع فيها كلام ثاني.. يعني هل يحق لك دراسة نفس الدرجة على حساب البعثة مرتين؟؟ استفسر والله المعين

مآ ششآء الله عليك

مبرووك القبول , أتوقع عششان العمر لأن الحد الأقصى المسموح به في الماجستير تحت الثلاثين

الدكتور الحربي مرره متفهم , خآصة إن قبولك ماشآء الله بالجامعه الأولى في أمريكا

طيب ليش ما تقدم طلب إلحاق بالبعثه ؟ !

هنآ شروط إلحاق طالب الماجستير بالبعثه

وزارة التعليم العالي - ضوابط الإلحاق بالبعثة

من ضمن الشروط

أن يكون الطالب قد أنهى في مجال دراسته ( 9 ) ساعات دراسية حسب النظام الفصلي أو مايعادلها وبمعدل تراكمي لايقل عن ( 3.3 ) من أربع نقاط أو مايعادله .

مدري إذا فيه مجال يصرفون النظر عن هذا الشرط !

لأنوو فيه شرط مشابه لطلاب البكالوريوس , لكن نسمع عن إلحاق طلاب بقبول الجامعه قبل لا يدرسوون فيها والله أعلم

بالتوفيق

الله يجزاكم خير. لا أنا درست الماجستير علي حساب أرامكو.

والله أنا ودي انو اطلع من السعودية علي البعثة بس طبعا اذا ما قدرت بمر علي الملحقية اول ما اوصل امريكا انشاالله واقدم أوراقي.

الخطة هي أني سأسافر الي الرياض الاثنين وأحاول أقابل الدكتور ماجد الحربي وأتكلم معه الثلاثاء. هل في وقت معين تنصحوني به؟*

يعني ما شاء الله تبارك الله الله يزيدك من فضله
واحد واصل هالمرحله وقبول ودراسه تبع ارامكوا

يرجع يستشير طلاب مابعد ابتعثوا او في اول امورهم بالابتعاث ولا قبولك من ستاندفورد

احس الامر فيه شيء

اسال من الله التوفيق لك

سلام

مآ شآْء الله ,

إذآ بتروح تكلم الدكتور مآجد ؛ روح منت خسرآن شي بالعكس يمكن تستفيد ~
وإذآ لآ سمح الله مآ استفدت اطلع من هنآ بأمر إركآب لأنه يسهل الإلتحآق بالبعثة حسب مآ سمعت !

وشي أخير //
ـآنآ شبه متأكدة بس بعد تأكد انت ؛ فيه قرآر يقول ان بإمكآنك الإلتحآق بالبعثة بعد مآ تخلص اللغة ع طول
بس تأكد من هالموضوع وإن شآء الله تبشرنآ لأنك مخلص اللغة أسآساً فـ المفروض ان يتم إلحآقك مبآشرةً ~

وبالتووفيق للجميع ‘

والله يا اخ فتي بني زيد السبب أني أستشيركم هو انو ما عمري احتجت الاتصال او التعامل مع الملحقية او وزارة التعليم العالي لأني كنت ادرس علي حساب أرامكو.

وبعدين قبولي في جامعة ستانفورد ولا تزعل اكتبلك بالانجليزي Stanford
و اذا كان في الثانية اللي تقول عليها ما كنت جيت و طبلت انها احسن جامعة في العالم.

ويا اخت قشعريرة فقد الحين امر الاركاب يعطونه لأي طالب يدرس علي حسابه ولا ايش وايش الطلبات ؟

متأكد لو أخذت لك لفة في موقع الوزارة أو الملحقية راح تلقى ضالتك من مصدر مسؤول بعيد عن الإشاعات التي تبث في المنتديات
والله الموفق

قابل الحربي
والموسى
والعطية
والعنقري

ما أنصحك تقابل واحد وترجع لديرتك إذا ما وافق..
قل لهم هذي فرصة
وأتمنى لك التوفيق وتتيسر أمورك..

أنا رحت وقابلت الدكتور ماجد الحربي وكان مرة متفاهم ومقدر. قال انو عندي حلين. الاول انو أسافر علي امريكا واقدم علي الملحقية. والثاني انو اكتب معروض لماليزيا الوزير.

أنا كتبت المعروض ورحت أقابل معالي الوزير بس كان في جدة. المهم قابلت المشرف علي مكتبه الدكتور عبدالله الطاير وكان خلوق جداً جداً و متفاهم و قال لي انشاالله خير.

المهم انو اتصلوا علي بعد أسبوعين وقالوا ما عندهم مانع بس أجيب التأشيرة واجيهم. بس حبيت انو أعطيكم خبر.