صرت لعبة بين الوزارة والملحقيه,,مساعدتكم لا هنتم
ربي يسعد اوقاتكم جميعآ
الموضوع باختصار
خلصت كل الاجراءات المتعلقة بالسفر,,:)
وحصلت ظروف لاخوي المرافق اللي يدرس بامريكا
واضطر الى تاجيل موعد دراسته
والبنت مربوطه بمحرمها:mad:
يعني لازم انا ااجل حتى اقدر ادخل امريكا معه
لما طلبنا من المعهد قبول جديد,,قالوا لازم الملحقية تتكرم وتوافق:confused:
حضرت جناب الملحقية تقول لازم الوزارة توافق:confused::confused:
واعطتني فورم لازم يختم من الوزارة
من الاخر:)
الوزارة كذبت الملحقية وقالت هذا الفورم مش صحيح
ولك حق تاجلي من المعهد:mad:
وكل واحد متمسك برايه:mad::mad::mad:
ما لي غيركم بعده سبحانه
وش تقترحون
وفي احد حصل له نفس هالظرف
تقبلوا تحياتي
رد: صرت لعبة بين الوزارة والملحقيه,,مساعدتكم لا هنتم
لا حول ولا قوة الا بالله والله مدري وش اقول لك يخووك علق مخي من السالفه ..
لكن عسى الله يفرجها عليك وييسرها لك ,,
رد: صرت لعبة بين الوزارة والملحقيه,,مساعدتكم لا هنتم
تسلم ياخوي على مرورك
اهم شي دعواتكم,,قدرة رب العالمين فوق كل شي
رد: صرت لعبة بين الوزارة والملحقيه,,مساعدتكم لا هنتم
أختىّ خلي أخوك يروح الوزآره بنفسه لآ تعتمدين على المرآسلآت
لآنه ممكن تطول الشغله (أنتيّ أقطعي الموضوع خليك ورآهم لين يتعدل وضعك )
وبإذن الله تتيسر لكً أهم شئ الدعآء
(لآ يرد القضآء إلآ الدعآء)
بآلتوفيق . .
رد: صرت لعبة بين الوزارة والملحقيه,,مساعدتكم لا هنتم
السلام عليكم ورحمة الله
في i-20 موجود رقم المعهد راسلية واجلي الدراسة
فقط لاغير
انا سويت نفس الطريقة
راسلت المعهد وارسلوا لي نسخة من الاي توني وقالوا برسل الاصل للملحقية قلت اوك
بعدين ارسلو الاصل للملحقية وجاني القبول
سلموه لي الوزارة بالرياض
بس هالطريقة تتاخر شهر على مايوصلك القبول لان تعرفين على ماتجي الملحقية والملحقية على ما ترسله للرياض والرياض على ما يجمعون القبولات ويتصلوا على اصحابها
بس هذي طريقه من مجرب انا مجرب هالطريقة
وانا اقولك هالكلام لاني مجرب
وعلى فكرة لو تعرفين احد بذيك الولاية فيه ورقه تعبينها تخوله ان هو يستلم الاي توني ويقدر يرسله لك بسرعه 4 ايام والقبول عندك
وبالتوفيق
اخوك الخيال السعودي
رد: صرت لعبة بين الوزارة والملحقيه,,مساعدتكم لا هنتم
انا زيك حايسه وابغى اغير وراسلت كذا ايميل من الملحقيه
لان المعهد قالوا لازم الملحقيه توافق
المهم اللي رد عليا وتواصلت معه هذا الايميل
ssaid@sacm.org
وانا مستمره في التواصل
قلي في البداية لازم الوزارة توافق,,,,,,, لكن قلتله انا قلت للوزارة وقالوا انه الموضوع مو من اختصاصهم
وطلب مني ارسله الاي توني القديم والجواز
بعدين قلي يجيكي بعد شهر
لكن انا رفضت عشان لاينتهي قرار ابتعاثي
قلي تدفعي رسوم 90 دولار وارسلي ابليكيشن <<<<<<< اخيرا وصلت لدي المرحله
ولسا ماعبيت الابليكيشن .......... وان شاءالله تتيسر امورنا جميعا
رد: صرت لعبة بين الوزارة والملحقيه,,مساعدتكم لا هنتم
لكم جميعا مني سلامي وتحياتي
على ردودكم اللي اسعدتني
وبالاخص الخيال السعودي على شرحك الوافي
وما اسالكم الا دعواتكم
تحياتي لكم