الأعضاء الإشتراك و التسجيل

الملتقيات
ADs

قصتي مع قراااار ابتعااثي (من - الى) والسكته القلبيه اللي كانت حتصيرلي

قصتي مع قراااار ابتعااثي (من - الى) والسكته القلبيه اللي كانت حتصيرلي


NOTICE

تنبيه: هذا الموضوع قديم. تم طرحه قبل 2376 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Sûper Ano
    Sûper Ano

    مبتعث مستجد Freshman Member

    Sûper Ano الولايات المتحدة الأمريكية

    Sûper Ano , ذكر. مبتعث مستجد Freshman Member. من الولايات المتحدة الأمريكية , مبتعث فى الولايات المتحدة الأمريكية , تخصصى Pharmacy , بجامعة Millikin University
    • Millikin University
    • Pharmacy
    • ذكر
    • Decatur, Illinois
    • الولايات المتحدة الأمريكية
    • Aug 2010
    المزيدl

    June 12th, 2011, 10:57 PM

    السلام عليكم ورحمة الله وبركاته

    اليووم ححكيلم قصتي الاليييييييمه مع قراااار ابتعاااثي واشكال والوان وجهي في الاحداااث

    كل واااحد يجهز >>> حسستنا داخلين سينمااا

    اول حاجه ( حدرس بكالوريس - قبولي جامعه ولغه )
    وكدااااااا نقوووول
    ( اكشن )



    طبعن روحت للوزاره يوم التلوت اللي فات عشان اطلع قرار الابتعاث
    وحضرت واخدت رقم اول واحد في القاعه

    طبعن اديتلهم اوراقي وجلست انتظر انتظر من الساعه 8 الين 9 ونص وسالته قالي شويه
    وانتظر و انتظر و انتظر وانتظر ويااامطووولك من انتظاااااااااااار
    لين 11 الا ربع ورحوت قلتله الناس الللي بعدددددي خلصوو وانا لسى اشبنااا

    فقااااالي انوه قبولك راح بنعرض ع المستشارين والدكتور ماجد
    اناااااا هنااااا
    قلت ليييييييه خييييييير انشاء الله ( ويدي ع قلبييييي )
    قال ما ادري انتظر

    وجلست انتظر انتظر واروح وارجع له يقولي لسى ما انعرض خلالالاص قفلت معااياا

    وغير كدااا جالس اقووول في نفسي انوور شكلووو مافي بعثه
    وشوويه اقوول لا لا شيء بسيط تنحل باذن الله
    شويه ارجع تاني شكلووو حتتلغي عليا البعثه
    وشويه ادي نفسي كفين عشان اصحصح
    ودقيت ع ابووويااااا وكلمتوه باللي حصل وجلس يدعيلي انوه تتيسر لي اموري واخلص


    وارجع لحالة الانتظار وانتظااااااااااار الييييييييييييم

    فجاءة اشوف الدكتوور ماجد طلع في نفس المكان اللي يسلموو لك قرار الابتعاث وينادي اللي عندووه استفساار

    وانا اشد حيللي جري لمن وصلت اول واحد وجلس يضحك ليه مستعجل

    قلت له
    ( استجابت دعوة ابووي ) جلس يضحك وقال خليه يدعيلي كمان
    وكملت وقلت له انا من الساعه 8 هناا واول واحد يسلم اوراقه للموظفين عشان اطلع قرار الابتعاث
    ( و وريتوه الرقم اللي اخدتووه وفيه الوقت ) ومن وقتهااا بيقوولو بيعرضوهااا عليك وع المستشارين
    قالي دقايق

    انا هناااا خلاص ارتحت

    فجلس ينادي وخش جووه وكااانووه هاوش احد لانوو الموظفين رايحين جاين
    ورجع معاه الاي تونتي حقي

    وجلسس يقرااااااااااااااااااااا
    وانااا باقي شويه وانط اقرااا معااااااه

    فقاالي تخصصك صيدله صح
    قلت ايواا
    قال التخصص اللي في القبوول مو صيدله
    طبعن تخصصي ( madicinal and pharmaceutical chemistry )
    انااا كداااااااااااااااااااااا

    قلت تيب دا التخصص اش
    قال ( علوم طبيه )

    فقال لك حلييييييين

    ادا تبغاا صيدله اطلعك بقبول اللغه وانتاا تجيبلنا قبول جامعه في سنه
    او
    اطلعك بالقبول هادا والتخصص هادا تحت ( علوم صحيه )

    قلت خليني افكر
    قال خد وقتك

    وهوو جلس يرد ع استفسارات الناس

    واااانا في تفكيررر عميق مع نفسي وقلت اخد رأي ابويااا واتصلت عليه

    قالي ياولدي استخير ربك وخد اللي تبغااه وممكن اللي حصلك خيره
    فقلت اوك ابويا اتكلت ع الله

    ورجعت له وقالي هااا فكرت كوويس
    قلت ايووا بس سؤال
    انتا اش رايك في التخصص دا في مستقبلوه
    قالي ممتاز جدااا ويبغالك شدة حيلل

    واش يخرج بالزبط يعني اش حصير لمن ارجع هناا
    قالي التخصص دا دقيق في الادوويه وتصنيعهاا يعني في الشركات وكدااا

    قلت اوك اتكلت على الله ونختار التخصص داا والله يدييك الف الف عافيه


    واخدت ممكن سااعه والا ينادي المووظف على اسمي
    وروحت ووالا اشوف التلاته الموظفين قدامي يبتسموو >> قلت معجزه يا كثر ما ارجاع ولا شفت ابتسامه
    و واحد جلس يقوول قبولك راح يطلع بوكراا

    قلت عااادي خد راحتكم مداام اتحلت مشكلتي و الله يعطيكم العافيه

    واول مالتفت عشان ابغا اطلع اول خطوه الا ينادي تاني
    تعاااال تعاااال
    قبوولك طلع هيا اخذوو وسلملي هوواااااا

    والحمد لله خلصت الاموور الباقيه وطلعت التزكره ع 17/7 ميلادي


    ^^ توته توته خلصت الحتووووته ^^

    ادعووووولي بالتوفيق
    اخوكم / انوور
  2. هاااااااااااااااااي ..
    انور اخويا العزيز..
    معلومه حلوه مني ليك ..
    انا زيك صيدلة ..بس لعلمك كندا وامريكا مستحيل يدخلوك من هاي سكول عا تخصص طبي دايركت ..
    لازم 4 سنين جنيرال .. وبعد كدا يا بطل .. نتخصص صيدله ..^^..
    سو لا تتخض ولا حاجه .. كلها سهالات من ربنا ..
    دا نظام كندا وامريكا ..
    انا في كندا ونفس الشي حصلي هنا في كندا قبل شهر لما جبت قبول الجامعه ..
    وبي التوفيق يا بطل ..
    ونشوفك في امريكا..^^..

    ياكريم اكرمنا
    7 "
  3. الله يسهل باقي امورك وامورنا ... انا قالو لي راح تصدر الفيزا الاسبوع الجاي وان شاء الله يطلع كلامهم صحيح وبسرعة بروح للوزارة
    نفسي اتخيل شكلك من قالك مشكلةالقبول خصوصا انك كنت متوتر شوي من الزحمة والتاخير
    7 "
  4. انور فجعتنا الله يهديك والامر بسيط .. لا بسم الله على قليبك وانا اخوك

    الله يوفقك ويسهل لك امورك

    تعليق بسيط, الدكتور ماجد بصراحه من خيرة الرجال الموجودين في الوزاره وبصراحه جدا خدوم ويحب يوضح لك كل شي قبل ما تتوهق فعلا الوزاره هذي بالذات كسبت ناس من خيرة الموجودين في البلد
    الله يقويهم ويعطيهم الف عافيه

    ويعطيك انت عافيه كمان على موضوعك الحلو بصراحه حماسي ههههه خشيت جو
    7 "
  5. الله يوفقك يا قلبي .. بس حبيت اسالك دا القبول جاك من هناك ولا من بلدك .. يعني وين جاك القبول .. وكيف جاك من شهادتك هناك ولا من شهاداتك الي في السعوديه .. عشان انا طالع وخايف تخلص فلوسي وارجع بلدي ابكي ع وضيفتي يعني .. ابا اشوف انتا اخدت الابتعاث من المكان الي رحت له .. ؟ ياليت تبشرني .. وتقولي كيف اخدتو ووين رحت عشان اخدتو .. ويحتاج نسبه ولا يحتاج بس حق درجاتك الي اخدتها في المعهد هناك .. ؟ مششكوور الله يعطيييك العافيه .. انتضر ردك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.