موعدي بالسفاره الامريكيه كان سيئ هل يمكن أن ترفض الفيزا .؟
السلام عليكم ورحمة الله وبركاته
ياجماعه موعدي بالسفاره كان سيئ جدا حطيت في وحده مزاجهآ 0%
أول مامسكت السماعه أنا ضحكت بدلاخه ومن غير قصد عصبت وتتريقت علي وطارت فيني خخخ
وبعدين اخوي خبص لين قال بس حتى عمره خبص فيه
وآخر شي حضرته قالها بدرس شي في مجال العلوم الطبيه لانه تخصصه بالبكالوريس مع اني قلتله قولها بس بتدرس لغه
رجعت جوازه وقالتله ارسله مع كشف الدرجات .؟؟؟
جيت بوضحلها الهرجه واقولها انه حاليا بيدرس بس لغه مابيدرس الجامعه .. كأني رشيت غاز ع النار طارت فينا صرنا لا تعليق
طلعت وأنا عارفه مليون بالميه انهم حيرفضونا ..
لو صارت ورفضو يطلعون الفيزا هل يمكن أعيد المقابله ..؟
فيه احد صارله اللي صارلنا ولا بس احنا :S
ياليت أحد يفيدني عشان انا على اعصابي من أمس ,, والله يكتب اللي فيه الخير للجميع
رد: موعدي بالسفاره الامريكيه كان سيئ هل يمكن أن ترفض الفيزا .؟
اختي قالت سددو لفديكس!!
اذا قالت يعني مقبولين
واذامرفوضين قالو لك ترا ماعندهم وقت يرفضونك وانتي واقفه
رد: موعدي بالسفاره الامريكيه كان سيئ هل يمكن أن ترفض الفيزا .؟
لا تشيلين هم
تقدرين تقدمين مره ثانيه مثل ماصار لي
واهم شي خليتس واثقه من نفستس ولا تستهبلين انتي واخوتس لانهم متشددين بهالشي
اختي قدمي مره ثانيه وجاوبوا على الاسئله فقط ولو ب شي من الابتسامه
بدون ارتباك :)
رد: موعدي بالسفاره الامريكيه كان سيئ هل يمكن أن ترفض الفيزا .؟
اقتباس:
المشاركة الأصلية كتبت بواسطة الاكتفاء بالمزيد
اختي قالت سددو لفديكس!!
اذا قالت يعني مقبولين
واذامرفوضين قالو لك ترا ماعندهم وقت يرفضونك وانتي واقفه
قالت سددو لفيدكس ..
بس أحس مافي وقت تقولنا مرفوضين ..
بعد ماخلصنا معها وإحنا مرهـ مشتتين من الصدمه بسرعه رحنا سددنا لي بس اخوي بنرسلها بكره مع كشف الدرجات ..
فيه طريقه ثانيه يقولون لنا بالرفض .؟
رد: موعدي بالسفاره الامريكيه كان سيئ هل يمكن أن ترفض الفيزا .؟
اقتباس:
المشاركة الأصلية كتبت بواسطة speak
لا تشيلين هم
تقدرين تقدمين مره ثانيه مثل ماصار لي
واهم شي خليتس واثقه من نفستس ولا تستهبلين انتي واخوتس لانهم متشددين بهالشي
اختي قدمي مره ثانيه وجاوبوا على الاسئله فقط ولو ب شي من الابتسامه
بدون ارتباك :)
يعني على طول اقدر اقدم مو بعد 6 اشهر .؟
وأرجع أعبي الـ D-160 و أدفع في السعودي الامريكي وأدفع sevis جديد .!
مو حكاية استهبال كان صوتها بعيد وما استوعبت ايش تقول شكلها على بالهآ اضحك على لغتها العربيه :S
وأخوي أحسن واحد يلخبط بالعالم هو طبعه كذا مو ارتباك يعني حتى لوعدنا نفس الشي
الله يبشرك بالخير إذا الموضوع سهل كذا .. ويوفقك يارب
رد: موعدي بالسفاره الامريكيه كان سيئ هل يمكن أن ترفض الفيزا .؟
الله يسهل لك ولاخوك
وان شاء الله تبشرينا قريبا
رد: موعدي بالسفاره الامريكيه كان سيئ هل يمكن أن ترفض الفيزا .؟
اقتباس:
المشاركة الأصلية كتبت بواسطة Dr. Special
الله يسهل لك ولاخوك
وان شاء الله تبشرينا قريبا
آمين وإياك عيووني ,,
وترجعين لنا دكتورهـ قد الدنيا D:
رد: موعدي بالسفاره الامريكيه كان سيئ هل يمكن أن ترفض الفيزا .؟
اختي مبروووووووووووك دام قالت سددو لفديكس يعني مقبولين خذيها مني
رد: موعدي بالسفاره الامريكيه كان سيئ هل يمكن أن ترفض الفيزا .؟
الله يبارك فيك .. إذا كذا الحمدلله
الله يبشرك بالجنه يارب
رد: موعدي بالسفاره الامريكيه كان سيئ هل يمكن أن ترفض الفيزا .؟
شوفي اذا اعطوكم ورقه بيضا معناها رفض
اما اذا قالوا سددو فيديكس الوضع تمام ان شاء الله
واذا قالوا فيه اوراق ناقصه
ارسلو لهم الاوراق الناقصه
واستفسري من السفاره نفسها دقي عليهم او ارسلي على الايميل
اما في حاله الرفض عادي
اقتباس:
يعني على طول اقدر اقدم مو بعد 6 اشهر .؟
وأرجع أعبي الـ D-160 و أدفع في السعودي الامريكي وأدفع sevis جديد .!
انا ياعزيزتي سويت عندهم ثلاث مقابلات في شهر واحد :d
ايه حسبي الله عليهم كل مقابله لازم ٥٣٢ + رسوم موعد + ابلكيشن جديد
لدرجه انهم حفظو شكلي خخخ والحمدلله بالاخيره تم القبول والفيزا وصلت