طلاب المرحلة السابعة ابيكم بكلمة راس

مسائكم / صباحكم
مســـــــــــــــــــــك


من باب قوله تعالى { وتعاونوا على البر والتقوى ولا تعاونوا على الاثم والعدوان }
حبيت اني اطرح عليكم تجربتي الخاصة مع برنامج الملك عبدالله للابتعاث الخارجي

كوني واحدة من طالبات المرحلة السادسة

اول شيء حبيت اقولكم هوه انكم ما تخافوا وتقلقوا وتحملوا الامور اكثر من ما تتحمل
بمعنى :
انا اول ما قدمت اوراقي للابتعاث الكل ما كان متوقع انه انقبل ,, علما بأن معدلي العام عالي
وجميع شروط الابتعاث متوفرة فيني الا ان الكل كان متخوف _ ومخوفيني معاهم _ لان تخصصي
ادبي ,,
ومن تجربتي اقولكم لو تخصصكم شريعة وتبغون تبتعثون ان شاء الله على اليابان رح تطلع لكم
البعثة ,, اهم شيء ان الشروط تكون منطبقة عليكم اما كلام تخصص ما يساعد فهذا كلام فاضي,,



الان انتوا متاكدين ان الشروط تنطبق عليكم نجي للمرحلة اللي بعدها ,,
تدقيق الاوراق
لا تخافون ما رح ياكلونكم فقط رح يطلعوا على اوراقكم للتاكد من ان معلوماتكم صحيحة وفيه
نماذج يبغونكم تعبونها بالعربي وبالانجليزي وبرضوه ما تقلقوا فيه اللي يساعدونكم في تعبيتها ,,
ونصيحة لوجه الله ,, رتبوا اوراقكم عشان ما تضيعوا ورقة و تتوتروا و تتلف اعصابكم ,,
شخصيا انا ما عرفت عن موعد تدقيق الاوراق الا بنفس اليوم وكنت في منطقة غير المنطقة اللي انا
طالبة ان اوراقي تتدقق فيها ,, وعاااااااااااااادي روحت اقرب مركز تدقيق ودققت فيه ,, كل اللي
سويته اني كتبت اسمي والمركز اللي كان المفروض اني ادقق فيه
ومشت اموري زي السلام عليكم >>> مو قايلة لكم سهاااااااااااااالات :)
بس نصيحة شيكوا على موقع البرنامج باستمرار عشان مجرد ما تطلع الاسماء يكون عندكم خبر علما
بانهم رح يرسلون لكم على الايميل كمان


المرحلة اللي بعدها
انتظار قبول الترشيح
وهذي الفترة تتلف اعصاب اي مرشح للابتعاث ,, و السبب كثرة الاشاعات
ناس تقول تخصصك غير مطلوب ,, وناس تقول اتاخر قبولك فمعناته انك مرفوض
كلام فااااااااااااااااااااضي واسمعوها مني ,,
فيه ناس تطلع اسماءهم بسرعة وفيه ناس يتاخرون اما لانهم على قوائم الانتظار او لانه وببساطة
حظهم اقشر ,, بس بكل الاحوال ما دام اوراقك صحيحة وكاملة والشروط منطبقة عليك فانت باذن الله
مقبـــــــــــــــــــــــــــــــــــــــــــــــ ــــول


طلع ترشيحك وانتهينا هنا تبدا الامور تمشي بسرعة وورى بعضها
بالاول لازم تحضر الملتقى ( ولازم عشان مصلحتك مو عشان يعقدون السالفة )
اكثر شيء استفدته كان حضور الملتقى ,,
اولا يردون على كثير من الاستفسارات
ثانيا يعرفونك بالبلد اللي انت رايح لها
ثالثا وهو الاهم تعرف عقليات الناس اللي انت رح تتواصل وتتعامل معاهم باستمرار
والشهادة لله كلهم قمة في الرقي والاخلاق وحتى محااضراتهم كانت جدا خفيفة

بعد الملتقى دايركت تطلع الفيزا
وهنا فيه حالتين :
اما ان الله راضي عنك وان قبولك جاء من قبل ما تروح الملتقى وهنا ما رح تتعب
تطلع الفيزا و بمجرد ما تخرج تصدر قرار الابتعاث وامر الاركاب و تسافر
او انك من المغضوب عليهم وتنتظر وصول القبول ,,
انا من النوع الثاني ومع كذا ما اتوترت ولا اتنرفزت مجرد انه اتواصلت مع الوزارة
وقلت لهم انه قبولي لسى ما جاء وفي ظرف شهر لقيت عندي قبولين واحد من المكتب
اللي اتعاقدت معه الوزارة ( تدمير مدري تجسير ) والثاني من الوزارة نفسها

تاخذ قبولك بعد كذا وفريرة تحجز اقرب موعد في السفارة اللي انت ابتعثت عليها وحاولوا
قدر الامكان انكم تحافظون على هدؤ اعصابكم وبمجرد ما تنهوا اجراءات الفيزا انتظروا حتى
وقت اصدارها

بالنسبة لي فيزتي اتاخرت سنة كاااااااااااااااااااااااملة بس الحمدالله ابشركم انها طلعت بصحة
وسلامة :D

وبمجرد ما تخرج اصدروا مباشرة قرار الابتعاث وامر الاركاب
بالنسبة لي انا ما اصدرت القرار الا بعد ما اغلقت المرحلة باسبوع وكنت خايفة انه ما يصدر
لكن الحمدالله ان الامور اتيسرت واصدروا لي القرار بمجرد ما عرفوا ان التاخير من السفارة والفيزا
مو مني

وبكذا نكون انهينا كل امورنا في السعودية وبس ننتظر موعد السفر
من تجربتي استفدت عدة اشياء ورح اقولها من دون ما اجامل او احابي احد
اولا : هالمنتدى فاااااااااااااااادني بشكل ما تتخيلونه ,, كل المعلومات فيه ولو احتجت شيء الف واحد
يساعد وينصح لولا بعض الناس اللي ينقلون الاشاعات وعندهم هواية تخويف العالم كان المنتدى بالف خير

ثانيا : لا تخافون ولا تتوترون واستمتعوا بالتجربة قد ما تقدروا _ لانها فعلا ممتعة _ و لاتقعدوا تتحسروا على
الوظايف اللي بتروح والجامعات اللي فاتكم التسجيل فيها لانكم في النهاية رح تطلعوا بعثاتكم طال الزمن والا قصر

ثالثا : نصيحة قريتها بهالمنتدى وما عملت فيها وندمت (استعينوا على قضاء حوائجكم بالكتمان ) فعلا نصيحةمن ذهب
وانا اموري ما اتيسرت الا بعد ما قلت لكل الناس اللي اعرفهم وعرفوا بموضوع البعثة انه انا كنسلتها فكتموا ع الموضوع
لحد ما تنتهي اجراءاتكم وبعد كذا ان شاء الله تنشروا الخبر في الجرايد انتوا حرين


وفي النهاية
أسأل الله العظيم لي ولكم التوفيق في الدنيا والاخرة وان يجعلنا من المقبولين عنده انه القادر على كل شيء

دعواتكم لوالدي بالرحمة والمغفرة

يااحبيبتي ربنا يوفقك وييسر لك امورك كلامك مثل العسل والله
احسك مرررره ماخذه الموضووع بكل بسااطه وهذا حلااته لان سبحان الله ما احد راح ياخذ شي بهالدنيا واهوا مو مكتووب له
كل شي بحكمه

لك تقدييري وجل احتراااااامي

كلامك جميل ويحمس ..

هذي المواضيع اللي فعلا احنا بحاجه لها ..

ربي يبارك فيك ويكثر من امثالك ..


ربي يوفقك ويجزاك الخير ..

الله يريح قلبك مثل ماريحتينا

والخوف بيني وبينك لا بدّ منه < حتى لو كانت أورقانا كامله وكل شي

الله يجزاك خير ويوفقك ويسعدك , كفيتي ووفيتي

والله يرحم والدك يارب وجميع المسلمين

..

يعني القبول النهائي يكون قبل الملتقى

معناتها قبل العيد

وأول ماتطلع الفيزا نسافر؟.

المرحلة اللي بعدها
انتظار قبول الترشيح
وهذي الفترة تتلف اعصاب اي مرشح للابتعاث ,, و السبب كثرة الاشاعات
ناس تقول تخصصك غير مطلوب ,, وناس تقول اتاخر قبولك فمعناته انك مرفوض
كلام فااااااااااااااااااااضي واسمعوها مني ,,
فيه ناس تطلع اسماءهم بسرعة وفيه ناس يتاخرون اما لانهم على قوائم الانتظار او لانه وببساطة
حظهم اقشر ,, بس بكل الاحوال ما دام اوراقك صحيحة وكاملة والشروط منطبقة عليك فانت باذن الله
مقبـــــــــــــــــــــــــــــــــــــــــــــــ ــــول

الله يجزاك خير ويبيض وجهك

اوكاسيا
مع اني من المرحلة ال 6
و كل الكلام الي قلتيه انا اعرفه و مريت بكل هديك المراحل
الا اني ارتحت ابتسمت اتفائلت
من كلامك المفعم ب (بشروا ولا تنفروا )
ربي يجزل عليكي اجر كل حرف كتبتيه
باضعاف مضاعفة
على النفسية المحبة للخير
و نشره
موفقة

مششكوره اختي...

ربي يرحمم والدك و يغفرله ..

مووفقه ...

استعينوا على قضاء حوائجكم بالكتمان عبااااااااااااااااااااااارة من ذهب طبقوها وشوفوا اموركم كيف تتيسرر

تحياتي واحترااااااااااامي رااااااااقية بمعنى الكلمة

رحم الله والدك

ربي يسعدك ويعطيك كل اللي تتمنيه موضوع راااائع و كاتبته اروع
جزاك الله الجنه