الأعضاء الإشتراك و التسجيل

الملتقيات
ADs

قبول معهد + تأشيرة دخول ::: قبل ما اخذ الضمان المالي من الوزارة مساعدة تكفون

قبول معهد + تأشيرة دخول ::: قبل ما اخذ الضمان المالي من الوزارة مساعدة تكفون


NOTICE

تنبيه: هذا الموضوع قديم. تم طرحه قبل 2242 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية أبوفهد11
    أبوفهد11

    مبتعث مجتهد Senior Member

    أبوفهد11 الولايات المتحدة الأمريكية

    أبوفهد11 , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى هندسة ميكانيكية , بجامعة جامعة الملك سعود
    • جامعة الملك سعود
    • هندسة ميكانيكية
    • ذكر
    • الرياض, لا يوجد
    • السعودية
    • Aug 2011
    المزيدl

    October 24th, 2011, 08:46 AM

    السلام عليكم ورحمة الله وبركاته

    انا مظطر اطلع بدري بدري يعني بعد الملتقى بحاول اطالع ع طووووول المهم مالكم بالطويلة

    رحت لمكتب خدمات و قالي بجيب لك قبول بمعهد (معترف فيه من الوزارة ) + يبي يزين لي الابليكشن كاملة حقت التأشيرة

    وسألته عن الضمان المالي يقول عادي تجيب له كشف حساب و تسدد لهم عن طريق بنك سامبا

    هل هالكلام صحيح ؟؟

    طيب اذا سافرت كيف احول بعثتي من انها على حسابي إلى حساب الوزارة ؟؟

    رسوم التسجيل بالمعهد + رسوم الشهر الاول بالمعهد + رسوم استخراج التأشيرة انا بدفعها مقدم علشان احصل على قبول بالمعهد لكن هل الوزارة تعوضني عن هالشيء بعدين و الا خلاص راحت علي ؟؟؟

    انصايحكم يا اخوان لواحد يبي يشتغل قببببل الملتقى لاني و الله مظطر ع هالشيء

    و بسجل بمعهد تجاري معترف فيه من الوزارة
  2. اخي العزيز

    انا ماني عارف انت مبتعث او دارس على حسابك لأنك رابط نفسك بالملتقى
    اذا انت على حسابك فمالك علاقة بالملتقى
    جب قبول من معهد معترف به مثل ما قلت وخلص مع المكتب كل اجراءات المعهد وايضا الفيزا ( مع انك تقدر تعمل كل هذا بنفسك )

    طبعا لما توصل مقر الدراسة تعبي اوراق التسجيل كطالب دارس على حسابه الخاص في واشنطن..
    ثم تباشر الدراسة وراح يفتحون لك ملف ويرسلون لك على الايميل ومجرد ما يتم ضمك يتم اعطائك ضمان مالي لاكمال الدراسة..
    بالنسبة لرسوم المعهد يعوضونك عن رسوم الترم اللي تدرس فيه لحظة ضمك يعني اذا جاك الضم وانت بالترم الثاني مثلا يعوضونك عن الترم الثاني فقط لأن الأول انتهى لكن ان عوضوك خير على خير لكن ما اعتقد..
    وثم ترفع لهم اوراق رسوم التأشيرة وراح يعوضونك ان شاء الله..
    هذا اذا انت على حسابك..

    اما اذا انت مبتعث فامورك اسهل ومبها تعقيد

    بالتوفيق،،،تحياتي
    7 "
  3. انا بطلع تبع البعثة خلصت مرحلة التدقيق و باقي لنا القبول النهائي وهو مظمون ان شاء الله وباقي الملتقى بعده و انا بطلع بعد الملتقى على طوووول ما ودي انتظر واااجد و ودي بعد الملتقى اكون مخلص من 80% ع الاقل
    7 "
  4. بما انك مبتعث فلك احد الحلين
    1/ انتظار تجسير يجيب قبولك وهذا يتطلب منك متابعتهم ومحاولة جعلهم يجلبون قبولك بسرعه (( اذا دروا عليك ووافقوا )) مع ان هذا الحل لا يمكن التنبؤ به لأن تجسير يأخذ وقت طويل بالاضافة الى الوعود اللي فقط تكون تسكيتية
    2/ جب قبول من معهد معترف فيه واثناء الملتقى قابل الدكتور ماجد الحربي او احد المسئولين وقدم قبولك مع خطاب توضح فيه انك جبت القبول من معهد معترف فيه وانك ترغب في بدء الدراسة بسرعة..
    او بعد الملتقى روح للوزارة قسم برنامج خادم الحرمين الشريفين للابتعاث الخارجي وقدم خطابك مع القبول
    اذا استجاب لك راح يوقع على الخطاب وراح يختمون لك قبولك بانه معترف فيه..
    بعد ما ضمنت ان قبولك معترف به احجز موعد مع السفارة وخلص معهم (( لا تنسى بطاقة حضور الملتقى تاخذها معك للمقابلة لأنها بمثابة ضمان مالي لك عند السفارة ))..
    * ملاحظة: الوزارة ترسل اسماء المبتعثين الى السفارة الأمريكية بحيث يشيكون على اسمك وهذا بمثابة ضمان مالي أما السفارة الكندية فلازم تاخذ خطاب ضمان مالي للسفارة اثناء الملتقى
    لما تقابل المسؤول عشان يعتمد لك القبول اسأله عن الضمان المالي بالسفارة ( الأمريكية ) هل ستكون الاسماء عندهم ام انك تحتاج الى ضمان مالي من الوزارة

    بعد ما تنهي اجراءات السفارة وتستلم الفيزا توكل على الله لدولة الابتعاث وكمل باقي اجراءاتك بالملحقية في واشنطن

    والله يوفقكم جميعا
    تحياتي،،،
    7 "
  5. لكن كل اجراءات المعهد وتكاليفه علي شخصيا ..؟ صح ؟
    يعني اشوف انها طريقة حلوة واسرع خصوصا اني اجيب قبول المعهد بنفسي والا ؟
    طيب وش المتطلبات للقبول في البداية قبل الترشيح النهائي وبعد الترشيح ؟
    لاني بصراحة مليييت من الجلسة وقدامي لغة وماستر وودي أستفيد من الوقت ؟

    يعني حاليا انا مبتعث للمرحلة السابعة ، وحددت الولاية وابجيب قبول بنفسي وش الطريقة ؟

    تحمسوا معي لا هنتو ..
    7 "
  6. المشاركة الأصلية كتبت بواسطة أبوفهد11
    مشكور اخوي طيب سؤال لاهنت

    ما اقدر اطلع التأشيرة برضه قبل الملتقى ؟؟؟
    فيه عندك كذا نقطة لا بد تنتبه لها ولا تستعجل ممكن تلخبط اوراقك وتأخرك أكثر مما تتوقع

    اولا: اذا كنت بتجيب قبول لنفسك لا تقدم على السفارة الامريكة وتعمل مقابلة الا بعد ما تاخذ تصريح من الوزارة بأن قبولك معتمد وشرحت لك كيف تعتمده بالرد السابق
    ثانيا: بنفس الوقت اللي تروح فيه للوزارة وتعتمد فيه القبول لابد تتأكد من ان اسماء المبتعثين هل هي موجوده عند السفارة الأمريكية ام لا عشان ما تحتاج ضمان مالي..
    لأنه اذا قدمت على السفارة بطلب الفيزا واسماء المبتعثين اللي تضمنهم الوزارة ماليا لم يصلوا الى السفارة فان السفارة راح تعتبر طلبك ناقص وتطالبك باحضار ضمان مالي شخصي او من الوزارة وكذا راح احتمال كبير ان فيزتك تتأخر
    لأن فيزا المبتعثين ما تأخذ اكثر من اسبوعين كحد أقصى في حال اكتمال الاوراق
    المهم: تأكد متى بتكون اسماء المبتعثين موجوده عند السفارة الامريكية وغالبا الاسماء تكون موجوده بعد الملتقى لذلك انصحك بعمل المقابلة بعد الملتقى مباشره..

    جيد ان تحاول الذهاب مبكرا لكن ايضا لابد ان تكون خطواتك مدروسة حتى لا تضع نفسك بموقف صعب
    والله يوفقك
    تحياتي،،،
    7 "
  7. المشاركة الأصلية كتبت بواسطة أبوفهد11
    ولما ادفع رسوم التأشيرة الامريكية + ادفع للموقع اللي هم حاطينه بالسفارة الامريكية

    هل الوزارة ترجع لي هالمبالغ و الا خلاص راحت عليك
    بعد ما توصل لأمريكا وتفتح حساب في بنك بمدينتك اللي تدرس فيها ترفع اوراقك اللي تثبت دفعك لرسوم التأشيرة وسيعوضونك عنها (( احتفظ بالايصالات لكل شيء تدفعه ))..

    تحياتي،،،
    7 "
  8. المشاركة الأصلية كتبت بواسطة اسـامة
    لكن كل اجراءات المعهد وتكاليفه علي شخصيا ..؟ صح ؟
    يعني اشوف انها طريقة حلوة واسرع خصوصا اني اجيب قبول المعهد بنفسي والا ؟
    طيب وش المتطلبات للقبول في البداية قبل الترشيح النهائي وبعد الترشيح ؟
    لاني بصراحة مليييت من الجلسة وقدامي لغة وماستر وودي أستفيد من الوقت ؟

    يعني حاليا انا مبتعث للمرحلة السابعة ، وحددت الولاية وابجيب قبول بنفسي وش الطريقة ؟

    تحمسوا معي لا هنتو ..
    اولا: اخي الطريقة فيه ناس من دفعتنا السادسة عملوها ومشت معهم (( لكن مو كل مره تسلم الجره )) يعني مو أكيد انهم يوافقون على القبول اللي تجيبه لأنهم مكلفين مكتب تجسير بالقبولات لجميع المبتعثين..
    ثانيا: اذا اردت المحاولة بانك تجيب قبول لنفسك وتعرضة على مسؤولي برنامج الملك عبدالله للابتعاث الخارجي وترى ان كانوا سيقبولنه ام لا فعليك ان تقوم بالتالي:
    1- التأكد من أن المعهد معتمدمن الوزارة وغير مغلق لتكدس السعوديين
    2- مراسلة المعهد بنفسك او بواسطة مكاتب القبول لاحضار القبول لك ودفع رسوم القبول بنفسك
    3- تاخذ القبول قبل ما تبدأ باجراءات الفيزا وتعرضه على مسؤولي برنامج الملك عبدالله وتقدم لهم اسبابك التي جعلتك تجلب قبولك بنفسك فإن وافقوا وختموا لك القبول فساعتها باشر باجراءات الفيزا

    هذا بعجالة وعسى الله يسهلها لكم
    بالتوفيق،،،
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.