ساعدووا اختكم محتاره وابي ارائكم .. طلاب المرحلة السادسه فزعتكم
السلام عليكم..
مبروووك لجميع المقبولين في المرحلة السابعه .. والله يوفق المتعثرين
عندي كم مشكله ومحتاره فيهم وابي اخذ رائكم
((1))بكمل ماستر في علوم الحاسب في امريكا
* ابي معهد تبع جامعه معترف فيه من قبل الوزاره ماتطلب اختبار جيمات وفيها تخصصي وين القاه باي ولايه؟؟ والي يكتبلي ولايه ابي معلومات عنها من حيث(السكن.المواصلات.الطقس.المعيشه.الشعب)
*بجيب قبول عشان اختار ولايه بنفسي عن طريق مكتب قبل موعد الملتقى عشان يكون القبول والفيزا جاهزين عندي <<<< تصرفي صحيح اولا وهل في احد سوى هذي الطريقه ومشت معه من قبل
((2)) هل اذا جبت قبول وفيزا وكانوا جاهزين في الملتقى واعتمدوه الوزارة يعطوني على طوول تذاكر سفر وامر اركاب والا يماطلون معي لان قبول المعهد بيكون فيه تاريخ بدا الدراسه واخاف اتوهق فيه
رجاااء .. ابي الي يردون اصحااب خبره ومجربين عشان اضمن مصداقيتهم .. واهلا وسهلا بالباقين على راسي حبايبي
رد: ساعدووا اختكم محتاره وابي ارائكم .. طلاب المرحلة السادسه فزعتكم
السلام عليكم وكل عام وانتي بخير
بالنسبه لعلوم الحاسب على حسب علمي لا تحتاج ل gmat بل تحتاجين لامتحان GRE
عموما انا اللي اعرفه ولايه كونيتيكت ومدينه بوستن وان شاءالله القبول لعلوم الحاسب مو صعب مثل مااعرف توكلي على الله وادرسي لغه وراح تحصلين القبول الجامعي
بالتوفيق للجميع
رد: ساعدووا اختكم محتاره وابي ارائكم .. طلاب المرحلة السادسه فزعتكم
مشكووووووور .. الله يريحك مثل ماريحتني
طلع عندي سؤال جديد ماهو اختبار GRE
على ماذا يحتوي.؟ وهل هوصعب ام سهل؟
وايضا ..
ولاية كونيتيكت .. ابي معلومات عن السكن.المواصلات.الطقس.المعيشه.الشعب
وماهو رايكم بمدينة سياتل ؟ هل يوجد بها تخصص علوم الحاسب؟ هل جامعاتها تتطلب اختبارات قبل البدا في مرحلة االماستر؟
افيدوووني الله يجزاكم الف خير فدديت فزعتكم
؟؟
رد: ساعدووا اختكم محتاره وابي ارائكم .. طلاب المرحلة السادسه فزعتكم
اقتباس:
المشاركة الأصلية كتبت بواسطة دلع شرقاوي
مشكووووووور .. الله يريحك مثل ماريحتني
طلع عندي سؤال جديد ماهو اختبار GRE
على ماذا يحتوي.؟ وهل هوصعب ام سهل؟
وايضا ..
ولاية كونيتيكت .. ابي معلومات عن السكن.المواصلات.الطقس.المعيشه.الشعب
وماهو رايكم بمدينة سياتل ؟ هل يوجد بها تخصص علوم الحاسب؟ هل جامعاتها تتطلب اختبارات قبل البدا في مرحلة االماستر؟
افيدوووني الله يجزاكم الف خير فدديت فزعتكم
؟؟
GRE أصعب بقليل من GMAT ويركّز على الرياضيات بشكل أكبر وهو مخصص للتخصصات العلمية مثل تخصصك
سياتل من أروع المدن للدراسة في أمريكا وسكانها محترمين وبها واحدة من أعلى نسب المتعلمين في أمريكا (بعد بوستن)
وتكاليف المعيشة بها معقولة عند مقارنتها بالمدن الكبرى الأخرى
وهي باردة نسبياً في الشتاء (ليست شديدة البرودة على الرغم من أنها في أقصى الشمال الغربي للولايات المتحدة)
ولكن يعيبها كثرة الأمطار (السماء غائمة 9 شهور في السنة!!)
والبعض يعشق هذا الجو، خصوصاً أننا نفتقد للأمطار في ديارنا
رد: ساعدووا اختكم محتاره وابي ارائكم .. طلاب المرحلة السادسه فزعتكم
اي والله انصحك بسياتل جوها روعه وانا احب الامطار وقريبه من مدينه فانكوفر الكنديه ساعتين با السيارة
انصحك ابتعدي عن الاماكن الباردة لاني توهقت صرت في مدينه باردة مع اني احب الامطار
اختيار موفق
حتى في كندا عندنا بيمدحو المدينه وبروحو سياحه لها
رد: ساعدووا اختكم محتاره وابي ارائكم .. طلاب المرحلة السادسه فزعتكم
الله يجازكم الف الف خير افدتوني كثير .. انا خااايفه من الصعوبه بالدراسه
ولااقدر اكمل ماستر بسبب الاختبارات الي لازم اجتازها واكمل بعدها ماستر لان انا تخصصي البكالوريس تربوي ولاله علاقه بالرياضيات بتاتا ولا بشاطره بالرياضيات والمواد العلميه مره وكنت ادبي لكن اختياري لعلوم الحاسب هوالوحيد امامي من التخصصات المتاحه بالوزاره فنجبرت اختاره
وهددفي الاساسي و الاول والاخير اكمال الماستر
انا سمعت عن ولايات ثانيه تقدر تكمل ماستر بدون اختبار لاجيمات ولاغيره لكن اين هي؟ من يدلني عليها؟
الله يفرج همكم ويسر امركم لكل االي ردوا علي