وش الأفضل التوقيف أم التأجيل ؟؟

up
up
up
up
up
up
up
up

أنا ما فهمت
يعني انتي طلعتي بعثتك وبعدين تبين توقفينها ,, او انك لسى بـ السعودية

اذا كنتي باقي في السعودية وما خرجتي لـ بلد الابتعاث فـ اللي اعرفه انك ما تقدري توقفي البعثة
بس ممكن تاجلي اذا كان عندك عذر مقننننننننننع ومعاك اوراق تثبت انه مارح تقدري تسافري لـ
اي سبب
بس اذا انتي طلعتي بلد الابتعاث فـ الافضل انك توقفي البعثة عشان ما تنحسب عليك الفترة اللي انتي
فيها في السعودية ضمن الفترة الدراسية


ان شاء الله اني اكون افدتك
والله ييسر لك امورك ويفرج همك

لا أختي باقي في السعودية أنا نزلت الاقرار وكل شيء بس ما حجزت
بعضهم قالوا لي أجلي البعثة والبعض الأخر قالوا أوقفها لمدة معينة وأعيد تفعيلها

ف مدري أخاف اكلم الوزارة تفهم غلط تقوم تسحب عني البعثة وأنا والله إني متمسكه فيها
وغير كذا أخاف إني ءأجلها يقومو يرفضوا طلبي وما يقتنعوا بأسبابي
مو عارفه وش أسوي ؟؟

يفترض انك تسافرين في مدة اقصاها 6 شهور بعد اصدار قرار الابتعاث

بس عشان اكون صادقة معاك
الافضل لك انك تستخيرين الله اولا ثم تطلعين بعثتك مهما كانت الظروف
لانك من هناك تقدرين توقفينها لمدة معينة وترجعي تكمليها عاااااااااااادي من دون اي مشاكل

او انك تحاولي تقدمي على المرحلة اللي بعدها _ ولو اني ما انصحك بـ هالشيء _ استخيري الله
واذا اتيسرت لك هـ البعثة فـ خير وبركة و اذا ما اتيسرت فـ اتاكدي انه بعد الاستخارة ما يتعسر الامر
الا لان فيه شر الله يبي يصرفه عنك

الله يفرج كربك وييسر امرك ويعطيك ما تتمنين

بصراحه يا أختي استخرت كذا مره كل ما ينفتح لي باب ينقفل علي مرة ثانية
طيب أنا عندي استفسار
أنا مطلعة اقرار ابتعاث مرتين , ممكن أقدم السنة إلي بعدها أو إذا تيسرت الظروف أو لا ؟؟؟؟

ردي عليا الله يجزاك خير

ايه يا عيني
تقدري تقدمي على البعثة في كل سنة حتى لو طلع اسمك
وما قدرتي تسافري تقدري تقدمي مرة وثانية وثالثة
اهم شيء ان الشروط تكون منطبقة عليك

ولاحظي ان الشروط ممكن تتغير من مرحلة لـ مرحلة
يعني ممكن تنقبلي السنة هذي ويغيروا الشروط السنة الجاية وما تنقبلي

بس دامك استخرتي وامورك ما تيسرت معناته انه شر والله يصرفه عنك بـ حوله وقوته
انتي سوي اللي عليك وخليه كله على الله

ربنا ييسر لك كل عسير ويفرج همك

يعني ما أقدم لا تأجيل ولا توقيف !
الله يستر عليك ويوفقك ويفرح قلبك مثل ما فرحتيني
والله إنه هم على القلب رفض البعثة


بس متأكدة يا أختي ؟؟؟ عمره صدف إنه وحده وقفت وقدمت من جديد وقبلت ؟

لأنه قالوا الي قدمو وما راحو ما يقدمون لمدة ثلاث سنوات هذا الكلام في الملتقى صار !

مرحبا اختـــي

انا بصراحه من اول مافكرت اقدم على الابتعاث وانا متابعه لهالمنتدى ومافكرت ارد الا على موضوعك لان وضعك نفس وضعي بالظبط الفرق اني للحين ماصدرت قرار الابتعاث يعني حضرت الملتقى ووقفت الاجراءات لان اموري تعثرت انا المفروض اطلع بشهر 5 الى فات بس ماتيسرت الامور وللحين مازلت في سالفه روحي وتعالي مع الوزاره

الي بوصله لك والي انا متاكده منه ومابيك تغفلين عنه وتندمي بالاخير انه مافيه شي اسمه تقديم على المراحل الجايه لان اسمك موجود اوردي بالسيستم وينرفض تلقائي انا سالت الوزاره لما جيت اقدم على المرحله السابعه وقالو لي يابنت ترى النظام بيرفضك وعندت وقدمت وفعلن رفضني بس الشي الي فيه امل ان تقدرين تاجلين تروحي للوزاره تطلبي تاجيل لموعد محدد ويرفعون معاملتك ويبتون فيها اذا وافقو لازم تطلعين على الوقت الي حددتيه ولا خلاااااااااااص البعثه تلتغي اوردي

وكل كلامي ترى جايك من تجربتي يعني ماحد قاله لي وللحين انا ضايعه لان الوزاره طالبه منى اقدم طلب تاجيل عن طريق الموقع والمشكله الموقع مافيه نموذج طلب تاجيل وهذاني انتظر بس ررررربك انشاء الله يسهلها لنا كلنا ويكتب لنا الخيره وين ماكانت

تقبلي مروري

هلا أختي
والله أنا لمن حضرت الملتقى أعتقد يالحربي أو الموسى قال سواء طلعت أو لا , لا تفكر تقدم إلا بعد ثلاث سنوات ويا يقبلونك أو لا
المصيبة يا أختي لو قدمنا تأجيل يبون سبب قوي يا وفاة لسمح الله أو مشكلة في الحالة الصحية
واحنا أغلب مشاكلنا في تردد محارمنا وهذا السبب جداً ضعيف لدى الوزارة

الي عنده الحل يدخل الله يستر عليكم