جدة / واشنطــن أو جدة / أورلاندو ؟؟
السلام عليكم ورحمة الله وبركاته
أخواني من المرحلة السادسة
هل لازم أوقف عالملحقية في واشنطن ؟؟
ولا على طوول أروح مدينة الابتعاث ؟؟
ولمن نحجز في مكتب الطيار بعد إصدار امر الاركاب .. هل هما اللي حيحجزولنا على واشنطن .. وبعدين يحجزوا رحلة تانية على المدينة اللي أنا فيها ؟؟
وهل أقدر افتح ملف طالب مبتعث وانا هنا في السعودية وارسلهم اوراقي عن طريق الايميل أو البريد ؟؟
سؤال تاني عن الملتقى .. دحين ملتقى جدة يخلص 18 محرم .. بس بعدو في ملتقى الخبر ؟؟
هل أقدر آخد شهادة الحضور في الملتقى حقي ؟؟ وأروح طوالي اطلع قرار الابتعاث ولاا لازم استنى كل الملتقيات تخلــص ؟؟
اللي يقدر يجاوبني الله يعطيكم العافية لحد يبخل علينا
رد: جدة / واشنطــن أو جدة / أورلاندو ؟؟
استفسار انسه فلمبان في اي ولايه اورلاندو والسؤال الثاني ممكن اعرف احسن ولايه ومدينه من ناحيه الرخص والامن والجو والله محتار وابي جواب الله يوفقك شكلك عارفه في الالولايات
رد: جدة / واشنطــن أو جدة / أورلاندو ؟؟
اورلاندو في فلوريدا
الجنوب الشرقي
من ناحية الرخص .. ابعد عن الولايات في الشمال الشرقي
زي نيويورك وماتسوتسوتش (مني عارفة الفظها صح) .. ودي سي كمان غالية اللي هيا العااصمة
وكمانا كاليفورنيا
دولا يعتبرو من اغلى الولايات في امريكا
اما الامان .. ابعد عن الولايات الزحمة مررررة .. برضو زي نيويورك
والولايات اللي فيها القمار عادي .. دي برضوو تعتبر خطيرة
الولايات الرخيصة عادة ما تلاقيها في النص والشمال
خلي في بالك انو الشمال مررررررررررررررة برد
رد: جدة / واشنطــن أو جدة / أورلاندو ؟؟
اسئلة مهمة ودنا الي يعرف يفيدنا
رد: جدة / واشنطــن أو جدة / أورلاندو ؟؟
السلام عليكم اخت رواء
انا بحول ل اورلاندو
حسيتها افضل من كاليفورنيا بس ياليت تساعديني في افضل معهد للغه ايش
وجزاكي الله خير
رد: جدة / واشنطــن أو جدة / أورلاندو ؟؟
حبيبتي في معهد واحد في اورلاندو معتمد حاليا من الوزارة
Valencia