مكتب تجسير ؟!! فيه احد منكم قد تعامل معه .. ابي رايكم
السلام عليكم
انا انقبلت فالمرحله السابعه
وعطيت اوراقي مكتب تجسير
ابي رايكم فييه ؟؟
وطلبو مني مبلغ 950 مقابل الحصول عالقبول ياليت تفيدوني
رد: مكتب تجسير ؟!! فيه احد منكم قد تعامل معه .. ابي رايكم
وعليكم السلام
طلبوا منك 950؟؟ طيب على أي أساس يطلبون منا نروح للمكاتب المعتمدة !!
وليه الوزارة ما تتكفل برسوم القبول
الله يعيين
وياليت احد يجاوبنا من المراحل السابقة...
رد: مكتب تجسير ؟!! فيه احد منكم قد تعامل معه .. ابي رايكم
لا الوزاره تتكفل بالدفع دامك من طلاب الابتعاث بس عطهم رقم الابتعاث تبعك وخلاص
رد: مكتب تجسير ؟!! فيه احد منكم قد تعامل معه .. ابي رايكم
حرام هالمكتب اكرهه الوزارة كلفته العام يجيب لنا قبولات من معاهد سيئه وتجاريه وكمان يتأخر احيان وإذا حاولت تتواصل معاهم وتسأل وتشوف ايش صار مايتناقشوا معاك بشي ولا يسمحوا لك تختار الولاية تجربتي انا وكل صديقاتي زيي وبعد ماوصلني قبولي منهم وحاولت اغير المعهد قالوا لي لازم موافقه الوزارة ولماا كنت بجيب لنفسي قبول من مكتب ثاني ومعهد ثاني قالوا ماراح توافق على طلبك الوزارة لأن وصلك قبول عن طريقهم والحمدلله قدرت اغير الولاية فقط بدون الرجوع لتجسير كلمت المعهد نفسه ونقلني لفرع ثاني بولاية ثانية انتظر شوي والوزارة هي إلي تجيب لكم قبولات اللغة إلا إذا كنت حاط ببالك ولاية ومعهد معين اطلب من معهد ثاني إلي تبيه وارسل قبولك للوزارة تعتمده قبل ماتجيب لك هي قبول وعادي لاتشيل هم إذا ماجبت لفسك احنا العام وقت الملتقى سلمونا بعض القبولات وبعضها بعد الملتقى بأشهر كمان وعادي بدون ماتدفع إنت شي بالتوفيق
رد: مكتب تجسير ؟!! فيه احد منكم قد تعامل معه .. ابي رايكم
طيب انا وقعت ان تجسير يتكفل بكل اموري اقدر اسحب عليهم ؟
رد: مكتب تجسير ؟!! فيه احد منكم قد تعامل معه .. ابي رايكم
ياابن الحلال ..
دبر القبول بنفسك ..
والله سهل , ووفر الـ 950 .. لإجراءات الفيزا وغيرها ..
البلشة إن أغلب الطلاب .. يبغى أي حاجة تجيه بدون مايبحث عنها !!!
رد: مكتب تجسير ؟!! فيه احد منكم قد تعامل معه .. ابي رايكم
رد: مكتب تجسير ؟!! فيه احد منكم قد تعامل معه .. ابي رايكم
يا خوي طالب المرحله السابعه وضح للزملاء ليه المكتب يطلب مبلغ 950 اكيد لانك اخترت معهد المكتب مو متعامل معاه وهاذي المعاهد تطلب رسوم تعبئة طلب وفيديكس ولازم الطالب يدفعا مو الوزارة والمكتب.الرجاء توضيح جميع الامور حتى ما نلخبط امور الطلاب ونشتتهم ونكتب المعلومه صحيحة.
رد: مكتب تجسير ؟!! فيه احد منكم قد تعامل معه .. ابي رايكم
ايه طلبو مني ٩٥٠ لان المعهد مو متعاملين معه ..
وعطوني قائمه بالمعاهد اللي متعاملين معها
رد: مكتب تجسير ؟!! فيه احد منكم قد تعامل معه .. ابي رايكم
بالنسبة لمكتب تجسير .. يرسلك جدول للمعاهد بحيث تختار منها وإذا كان المعهد الذي تريده غير ما هو مرسل لك وليس من قائمة الجدول . فعليك ارسال
المعهد الذي تريده الى مكتب تجسير واسم المدينة والولاية وهو يجيبلك القبول ولكن هنا يطلب مبلغ 950 ريال مقابل قبولك في المعهد الذي انت إخترته ، وذلك لان المعهد لا يتعاملون معه كما قال بعض إخواننا في الموضوع . وهناك من جاء بالقبول لنفسه بمراسلة المعهد الذي يريد .
أتمنى لكم التوفيق والنجاح