" بخصوص التأشيره "

انا قدمت على مكتب اسمه
مكتب خدمات السفارات بساحة الكندي بالرياض وكمان هو اللى حجزلي موعد
بس انتى واخوك مااعتقد انه يكلفك 3 الاف الا ان المكتب اللى راح تقدمي عليه يختلف عن هذا المكتب
اللى قلتلك عليه الله واعلم
تقريبا كلفنا انا ومرافقي الف وعليها بس ماادري كم بالضبط لانه لي سنة
من يوم ما سويت المقابلة
....
الله ييسرلنا ويوفقنا

عن نفسي انا الي سويت النفسي الموعد لانه والله بسيط بس يبيلها سرعه

انا لما رحت مكتب ايجيك زجبت قبول لغه وجامعه قالولي اذا تبينا نحجزلك موعد بالسفاره قلتلهم بكم قال 500 بس لك 400

انشالله اني اكون افدتك اخوي بالتوفيق انشالله ^_^

اخت المهاجره بحاول اسال وادور على نفس المكتب لان سعره يعتبر حلو مقفارنه باللي رحنالهم هنا في جده ..
نره شكرا لك

اخ شارلو اولا انا بنت مو ولد
ثانيا شكرا لك بس ع النت مرررررررررره حسيته متعب وكانه كمان يطلب صور وكيف احول المبلغ اعتقد لازم ادفع 45 ريال ..
حسيتها حوسه ويبغالها احد عنده لغه فابي اختصر على نفسي عن طريق المكاتب ..

بس ابي اعرف شغلة الحجز كم تكلف تقريبا عشان مابي يضحكو علي يعني من يوم ماقدم لين استلم التاشيره كم اكون دافعه؟
لازلت انتظر الاجابه

تكاليف الفيزا بالتفصيل:
532 ريال رسوم فيزا لكل شخص
45 ريال رسوم حجز الموعد
200 دولار = 750 ريال تقريبا رسوم قبول (سيفيس) لمن يريد فيزا F1 ومعه قبول منفصل

فالاجمالي لك لحالك: 532 + 45 + 750 = 1327 ريال

اما الاجمالي لك مع مرافقك اذا كان مرافقك فيزته F2 او سياحية: 532 + 532 + 45 + 750 = 1859 ريال
والاجمالي لك مع مرافقك إذا كان مرافقك فيزته F1 يكون: 532 + 532 + 45 + 750+ 750 = 2609 ريال

فيبقى كم ياخذ المكتب اتعاب لإنهاء الإجراءات...
بالتوفيق ان شاء الله
تحياتي،،،أبو نوره

الله يجزاك الجنه ابو نوره ويرزقك من حيث لاتحتسب دائم اجد عندك ضالتي ..

مشكووووووووووووره وماقصرت بس سؤالي الأخير ..

هل لو حجزت بنفسي عن طريق النت موعد فقط احتاج ادفع 45 ريال وباقي الفلوس ادفعها كيف ؟ لمن اروح السفاره ؟
بينما لو كل شي عن طريق المكتب فادفع يصير للمكتب صح كذا؟

واي اسهل برأيك ؟

العفووو اختي وجزاك الله كل خير

بالنسبة لمبلغ 45 ريال للموعد فيتم دفعها عن طريق النت من موقع حجز مواعيد السفارة ولازم يكون لديك بطاقة فيزا او ماستر كارد
رسوم السيفيس 200 دولار يتم دفعها ايضا عن طريق النت ويلزمك ايضا فيزا وا ماستر كارد وله موقع خاص يتم الدخول اليه والدفع

اما بالنسبة لرسوم التأشيره 532 ريال يتم دفعها من اي فرع لبنك سامبا اما من نفس البنك او اذا كنت عميل للبنك تستطيع دفعها من موقع البنك

اما المكاتب (بالاغلب) فتدفعين لهم المبلغ كامل وهم يعملون لك كل شيء واعتقد انه اسهل

مع انه الموضوع سهل ولا فيه تعقيد وهذا رابط لموضوع افادني كثيرا ايام التقديم للسفارة وانهيت اموري وناس آخرين ولله الحمد بنفسي وفيه معلومات قيمه
وبغيت انوه عن انه لا تنسي انه يوجد نموذج DS-160 لا يمكنك حجز موعد الا بعد تعبئته على موقع السفارة الأمريكية وهو ايضا مشروح بنفس الرابط التالي:
http://www.mbt3th.us/vb/forum134/thread222212.html

وان اردتي المساعده او واجهتك مشكلة فيسعدني تقديم كل ما أستطيع
بارك الله فيك ووفقك
تحياتي،،،أبو نوره

الله يجزاك الجنه مرررررررررررره ماقصرت والسموحه تعبتك معاي ..

بس انا اشوف ان الموضوع مرررررررره صعب علي لان كل شي فيه يطلب آي توني وانا ابي اجيب قبول جديد. ابي الغي الي معايه ..

شكلي براسل تجسير اني الآن اجيب لي قبول جديد على شهر 5 وهمه يختموه ولو وافقو يصير ساعتها اقدم فيزا لاني احس اوراقي ناقصه لو ابي اقدم فيزا

اللهم آمين حنا واياك والجميع... ولا تعب ولا شي

على كذا شوفي القبول واستعجلي فيه عشان ما يزنقك الوقت
واول ما يجيك قدمي عالفيزا مباشره

بالتوفيق والتيسير ان شاء الله
تحياتي،،،أبو نوره

يا اختي عادي انا ما عندي لغه اللغه حقتي زيرو سويتها عن طريق قوقل كروم يترجملك الصفحه بس الاجوبه بالانقليزي واذا ما عرفتي فيه عن طريق مبتعث اكتبي طريقه تعبئة نموذج الدوز بيجيك بالانقليزي ومترجم وتلاقينه بعد بملتقى طلاب امريكا موضوع مثبت عن كل ما يخص تعبئة الدوز 160

بالتوفيق انشالله ^_^