شلون اوفر سكن مناسب خلال اسبوع

السلام عليكم اخواني واخواتي

انا بادخل بالموضوع على طول ومو حابه اطول عليكم

انا رايحة على مدينة لوك هافن في ولاية بنسلفانيا
كلمت اكثر من مكتب عشان يوفروا لي سكن بس قالوا ان مافي وقت كفايه وكان المفروض اعطيهم خبر قبل بشهر
بس المشكله ان رحلتي بعد اربع ايام لواشنطن وباظل فيها ثلاث ايام وبعدين على لوك هافن
تكفوون ابي اي احد يقدر يساعدني
انا رايحه مع زوجي وقريب بيكون عندي ولد يعني ابي شقه مناسبه ومستقله واهم شئ قريبه من المعهد fls
املي الوحيد الحين هو انتوا اتمنى تساعدوني
اللي يعرف مكاتب توفر سكن بسرعه يعطيني ارقامهم
واللي يقدر يشوف لي سكن هناك اتمنى انه مايقصر معاي
تكفووون انا محتاجه لمساعدتكم باسرع وقت ممكن
وباكون شاااكره لكم

اختكم
شذى

شوفي يا اختي
نصيحة لك المكاتب والنت لا تجربيها في السكن
لانه رح يوروكي الصور شيء والحقيقة شيء ثاني
انتي على ايش مستعجلة ؟
روحي لـ ولايتك واسكني بـ فندق ودوري لك على شقة وبتلاقي بـ الهبل
واذا مرة حبكت معاكي روحي لـ معهدك وهم يوفروا لك السكن

كلام اختي اوكاسيا سليم 100%