مرافق لم تتم اضافتي مع المبتعثه

؟؟؟؟؟؟؟؟؟؟؟؟؟؟؟؟

من جدكم انتواا ؟؟
66 مشاهده ولا في رد

السلام عليكم ورحمة الله

أحد الشباب تخروه نفس الشي لين أجيب ما يثبت أنا لا يعمل سواء في القطاع الخاص او العام

وجلس حول 3 أشهر لين ما جاب الا طلبوه وعضوه الضمان المالي

.

سلام عليكم ..

انا نفس حالتك يا اخوي ....؟ كان محرمي ابوي الله يطول في عمره ...؟ بعدين جيت اضيف ولد اخوي ماوافقوا الملحقية ... مع ان عمره مناسب
صراحة كل الملحقيات زي بعض في التعامل ومرمطة واي شي في الحياة .. واذا جيت واجهتهم بالكلام او راسلة المشرف ..؟ قالوا طيب طيب خير خير ....؟ واخر شي خازوووووووق يمشي 1200سرعته

الله يعطيكم العافيه

لا هالكلام لا يسكت عليه
انا اوريهم العين الحمره

اجل جالسين وشو له في الملحقيه, كل واحد راز له مكتب وسكرتيره.

أخوي هل ممكن ارسالها للمملكة وتصديقها! أو الشخص الموقع عليها غير معتمد توقيعه بالغرفة التجارية!!
عموما انا كنت حاضر لمحاضرة مصاحبة لمعرض الكتاب بالرياض للملحق الثقافي بأمريكا د. العيسى ومن ضمن كلامه انه عندما يواجه المبتعث عدم تجاوب او مساعدة من المشرف فييمكنه التواصل معي مباشرة ايميل اوهاتف وسأساعده في الحل ولو بتجاوز بعض التعليمات استثناء لحالته!!!
فعلا الموضوع ما ينسكت عنه ولا يحتمل وبسبب روتيني لايستحق كل هذا التعقيد وما ضاع حق وراه مطالب،، وفقك الله بمبتغاك عاجلا غير آجل،،، تحياتي.

الله يعطيك العافيه اخوي الكهل الطموح وش فيك كهل الله يهديك هههههههه
ياخوك الكلام مو على الدكتور العيسى ، الرجال ماعليه كلام
المشكله في اللي تحت العيسى الله لايوفقهم يارب اللي كل واحد مايدري وين الله حاطه.
في الحقيقه انا اشتغل من الجهتين احاول في الملحقيه تضيفني والشركه احاول تخلص الاجراءات في اسرع وقت.
لكن اذا مافي فايده شكلها ايميل للدكتور العيسى نشوف اخرتها معاهم.
مش فاهم ليش تتصدق من الغرفه التجاريه؟ راح ابيع واشتري في امريكا انا؟؟؟ والله من جد مو فاهم.
واذا كان لازم ياخي ليش مايحطوها شرط من ضمن الشروط اللي حاطينها في موقع الملحقيه، هم كاتبين ورقه تثبت انك في اجازه
طيب مو عطيناكم ورقة الاجازه مختومه من الشركه قالوا لا.
تحسهم اغبياء ماااااااااااااااااااااافي تطور , وش قال قال هذا النظام.

كهل ونص! هههههههههه
ألا ليت الشباب يعود يوما، فأخبره بما فعل المشيب!! هههههههههه
أخي الكريم من ناحية نظام! نظام !!
أي وثيقة صادرة من القطاع الخاص لابد من مصادقتها من وزارة التجارة الممثلة بالغرف التجارية!!!
ووثائق القطاع العام أو الحكومي والوزارات...الخ يصدق عليها من وزارة الخارجية ويمكن كذلك التصديق من السفارات بالخارج على تصديق وزارة الخارجية!!!!
كل هذه الأمور لمن يحب تعقيد الأمور لكن من يريد التسهيل ممكن يتجاوز كل روتين معرقل،، وفقك الله بمن يسهل أمورك داخل المملكة وخارجها،، وتكبر وتنسى يافتى!!!!!!!!!