بإختصار // إنه حسب رأي خبراء الصحه النفسيه فالخجل الشديد يرجع لـ ثلاث أسباب متفاعله وهي :
الوراثه .. فقدان المهارات الإجتماعيه .. نظره سلبيه للذات والنفس ..
عزيزتي ماأبغى أتفلسف وأتكلم كثير لأن الحل والعلاج بيدك إن شاء الله ,, وحلو إن عندك الإصرار وحابه إنك تتغيري ..
بس راح أنصحكي بكم شغله وإن شاء الله تفيدك ..
فيه أمر كثير صغير راح يكون بداية تغيرك إن شاء الله :: إللي هو التحيه ..
لما تدخلي مثلا" الكلاس صبحي على الموجودين بإحترام //
مثلا" ممكن تجي تقولين good morning بإبتسامه بسيطه أول ماتدخلي الكلاس .. ممكن في البدايه راح تترددي وماراح تقولينها وهالشي طبيعي بالنسبه لحالتك
وثاني مره ممكن تقوليها بصوت خفيف لدرجه محد يسمعها .. وأكيد راح تحاولي أكثر من مره إلين تقوليها وبكل ثقه ..
ثاني أمر إللي هو إنك تتواصلي مع الأخرين وتكونين الباديه في الحوار ..
مثلا" عزيزتي إطلعي وإسألي عن مكان معين حتى لو تعرفين المكان وحافظته , طبعا" بإبتسامه تسئلين وبعدها تشكرين الشخص لأن أفادك ..
الإبتسامه حيل مهمه راح تبعد علامات الخجل إللي بوجهك والإحمرار ..
وحاولي تحتكين بالناس وتتكلمي كثير وثقي بنفسك وإنتي تتكلمين أو تتناقشين بموضوع ..
إنسي القلق والتفكير بلي راح يقوله عنكي الأخرين لما تتكلمين ..
مشكلتكي مو الخوف مشكلتكي إنك تفكرين بالناس قبل لاتقولين كلمه وحده // بشنهو راح يكون ردهم أو حتى نظرتهم ,,
ممكن يضحكون علي بسبب هالكلمه أو أغلط عشان كذا أسكت أفضل لي من الإحراج ,, ليش أحط نفسي بإحراجات أنا في غنى عنها >> هذا إللي الحديث إللي بداخلك قبل لاتتكلمين أو حتى تسئلين ..
عمرك سئلتي نفسك هالسؤال // معقوله فيه شخص عمره ماغلط .. عمره ماإنحط في إحراج ..؟ طبعا" الكل يغلط والكل ينحط في إحراجات حتى العظماء بس الذكي إللي يعرف كيف يتفادى هالإحراج
أقلها بإبتسامه .. الوضع جدا" عادي وبسيط
وأنصحك برضو بكتاب حيل مفيد إللي هو : كتاب الخجل للبروفيسور فيليب زيمباردو .. راح يفيدك هالكتاب كثير حاولي لو تنزليه من النت ..
هذي كم نصيحه وماودي أكثر عليكي الكلام والنصائح بس تأكدي لو أخذتي بـ للي كتبته راح تستفيدي كثير ..
أتمنى لكي التوفيق والسعاده وتكون أموركي تمام وأفضل ..
إن شاء الله تبشرينا ياعزيزتي بـ الأخبار الطيبه عنك ..
تحياتي وتقديري ..