ساعدوني انا من المرحله السابعه مين من السادسه والى الان ماسافر ظروفي ماتسمح اسافرالان

السلام عليكم
ساعدوني في الحل الله يجزاكم الفردوس الاعلى من الجنه


انا من المرحله السابعه جاني قبول معهد وطلعت الفيزا في رمضان على اساس سفري في القعده والدراسه بداية شهر الحج
قدر الله وجات لابي جلطه في الدماغ واخويا الى معايا مرافق هوا الكبير في البيت الان وهوا المسؤل لانه والدي الان بيتعالج

وليا اخ تاني في امريكا بس انه مبتعث من جهة عمله كلمته وقلي ما اقدر اجي اخدك لانه مو مسموح له يجي عشاني وغير كدا وضعو انه البعثه مو حقت الملك لا من جهة عمله ومعاه عيلته

كلمت الموظفه وقالت مافي تاجيل شرحت ظروفي وقلت لها اخويا الى هناك قلي حاليا مايقدر الا في 2013 مو بكيفو
تقولي لا هذا النظام لازم تخلصي اجراءت سفرك دحين!!!!!


حسبي الله اشمعنى الحامل سمحوا لها وانا الى ظروفي كدا ماتسمح ليا


ايش اسوي الان تقولي المرحله راح تقفل خلصي امورك
اجيها يمين تيجيني شمال مهي راضيه تفهم وضعي انه مافي محرم واخويا المسافروضعه مو بكيفه وابويا مايقدر يخدم نفسه :(
:(ايش الحل وكيف اتواصل مع الدكتور ماجد الحربي دلوني جزاكم الله خير والله نكدت عليا مرره

المصدر: http://www.mbt3th.us/vb/forum163/thr...#ixzz2BRvvC9iX

شوفي أختي أنا من المرحله السادسه واليوم تم إصدار القرار لي والحمد لله أنت سوي المستحيل على شان البعثه وإن شاء الله ماتخسري شي

الله يسعدك يا ام غرام ويسهل لك كل امورك يارب
بس ابغا اسئلك ايش عذرك
انا قهرتني الموظفه كل الحال دا وتقولي كملي اجراءاتك بالله كيف اكمل وانا حالتي كدا مايكفيني القهر على ابويا كمان اخليه بدون مساعده واخد اخويا دا ونسافر ؟؟؟؟؟!!!!
ايش الحل معاها كلوا دا عندها مو عذر حسبي الله ونعم الوكيل بس

امرك سهل ان شاء الله انتي ماعليك من الموظفات دول يكبرو الهرجه
انتي خلاص تبغي تسافري دحين ولا لسه كمان حتتاخري ؟

الله يبشرك بكل خير عزيزتي
لسااااااااااااااااااااااع ماحااسافر دحين ولا شي الله يسهل بس ابغا اعرف ايش اسوي اقدم عذر للتاجيل ولا اسكت كدا الين ما يجي وقت الفرج واروح لهم المشكله اخاف ساعتها يقولولي فينك ماقدمتي عزرك من اول عشان يكون عندنا خبر دا الا مخوفني ربي يفرجها يااااااااااااااااااااااااااااااارب

الله يشفي بابتك ويرجعلكم احسن من الاول يارب
رديت ع الخاص

اللهم اميييييييييييييييييييييين
جزاك الله خير ياقلبي ربي مايوريكم شر في غالي عليكم ويسلمكم من كل شر يارب والمسلمين اجمعين

الله يشفي لك الوالد يارب
قرار الابتعاث ينلغي بعد 3 اشهر من اصداره
طيب اذا يقدر اخوك ياخذك ويوصلك هناك اطلبي تغير محرم لاخوك الموجود
ويارب تتسهل امورك