وآسطـه ابتعآث !!

السلام عليكم اخوي

ماني حاب احطمك بس بقولك الي صار معي انا كنت حاب ادرس برا وكانت نسبتي ماتساعد لشروط الوزاره حاولت يمين يسار ها اذا اعرف احد يعني واسطه مافي قلت مافي الا ارفع خطاب
والله وزين اني اعرف جماعه بالرياض وقلت له يعلمني بالايام الي يستقبل فيها الملك المواطنين طلع على ماعتقد هو يوم الثلاثاء المهم رحت ضبطت اوراقي وسنعت اموري وجهزت كل شيء وصلت الرياض رحت المكان المعين قالو مهب في قلت تستهبل ملك يعين يوم لاستقبال المواطنين تقول مهب في قال مسافر مادري وين راح قلت له متى اجي قال يمكن يستقبل بدال بكره نمت بالرياض ورجعت له قال مافي الا اسبوع الجاي ورجعت الشرقيه وبعده باسبوع رجعت الرياض ورحت المكان المقصود ويقول مهب في قلت تستهبل(في قلبي طبعا هاذي الحكومه) وينه بومتعب يالحبيب قال بقمة الدوحه عجيب طيب ومتى يستقبل قال اسبوع الجاي واسوي نفس السالفه ارجع الشرقيه من بعدها الرياض واخينا في الله يقول مهب في قلت انا السالفه مطوله وياخي كل جيه اجي فيها الرياض اخسر حول 500 ريال هالبعثه بتطلع من كبودنا
سألت جماعه قلت لهم ياخي انا تعبت شوفولي حل طلع لي واحد بن حلال وقال ارفع خطاب الى ديوان الرئاسه والله جهزت الخطاب السنع وخذت معاه بعض الوثائق الي تثبت اني ماحصلت مكان للدراسه على ان نسبتي جيده وبظروفي واشياء كثيره وكلها مختومه وموثوقه عموما رحت الى ديوان الرئاسه استقبلني موظف قال وش هالاوراق الي عندك رئيس دوله قلت عفوا قال الزبدو ش تبي قلت برفع خطاب قال وانت على بالك الملك فاضي لك ماعنده شغل الا انت على هالوراق اكتب الزبده وعطني اياه ضبطت له الخطاب يمكن خمس مرات كل مره يقول طويل بعدها قالي انا بكتبه ويرح لك يكتب انا فلان بن فلان حامل بطاقه رقم كذا اطلب بعثه وين ذاك الكلام السنع وين الاورق الثبوتيه مافي الملك مهب فاضي لي عموما عطاني رقم طلب قال اتصل بعد اسبوعين جاء اليوم الموعود اتصلت قال بعد يومين طيب بعدها اتصلت قال حولنامعاملتك الى وزارة التعليم العالي

انا من قال هالكلمه قلت خلاص برح بعثه على طول جهزت اغراضي والى العاصمه واجلس لك بدري من الساعه6 الصباح 630 انا عند الوزاره فتحو8 الصباح والله الوزاره استقبالهم حلو بس عيبهم من موظف الى موظف يمكن تنقل الى 8 موظفين المهم الموظف السابع قالي عند الموظف الثامن الطريقه للابتعاث انا فرحت فرح غير طبيعي قلت له انقبل الطلب قال مدري عنده واروح له عطاني ورقه قلت هذا قرار الابتعاث وماشاء الله علي متفائل كثير اقراء الورقه
واذا هي الصدمه شروط الابتعاث المعروفه انك بعد اللغه تدرس0
30 ساعه ويحولونك حبيت اتفاهم معه طلع خوينا بالله اطرم غير بدل مايفهم شيء حبيت اروح حق الموظف الي قبله قال المعامله عنده تتفاهم معه الوزير طيب مو موجود

وطار حلم الابتعاث عذار على الاطاله وربي يوفقك

حلم ابتعاث حالتك مثل حالتي بالضبط
انا ارسلت برقية للملك الله يطول بعمرهـ
واتصلت بعد كم يوم قالوا لي اتحولت الى وزارة التعليم العالي
واتصلت على التعليم العالي قالوا اتحولت الى ادارة الابتعاث
اتصلت على ادارة الابتعاث لا حياة لن تنادي
واجهز نفسي واسافر الرياض وانصدم قالوا تحت الدراسة ارجع بعد كم يوم لانها رح تعرض على اللجنة
بعد اسبوع رحت لهم قالوا خذ هذا الشروط طبقها واطلع بعثة
ههههههههه طلعت 30 ساعة تدرسها
والا يومك هذا وحنا تصلكع من مكان لثاني
تدري ليش يا اخوي
لان ما عندنا واسطة !!!
مع ان معدلي عالي ,,

< تحطم ..

اقولكم بطلت اطلع اخاف اتعب اجيب قبول واخذ الايلس وبعد هذا كله يقولون مابوه بعثه الا ع حسابك

< طفران ماقدررررررر

شاكر لكم ..

< مازال متحطم الى ان يفرجها الله

انت قصدك مقفل على الطلاب الي اخدوا البكالوريوس ويبغةا يقدموا عالماستر ؟ ولا طلاب الثانوي الي يبغوا بكالوريوس ؟

مرحلة البكالوريوس فقط . ..


يالربع مافيه احد يقدر يفرحنا بخبر ؟

اطلب كريم وانا اخوك
لا تيأس
لازم تدور لك حل واكيد الحل موجود فكر وربك ييسرها

لا اله الا الله ..

والله هالوزراء بس يفكرون الناس مثل اولادهم ويتخذون القرارات ع اساسها .. يفكرون الناس تقدر تدرس ع حسابها

حسبي الله عليك يالعنقري وان شاء الله في اقرب وقت اشوفك متقاعد

تفكير تخلف .. ياخي الناس تبي تطلع تدرس في بريطانيا ويقول روحو غير بريطانيا .. ويعرف ان جودة التعليم جيده في بريطانيا بما انها قريبه وفيها قانون ازين من الامريكان العنصريين..

ولله انا يامازن راسلت جامعات ونتظر ردهم حتى لو ماقدرت اطلع ع حساب الدوله بطلع قرض واجرد بالشركه وامشي

وش اسوي مو راضيين يسمعون فينا بس منع حظر غلق .. قلعت هالتعليم العالي ..

والله يا غالي ترى الحال من بعضة
انا مصمم اطلع بعثة وانا لا املك شيء لا وظيفة من شان اقترض
ولا مشاريع ولا انا ابن تاجر ولا انا قريب واحد من الوزارة
الوالد ما قصر يالله اني تخرجت من الدبلوم بعد المصاريف والتعبة
ما بالك برى اكيد المصاريف اضعاف
ولكن لازلت مصمم على الابتعاث وان شاء الله اني اروح

وترى على ما ذكرت امريكا تقول عنصرية لالالا
انا اقراء مواضيع في المنتدى يقلون ان بريطانيا فيها العنصرية وامريكا الدنيا سهالات
ربي يوفقك ان شاء الله واذا دبرت عمرك لا تنساني وانا اخوك ههههههه

والله ياخوي لو معنا واسطات انا وانت ما كان قعدنا نتشكوى هنا
ولكن ربنا كريم .

يارجال طلعت بريطانيا وجلست فيها يمكن شهر ورحت قرى صغيره برضه والله ماشفت لا عنصريه ولا شي
بس امريكا واحد من الربع تو راد وهو على سرير مكسر شاله واحد امريكي بالسياره جلس يلحق فيه لين صدمه .. ياشيخ شوفه بجده عند اهله مكسر الله يرحم بحاله
ومو ع كل حال اكيد فيه ناس طلعو امريكا وشافوها قمة الديموقراطيه ومافيه عنصري
بس اللي رغبني في بريطانيا اكثر هو معادلة الدبلوم ومعادلة الثلاث سنوات جامعيه اللي درست من غير دورات العمل اللي كلها من برى المملكه ..

والله العظيم وضعي زين في العمل ومسؤول عن مهندسين ومرتاح الى اخر شي
ومسماي مهندس ع خبرتي وماخذ وضعي
بس جلست مع نفسي يوم كذا قلت ياخي جالس اضحك ع عمري خصوصا بلدا مايعترفون الا بالشهادات يعني لو خبرت عشرين سنه في المجال ومعك كفاءه قالو راس ماله شهاده متوسطه عاد انت ادري بالشعب هنا ..

فقلت ياخي اطلع اكمل هندسه ولين رجعت رزق الواحد ع باريه يعني مو مضيع .. والبلد مفتوح وواسع يعني الواحد مايضع خاصه اذا معه لغه زينه وشهاده من برى

لكن الواسطات لاغنى عنهاا ..

تصدق جالس افكر اطلع للولي العهد المغرب ههههههههه الله يحفظه


عموما اللي معه واسطه يراسلني خاص وبعطيه عشرين الف ريال في يده .. واذا يبغى زود عطيته .. (زود يعني الف ريال )

اكيد بتقلون لو معك فلوس اطلع ادرس ع حسابك ابد ماراح تكفي المصاريف ببريطانيا انتو ادرى الواحد مايرجع لين يصرف فوق الميه وخمسين الف ..

تحياتي
وتحياتي اكثر للي معه واسطه