بلييييييز لا تتركوني

مرحبا

من خلال معرفتي .. الآن إذا بغيتي تقدمين على البعثة لازم تصيرين جاهزة للبعثة بمعنى إنه لازم تجيبين قبول من الجامعة اللي تبينها وتطلعين الفيزا للبلد اللي تبينه

يعني الآن لازم تجهزين أوراقك عشان تراسلين الجامعات .. ثم تراسلين الجامعات وتجيبين القبول .. وطبعا القبول يبي له وقت من شهر إلى ثلاثة شهور .. على حسب مراسلتك وجهدك والجامعة اللي تراسلينها

ثم تطلعين فيزا للبلد ا للي تبين تروحين له


وبعد كذا إذا جا وقت التقديم على البعثات هنا تروحين بالقبول اللي معك وبالفيزا وتطلبين الالتحاق بالبعثة

ومهوب لازم تدرسين في معهد انجليزي ولا شي .. يعني ماهوب من الشروط .. بس الأفضل لك انك تطورين نفسك في الانجليزي عشان ما تاخذين وقت طويل هناك في دراسة اللغة ..

وبالنسبة للمكافأة سألت كثير من اللي هناك ويقولون إنها تكفي مره ...

هذا اللي اعرفه وبالتوفيق

يعطيك الف عافيه اخوي ثامر والله يرضى عليك

بس ماقلت لي عن الدوله المناسبه لو كنت بروح على حسابي

مع اني حاطه في بالي كندا او استراليا او نيوزلندا

وشاااااااكره لك تفاعلك

بالنسبة للأسعار ما عندي خبر

بس بريطانيا أكيد غالية فما أنصح بها

أمريكا يمدحونها من ناحية الراحة النفسية وتعامل الشعب الجيد ... وأما الأسعار في الدراسة فتقريبا يكلفك 20 ألف دولار للسنة أو أكثر شوي أو أقل .. يعني حول الموضوع

والسكن للشخص الواحد تقريبا 500 دولار

وعليك الحساب

والأفضل إنك ما تروحين على حسابك .. عن طريق الدولة أفضل

وبالتوفيق