LinkBack URL
About LinkBacks
مساء النور ..
الأولى : تآريخ التسجيل للإبتعاث .؟
تاريخ التسجيل في الصيف الجاي .. والصيف يبدأ من شهر 7 تقريبا .. بس أتوقع إنه نص شهر سبعة وطالع
الثانية : هل صحيح احتكر الابتعاث على تخصص وااحد فقط ( الطب ).. ؟
هذا اللي سمعناه في الخبر ... إنه طب فقط .. ولطلاب الماجستير والدكتوراه
الثالثة : أنآ طآلبة ثانوية مقررات ( النظام الأكاديمي ) هل حالتي خاصه ومعدل التسجيل عندي يختلف عن غيري ..؟
ما أدري وش هو النظام الأكاديمي .. فما عندي جواب
الرآبعة : إذا انقبلت إن شاء الله هل لي أن أحدد منطقة معينه بـحكم وجود المحرم المرافق مبتعث فيها ..؟
على حسب الجامعة .. يعني أنتي أهم شي تلقين جامعة تقبلك .. فلو إن الجامعة اللي عند محرمك تقبلك أرسلوك لها
لو ما لقيتي قبول فيها طبعا ما راح يرسلونك ..
يعني هم يبتعثونك على حسب الجامعة اللي تقبلك .. وانتي اللي تجيبين القبول وتقدمين عليه طبعا .. فأنتي خلي محرمك يجيب لك قبول من نفس الجامعة اللي هو فيها ويكون معتمد من وزارة التعليم العالي .. الجامعة تكون معتمدة والتخصص أيضا .. لأن مو كل التخصصات تكون معتمدة
الخآمسة : اذا سجلت بالابتعاث وسجلت بالجامعة داخل السعوديه بنفس الوقت هل يتكنسل ملفي من عند الابتعاث ..؟
لا .. من حقك تقدمين على كم جهة .. وما عندك مشكلة
أخر شي : أبغآ أعرف ملخص مختصر ( من أتخرج لـين أنقبل وأسآفر ) من التسجيل، للقبول، للجان المتخصصه، للفيزه ... إلخ
إذا تخرجتي تجهزين أوراق التقديم على الجامعات .. اللي هي شهادتك مترجمة وسيرة ذاتية والغرض من الدراسة وضمان مالي شخصي .. أو حكومي .. وكل هالأوراق ممكن تلقينها في موضوع هنا في المنتدى أو اكتبي في قوقل ويطلع لك ..
بعد ما تجهز أوراقك تقدمين على جامعة خارجية عن طريق مكتب تقديم .. أو عن طريقك شخصيا .. وتنتظرين القبول يجيك خلال شهر أو شهرين أو ثلاث .. بعد ما يجيك قبول تقدمين على الفيزا وتجهزين أوراق الفيزا اللي من ضمنها ورقة القبول وتسمى في جامعات أمريكا (آي توني) I20 وتنتظرين الموعد يبي لك شهر أو شهرين .. ثم بعد الموعد بأسبوعين تجهز لك الفيزا .. ثم بعد ذلك تكملين بقية أوراقك عشان تاخذين التذاكر ووو.. إلخ
وبالتوفيق .. وكل الكلام هذا ممكن تلقينه في أي موضوع من مواضيع المنتدى .. أو في قوقل
والسلام عليكم ..
May 14th, 2009, 01:03 AM
مساء الخير ..أنآ طآلبه ثآنوية عامة رآح أتخرج هالسنه إن شاء الله بس عندي كم سؤال ياليت تجاوبون عليها ..
أنا رآح أخلص الامتحانات ان شاء الله بـ تآريخ 6-7-1430 والقياس راح اختبر 15-7- 1430 عشان كذا أبغآ أعرف كم شغلة
الأولى : تآريخ التسجيل للإبتعاث .؟
الثانية : هل صحيح احتكر الابتعاث على تخصص وااحد فقط ( الطب ).. ؟
الثالثة : أنآ طآلبة ثانوية مقررات ( النظام الأكاديمي ) هل حالتي خاصه ومعدل التسجيل عندي يختلف عن غيري ..؟
الرآبعة : إذا انقبلت إن شاء الله هل لي أن أحدد منطقة معينه بـحكم وجود المحرم المرافق مبتعث فيها ..؟
الخآمسة : اذا سجلت بالابتعاث وسجلت بالجامعة داخل السعوديه بنفس الوقت هل يتكنسل ملفي من عند الابتعاث ..؟
أخر شي : أبغآ أعرف ملخص مختصر ( من أتخرج لـين أنقبل وأسآفر ) من التسجيل، للقبول، للجان المتخصصه، للفيزه ... إلخ ..
أتمنى أحد يجآوب على أسئلتي ورآح أكون شاكره له ..