إفرضوا إن التأجيل صحيح!! وشلون نسجل؟؟؟؟

تحية كئيبة

طيب

خذ نفس

اللي ما عنده ضمان مالي اعتقد ان مصيبته اقل من اللي عنده ضمان مالي وقبول من جامعة

ولكن ينقصه بس (خطاب السفارة) أو عنده فيزا وينقصه بس قرار الابتعاث

ويش الحل له

لا تاخذ نفس

اي والله اخووي فاااست...يعني انا مثلا بقى بس قرار الابتعااث..وآخرتها بيخلوني أجدد الآيتوني والفيزاا
حسبي الله ونعم الوكيل

اختي نبض المشاعر انا زيي زيك مع اختلاف بسيط
ان عندي ضمان مالي قديم ما ادري اول ما فتحوا الابتعاث موجود ما شفت التاريخ اعتقد يمكن قبلك حتى!
بس ما عندي قبول ولا اي توني ولا الخرابيط هاذي كلها
انتي الله يعطيك العافيه قلتي انك بتعطين اوراقك لمكتب سفريات عشان يجيلك القبول انتي تقصدين مكتب اسمه سفريات ولا يعني اي مكتب سفر وسياحة انا معليش يمكن ردي ماله علاقة بالموضوع بس حبيت اعرف المكتب اذا سعره معقول لان في احد الاخوه كتب ان في مكتب يجيب قبول خلال 10 ايام ب 2100 واذا ما جاب القبول خلال 4الى 10 ايام يرجع الفلوس كامله بس احس ان السعر غالي شوي اذا المكتب اللي تتكلمين عنه سعره ارخص ويجيب قبول مضمون ياليت تفيدينا باسم المكتب والسعر عموما انا ماني مستعجل وبالنسبة لتاجيل الابتعاث جاء في صالحي لان انا موعدي في السفارة يوم 9 اغسطس يعني نفس اليوم اللي تفتح فيه البعثات اللهم لك الحمد يعني ماني مستعجل على القبول وهذا المكتب راح يكون اخر الحلول امامي لان قدامي اكثر من 3 شهور يعني يمديني اشوف شي ارخص عموما الله يعطيك العافية ما ودي اطول عليك اتمنى منك الافاده في هالموضوع عشان ما نستغل من المكاتب اللي تجيب قبول وتطلب مننا اسعار مبالغ فيها وانا اقول الله يعوض عليكم يا اخوان اللي خالصه اموركم اصبروا الصبر زين وكل تاخيره فيها خيره الله اعلم يمكن تاخيرتكم فيها خير لكم وفي العجلة الندامة انشاءالله تتسهل اموركم يمكن لو رحتوا الحين ما يصرفون رواتبكم لاني سمعت شي زي كذا فلا تزعلون ولا شي وما تدرون وش الخيرة فيه عموما الله يعطيكم العافية وانا اسف اذا ردي ما كان في صميم الموضوع ولكن انا ما زلت ابحث عن قبول تعقدت وصارت المكاتب استغلالية وماندري عن صدقهم من كذبهم ما اقول الا حسبنا الله ونعم الوكيل عموما اللي جاه قبول ياليت يفيدنا باسهل الطرق وانشاءالله الله يسهل اموره ويفرج كربته زي ما فرج كربتنا عموما ما ودي اطيل بس انا معي دبلوم 3 سنوات ومعي ضمان مالي واخذت موعد في 9 اغسطس باقيلي القبول نصحوني ناس اني اقدم بشهادة الثانوي قالوا اسهل للقبول لان اول سنه لغة بعدين اذا رحت هناك اقولهم ان معي دبلوم ويعادلونلي اياه او اني اقدم بالدبلوم عموما نسبتي للاسف 71 في الثانوي علمي والدبلوم تقديري مقبول يعني سواد وجه فقلت الافضل اني اقدم على الثانوي ولا وش رايكم مع ان الدبلوم 3 سنوات يعني حرام تضيع لا وعندي دوره 7 شهور بعد الله يعطيكم العافية وياجركم في مصيبتكم وانشاءالله تنحل بس هونوها وتهون وان الله مع الصابرين والصبر مفتاح الفرج الله يفرجها عليكم الف شكر لكم

:gr_907: شباب كيف حالكم ياليت تردون على مشكلتي وتقولون لي وش الدبرة
أنا قدمت وجاني رد بالرفض بس قالو لي جب قبول وننزل لك ضمان مالي طبعا انا اخت كشف حساب باسمي وراسلت الجامعات طبعا عن طريق اولاد عمي بامريكا فجابولي قبول
وعندي موعد في السفارة في 31\جولاي طبعا انا كنت حالي حالكم استنى الوقع يفتح على نار
بس للأسف جاني الخبر وصدمني والله بس وش اقول
حسبي الله ونعم الوكيل فيهم
طبعا انا قبولي في 29 اغسطس تقريبا
واسف على الاطاله يا شباب
على العموم انشاء تكون عندكم الخبرة في هذي الامور وتفيدوني جزاكم الله خير
والله يفتحها عليكم انشاء الله.

اخوي دكتور كيف واحد موكا فرابي وصلحوا :gr_876:

لا تزعل اخوي حبيت امزح معك بس شفتك متضايق الله يفتحها في وجهك يا شيخ ترا الدنيا ما تسوا اما بالنسبة لموضوعك للاسف ما عندي معلومات كافية بس اعتقد ان موعد دراستك 29 اغسطس يعني بعد ما يفتحون البعثات حلو رح للسفارة وخلص امورك واول ما يفتحونها راح يكون يوم 9 اغسطس رحلهم هناك يسونلك قرار ابتعاث وتوصل بالسلامه انشاءالله اهم شي لا يضيق صدرك ولا شي وهونها وتهون انت وكل الاخوان اللي تاخرت بعثتهم وبعدين ما تدري وش الخيره فيه منها فرصه بعد تقعد مع اهلك كم شهر يمكن الوالده او الوالد يبونك تقعد معهم شوي ما يبونك تروح الحين يمكن وحده من امهات احد المبتعثين او المبتعثات دعت ان الله ياجل البعثات لان ما ودها ان عيالها يفارقونها هالفترة فالله استجابلها ولا يمنع الحذر من القدر الحمدلله اهم شي العافيه و الله يكتب اللي فيه الخير
اهم شي هونها وتهون والله انشاءالله بيفرجها اهم شي لا تنسى الموكا فرابي

لا حول ولا قوة الا باللة العظيم

خبر نزل علينا مثل الصاعقة وتحطيم مالة حدود ولكن ربنا معانا

طيب عندي سؤال الا وهو اللي لو واحد حصلت لة واسطة تكون جاكدة

هل من الممكن انة يقدر يطلع لة ضمان مالي وخطاب سفارة وقرار ابتعاث في هالفترة

ولا خلاص ماكو فايدة لاني انا تقريبا اموري خالصة وجبت قبول من الجامعة والمعهد

طبعا طلعت ضمان مالي على حسابي علشان اخلص اموري على السريع

وابي الحين اقلب الضمان على حساب الوزارة والفيزا انشا اللة راح تطلع هالشهر

فما ادري اذا في مجال لو حصلت واسطة هل اقدر اخلص اموري باللة عليكم يالربع جاوبوني

فأنا اعيش بكابوس اسمة (البعثات)

انتظر الجواب الشافي والاكيد يا جماعة ولكم مني جزيل الشكر

كلكــــــــــــــــــــــــم على قلبي

ياحبي لكم أحس أن الفائده من ذا التأجيل (حسبي الله ونعم الوكيل ) إنه حببني فيكم اكثر وأكثر وحسيت إني في عائلة وحده نتناقش الأمور ونحلها سوا


مقدر ظروفكم والله اللي مثل ظروفي والله إني متحطم لأبعد درجه .ولكن الشكوى على الله.


ياشباب لازم نساعد بعضنا ونصير يد وحده اللي عنده حل لازم يطرحه واللي عنده مشكله برضو يطرحها على شان نشوف له حل

أرجوكم ياشباب لاتنسون يد وحده