بقــــدم علــــى جامعــة باميركـا لدراسـة الماسـتر .. ماهي الاوراق لمطلوبه للتقديم؟

مرحبا اخوي ... طبعا انا مااعرف شي عن تخصصك ولا عن الجامعه ومتطلباتها ... لان كل جامعه لها متطلبات خاصه ..

طبعا من قراءتي ...

1ـ وثيقه تخرجك

2ـ السجل الاكاديمي

3ـ خطاب الغرض من الدراسة

4ـ 3 توصيات

5ـ طبعا توفل

مدري فيه متطلبات تانيه بحكم ان تخصصك طبي او لا ... بس انت راسل الجامعات وشوف اش تبغى ...

حبيت افيدك ببعض ماقرات ..

بيض الله وجهك اختي شفايف وماقصرتي والله ...


طيب هل يطلب مثلا c.v ؟؟؟


ووش القصود من personal statements هل هي الـ c.v ولا خطاب الهدف من الدراسة؟؟؟


خطاب الهدف من الدراسة كيف طريقة كتابته ؟؟؟


ولكم شكري

البيرسونال ستيتمنت هو نفسه السي في ،،

والهدف من الداسه هو statement OF purpose*: عباره عن شرح لاسباب اختيارك لهذا التخصص بالذات على الصعيد الفكري والتعليمي والوظيفي ،، يعني بالعربي تشرحلهم عن اهدافك المستقبليه الي بنيت على اساسها رغبتك بالالتحاق بهذا التخصص بالذات .. وبهالجامعه بالذات ..

وبرضو من الاشياء الي اتوقع بتحتاجها ال GRE غالبا يكون مطلوب لطلبه الماجستير ،،، وان لم يكن مطلوب فهو سبب في ترشيح طلبك وتقديمك على طلبه اخرين لايملكونه

بالتوفيق

يعطيك الف عافية اختي ساره على التوضح والله يجعلها بموازين حسناتك


هل الـ c.v مطلوب من ضمن الاوراق ؟؟؟


وخطاب الهدف من الدراسة! ياجماعة اسمه يخوف ,,, ابي احد يفيدني فكتابته ... يعني هل فيه مكاتب تكتبلي هالخطاب ؟؟؟


شاكر ومقدر

اخوي جنتل مان
خطاب الغرض من الدراسة بتلقاه الف مليون شكل وصيغة
بس انت ابحث في قوقل وبتلقى صيغ كثيرة
وطبعا لازم تغير في بعض البيانات على حسب بياناتك الشخصية

او اذا انت بتقدم من مكتب ترا فيه بعض المكاتب هي اللي توفرها لك

موفــق

انا في كل مرات تقديمي ع الجامعات طلب مني السي في ،،
وبعدين لنكون واقعيين اي شخص بالعالم لازم يكون عنده سي في ،، ويحدثه مع مرور الوقت

الستيتمن اوف بربس ،،مره موضوعه سهل وهين ،، وبتلقا له نماذج كثيره بالنت زي ماقال اخي الفاضل قبلي

يعني بتقول فيه انا فلان خريج المكان الفلاني ،، ودرست التخصص الفلاني عشان طموحاتي كيت وكيت ولاتمام هذا الطموح قررت الالتحاق بالتخصص الفلاني (الي هو التخصص الي بتقدم عليه) لانه راح يفيدني بكيت وكيت ،، خصوصا وان طموحاتي الوظيفيه هي كيت وكيت ( مثلا تاسيس عمل خاص ،، او تحقيق كشوفات طبيه في مجال كذا ) وممكن تذكر حتاخ مرضيه بالعائله حفزتك على الدراسه بهالتخصص ،،، يعني كن مبدع وحسسهم انك شخص جاد ،، وشخص غير ،، وفي الختام لابد ان تمدح جامعتهم بسطر وتعلمهم بسبب اختيارك لهالجامعه وهالقسم (يعني ادهن سيرهم) ،،

الموضوع موب صعب بس يبيلك قعده بسيطه و تزبطه ،،


بالتوفيق

اختي per T

اختي ساره


الف شكر عالتوضيح ... وببحث عن هالموضوع النت


مشكورين