ألف مبرووك للمقبولين أرجو مساعدتي (مرافق لزوجتي وأعمل مدرس)

الظاهر اخوي انك تقدم اجازه استثنائي ..طبعا الاستثنائي بدون راتب

وتقدر تدرس اللي تبي وتلتحق بالبعثه من هناك بعد الوصول

إخوي أولاً مبروك على القبول
ثانياً شلون تقدم وأنت ماتدري وش تبي بالضبط

الخطوات للمرافقين هي كالتالي :
أول شي تجيب من التعليم العالي ( خطاب مرافقة ) يثبت إنك مرافق لزوجتك في بلد الابتعاث لأن هذا الخطاب هو الي رايح تقدم له على إدارة التعليم التابع لها أو الوزارة ..
وطبعاً من حقوقك ونظام الخدمة المدنية إنهم يمنحونك إجازة استثنائي بدون راتب بالمدة الي تبيها حتى لو عشر سنوات وعيب هالميزة إنها ماتحسب لك سنوات الخدمة
الخطاب ضروري لجلب الإجازة لأن التعليم صعب يعطون معلمينهم إجازات .. والتفرغ عاد مستحيل إلا ان كان معك واسطة تشق الوجه

الخطوة الثانية إنك تشوف زوجتك وين جاء قبولها في أي جامعة على شان أنت بنفسك تتحصل على قبول لك بطريقتك في نفس الجامعة أو على أقل تقدير جامعة في نفس مدينة زوجتك
ولازم تجيب القبول من الحين لأنك لو انتظرت لين تروح بتكون فيزتك فيزة زيارة وليست دراسة وبالتالي لن يتم قبولك وراح تدخل في إشكالية كبيرة
وبعد ماتجيب القبول بنفسك وتقدم على فيزة دراسة برضه بنفسك وتروحون هناك وتباشر دراستك تروح للملحقية على أساس إنهم يلحقونك في البعثات ويعطونك الي صرفته في الجامعة لأن النظام الوزاري مايتحصل للمرافقين على قبولات يعني هم الي لازم يجيبونه

بالتوفيق يابطل

ماجستير قادم يعطيك العافيه ياغالي ..

تفاكير .. بيني وبينك قدمت وماعندي أمل بالقبول ,, يعني إن جت ولا مافي مشكله ..
أشكرك ياغالي على كل كلمه كتبتها تراك وضحت لي أشياء كثيره كان نفسي أعرفها ..
الله يكتب لنا اللي فيه الخير إن شاء الله ..

السلام عليكم
ألف مبروك القبول
أخوي أنا موضوعي نفس موضوك ونفس التخصص والموهل وياليت نتواصل مع بعض حتى نستفيد من بعض .

دمتم بود

ترى المرافق موضوعه سهللما تبدأ اجراءات زوجتك بعد الملتقى إن شاء الله راح يعطوك الوزراة خطاب لعملك يثبت انك مرافق وهم ان شاء الله راح يعطونك اجازة - ولا تحتاج واسطة ولاشئ بس انت تابع موضوعك
جيب لك قبول لغة واذا تبغى جامعه لكن المهم لغة وراح السفارة اصلا تعطيك فيزا مرافق مو فيزة طالب بس في بلد الابتعاث راح تكون زيك زي زوجتك اللهم في المسمى ومبلغ المكافأة والا الباقي ما فيه اي مشكلة وتقدر تدرس ...--- من تجربة ----

لا تستعجل بالاجازة و تاكد من موضوع الدورة وبعدها خذ اجازة ونصيحة لا تفوت علاوة السنة وبعدها توكل على الله وان مثلك مدرس

طيب انا زوجي مرافق معاي وموظف حكومي رسمي وحاب يكمل البكالوريوس كيف الطريقه وهل يستطيع اكمال البكالوريوس والا بس الماستر هم اللي يكملون ياليت تفيدوني ؟؟؟؟؟؟؟؟؟

لاتستعجل على الاجازة لسى باقي وقت كثير

دورة مادري كم شهر واجراءات السفاره

اصبر لحد ماتاخذ خطاب المرافقه

وبالتوفيق للجميع

طيب اذا المرافق يشتغل موظف بالتعليم بس على نظام بند الأجور
يعطونه اجازه بدون راتب والا لازم يفصل !!
اللي عنده خبر لايبخل علي الله يوفقكم