الدورة الالزاميه آوآآآه - احمر بالخط العريض-

أخي أنا معك في كل ماقلته.......وخاصة لو كان المرافق موظف في غير منطقة الدورة.........!!!

ـأخي الكريم

الدورهـ تكمن فـآئدتهـآ في تهيئة الطالب نفسيــآ ـأكثر من كونهـآ تعليميه .. وهذا لايمنع كونها تفيدنـآ ولو بالقليل الذي يساعدنـآ ـأول غربتنـآ

ـأيضـــآ : إذا كــآنت لدى البعض خلفيه عن اللغه والحاسب وغيرهـ فـ البعض الـآخر ليست لديهـ ...~~~

....

والله ولي التوفيق

أوووكي مفيده ما أختلفنا لكن تكون مدروسه بشكل أفضل . .
وبشكل ميسر لكل المبتعثين . . موب مبتعثين المناطق المحدده والباقين في داهيه
أو تكون اختياريه من اراد حضورها خير على خير ومن لم يستطيع لآ تحرمه من فرصه الأبتعاث
حرام بعد المشوار الطويل اللي قطعناه تجي هالدوره تضيع الدوره والابتعاث حرام والله

ياجماعة ليش مكبرينها وهي صغيره

إيش المشكلة لو درسنا شهرين ، يعني بالله مو أفضل لنا إننا ندرس شهرين وناخذ فيها مكافئة نجهز بيها نفسنا قبل السفر أفضل
أم السهر و العطالة إلي جات من الفراغ إلي عايشينه ؟؟؟

لكن بالنسبة لمسألة البنات بصراحة هم إلي فعلا عندهم معاناة ، المفروض يتم مراعاتها من إدارة برنامج الإبتعاث ووضع تنازلات لهم
وإن شاء الله مايصير إلا كل خير للجميع

الي ايده بالنار مو مثل الي ايده بالمويه

السلام عليكم


خلينا نتكلم بصراحه

ومن دون زعل ولا تنسى ان اختلاف الارآء لا يفسد للود قضيه

يعني ما اعرف انتم ليش بتلوموا الوزاره على الدوره ؟؟؟

اذا بتلومها عشان فقط جعلت المراكز في المدن الرئيسيه الرياض جده المدينه المنوره الدمام القصيم


يعني تقريبا شامله جميع المناطق

يعني بالله عليك اسالك سوال ... !!

تبيهم يسووو دوره لكل مدينه او قريه ؟؟؟

احسها صعبه شويه ....

يعني مافي احد غير ويلقى مكان قريب منه

فما اعتقد ان فيه اي مشكله في اماكن الدورات

ولو في احد يقوولي انا متزوجه او اني بنت وفي مكه واقرب مكان لي في جده ما عندي سياره او اي عذر..

انا اقولك انا من مكه والمشوار نص ساعه

وعندكم فترتين ... يعني اليش بيشتغل في الصباح يحضر في العصر والعكس صحيح

مافي اي اعذار

والفكره انك الواحد لازم يا جماعه يتعب شوي

ماراح يجون لبيته ويعطوونه الدوره !!


ثاني حاجه

الي يقول الدوره مالها داعي...

ياصاحبي هم ما راح يعلمونك اللغه كامله بس الفكره انهم يآهلوك وجزاهم الله خير ولا هم مو ملزمين بك

اذا انت ما تعرف تتكلم انجليزي ليش مقدم على البعثه ؟؟؟

راح تقولي التعليم وما التعليم

انا متعلم مثلي مثلك ووالله في مدرسه حكوميه لكن الحمدلله قدرت اطور من نفسي

يعني لا تلوم الوزاره لوم نفسك

وبالرغم من ذا قالوا مافي مشكله نعمل دورات عشان نهيئهم للخارج

يعني في ناس كثيييير ما يعرفوا ولا كلمه انجليزي

كيف راح يتصرفوا في المطار ؟؟

في تعبئه النماذج ؟؟


ومن خوف الوزاره عليك راح تعلمك اساسيات تقدر تخارج بيها نفسك في المطار وفي بداية مشوارك التعليمي في الخارج ...


فلا تقول والله مالها داعي وانا عندي دوام وعندي ارتباطات....

ياخي مدامك مرتبط خلاص ليش مقدم على البعثه ؟؟

معليش لو كان كلامي قاسي شوي لكن والله مو عذر اقسم بالله

ما بقي وقت خلاص انتا اترشحت وطلعتك باذن الله اكيده يعني خلاص لا ترتبط

ولا كيف يعني ... تجلس لاخر يوم قبل السفر وبعدين تفضى ؟؟؟


مافي عذر لاي واحد

كثر الله خير الوزاره والحكومه وعلى راسهم ابو متعب ،، فين الواحد يلقى احد يطلعه برره يدرس على حساب الحكومه !!!

لا وبعد يخافون علينا من اننا نضيع اوما نعرف نتدارك امورنا عند الوصول في الخارج وقالوا دورات عشان ما نبي احد يتعب في الخارج

وحنا نلومهم ....


ولعى فكره في اختبار تحديد المستوى يعني لو مستواك ممتاز في اللغه والانجليزي صدقني انا متاكد انهم راح يستثنوك من الدوره..

اما فكر في الناس المساكين الي ما يعرفوا ولا كلمه هذول الي هم في امس الحاجه للدوره

وسلامتكم


ولا تنسى العتب من المحبه

السلام عليكم


ترف اعتبري الدوره من الشروط الاساسيه

يعني لاتنسي وقت تدقيق الاوراق كان عندنا علم بانه في دوره الزاميه وانتي بتقدمي الاوراق

لا تقولي لا ما اعرف او ان الخبر جا قريب

راجعي المواضيع في المنتدى وشوفي التواريخ وراح تصدقيني


يعني الدوره من الشرووووووووووط الاساسيه يعني انتي من يوم ما قدمتي في الدوره لازم تتقبلي كل الشروووط

وبعدين الدوره لك انتي يعني عشان بعدين لما تروحين هناك تعرفي بقيمتها وخاصه اول ما توصلي المطار

واذا كان عذرك انك في منطقه مافيها مقر للدوره

اسالك بالله اقرب منطقه فيها الدوره تبعد عنك كم ؟؟؟

حابب اضيف حاجه

انا فقط اعذر اهل المناطق الشماليه..... فقط اهل الشمال لانهم معاهم حق

اما الباقين الي يبعد المقر المحدد عنه ولو ساعه معليش يتحمل...

والله الموفق

اعتبروها اختبار قدرة تحمل للبعثه

اذا الواحد مو قادر على شهرين كيف بيقدر سنين

اذا مايقدر يغرب بديرة ثانيه بنفس دولته كيف بيروح لدوله اجنبيه وشعب اجنبي

والموظفين مع احترامي لكم اوريدي بتخلون الوظيفه بعد كم شهر ليش التعقيد هذا كله