لو كنت ماكني شو تختار

آخوي الله يوفقك ..~

بريطآنيآ و آسترآليآ ..آظن الالتحاق فيهآ وقف ولو فيه بيكون صعب ..~

وبريطآنيآ آفضل من آكثر النوآحي ..

لكن تآكد قبل لآتروح .. موفق

الالحاق ماتوقع وقف بس لازم يعدي الشروط حقت الالحاق هذا الي عرفته من مبتعث في بريطانيا

بالنسبه للجامعات مابعرف انا صراحه فيهم


لكن شوف كل وحده منطقتها كيف الولايه الي هي فيها اسعارها ومعيشتها والجو

وبالنسبه للتخصصات اتوقع الاول اقرب لتخصصك بيكون اسهل لك اما النانو فهو فيزيا عميقه حسب علمي

واثنينهم لهم مستقبل بس اتوقع الاول مجال وظيفته بيكون اسرع ومفتوح بكل محل

النانو له مستقبل بس مو بكل محل يعني بمعامل البحوث بجامعه الملك يبغوه وكذا فمو شرط تحصل وظيفه قريبه منك

بس ممكن تحصل وظيفه مايعلى عليها فيه وبمميزات حلوه بس تكون بعيده لان تخصص له اماكنه

بس الاول لا اتوقع يحتاجوه كل المستشفيات وبالقطاع العام والخاص


وان شاء الله الي عنده خبره اكثر مني يفيدك

برطانيا لغتهم احسها اصعب والمعيشه غالي هناك اعرف ناااااس هناك مو مكفيهم مكافئة البعثه فا ما ادري الشور شورتك اخوووي
الله يوووووفقك

اول شي انت تخصصك من بياناتك ماستر مايكروبيولوجي وانا سالت دكتوراتي قبل مااقدم ع البعثة عن افضل تخصص ودولة لخريجين الاحياء ..

الكل اجمع على انه بريطانيا الافضل لتخصصات الاحياء بشكل عام وادخل على اعضاء هيئة التدريس عندكم اغلبهم متخرجين من بريطانيا .. انا دخلت بجامعة ام القرى لقيت 7 متخرجين من نوتنجهام وشي من الامبريال كوليج وليدز وويلز وشيفلد وبرمنجهام ..

غير كدا تخصصات الجينات هيا اللي مطلوبة دحين وكمان اقرب لينا كخريجين بيولوجي .. انا اخذت كورس تقنية حيوية بالجامعة ومررررة استمتعت بدراسته وحسيته مطلوب اكتر وخصوصا لو لقيت تخصص جينات مش صناعي انما بالانسان زي العلاج الجيني .. دا على كلام رئيسة قسمي تخصص مرررة حلو ومطلوب ..

اما اذا عجبك تخصص النانو تكنولوجي فاعتقد في بايو نانو تكنولوجي دا يجمع بين النانو وتخصص الجينات ..

قبل ماتقرر خد فكرة عن التخصصين واستشير دكاترتك بالجامعة اكيد راح يفيدوك ..

بس من جد تبغى نصيحتي اختار تخصص الجينات وانت مغمض عيونك ..

بالتوفيق يارب

يعطيك العافيه مشكور للنصيحه والشور
مسئله الالتحاق مسئله مكمله بالنسبه لي اذا جت فخير وبركه والا باذن الله ماراح تكون عائق
المهم لدي قوة التخصصات ووضع الدراسه ياليت تعطيني شورك فيها

بالنسله للجامعتين في منطقه هاديه تعتبر ومن ارخص مناطق الدوله مدينة كل منها
طبعا مع الفارق في المعيشه بين بريطانيا واستراليا ,,
اللي يزيدني حيره
ان التخصص الاول صحيح طبي لكن جديد ماله خريجين الى الان حتى من الجامعه واول دفعه تدرس الان فيه
بالنسبه للتخصاصات النانو مخوفني كثير, صحيح تخصص حلو وتخصص العصر لكن مادري عن مستقبله ووضعه عندنا بالسعودية يعني ماتوقع مجالاته كثيره عندنا,

هلا بك دحمي ,
صحيح بريطانيا غاليه بس استراليا فترتها اطول
ماتتوقع فرق بين ثلاث سنين
وسنه و9 شهور ..


يارب فرجك احترت بجد

احتي صدقيني انا تعبت من التفكير والحيره ولاتتوقعين هالمسئله مافكرت فيها
بس لقيت ان خريجينا الدكاتره كانو قبل ثلاثين واربعين سنه متخريجين قبل ماستراليا تطلع بقوه وتعرف مكانتها
حتى شوفيموقع الملحقيه الاستراليه , قسم اسماء الطلاب اللي المبتعثين وتخصصاتهم
تقريبا ثلثين يدرسون التخصصات طبيه والعلميه وفروعها في جامعات استراليا
مثل البايلوجكل ساينس والبايومدكل والنانو تكنولوجي , والنيرسنق والمختبرات والخ ,


اقولها لك باختصار لو دراسة تخصصي في الماجستير في بريطانيا سنتين او على الاقل سنه ونص اخترتها بلا تردد
بس بصراحه سنه احس ماستفدت بشكل كبير مره ,
واتوقع بتكون نظرة جهات العمل نفس الشي وهذا اللي يخوف ..

الله يختار لك اللي فيه الخير ..

الله يفرج همك يارب وينولك مرادك .. ويدلك للي فيه الخير