طلاب الماستر في البيزنس..والحل مع ال GMAT؟!!

مشكور اخوي على الرد.....صحيح في جامعات ما تطلب....بس نسبتها قليله مررررره.....يعني انا حتى الحين قعدت ادخل مواقع كثيره لجامعات جيده....ولا واحد ما طلب الجيمات...... اتوقع الجامعات اللي ما تطلب معدوده...واتوقع تكون في مناطق سيئه جدا...وما تطلب الجيمات علشان تحاول تجذب الطلاب.

أخي الكريم

أخاف تعتبرها لقافة لكن كيف ما تحتاج تدرس انغلش سنة كاملة ؟؟؟!!لأن عندك واحد من طريقين
يا أنك تخلص مستوى معين في المعهد ويخلونك تدخل الجامعة بدون ما يشترطون عليك التوفل أو الآيلتس
أو أنك تجيب توفل ولا آيلتس بالمعدل المطلوب
الميزة في الطريقة الثانية ان عندك الحرية في الجامعة اللي تبغاها

بينما في الأولى شهادة المعهد يمكن ما تمشي إلا عند جامعتك

!بالتوفيق على أي حال

في جامعة كليفيلاند في اوهايو ما تطلب جيمات بشرط المعدل c الظاهر

وفي غيرها على ما أذكرها جامعتين تسقط الجيمات بشرط المعدل

هذا بالنسبة للماستر في المحاسبة . هل هذي الميزة موجودة مع باقي تخصصات البزنس؟ ....لا أعلم

ممكن الجامعة تعطي مشروط في تخصص لكن ما تعطي في تخصص آخر

بالنسبة للقبول المشروط مرت علي 4 جامعات تعطي مشروط في ماستر المحاسبة



اللي يعطون مشروط:
جامعة أكرون فياوهايو
انديانا ساوث بند في انديانا
بال ستيت في انديانا
جامعة وسط تينسي

تحياتي

جا في بالي شي مهم بالنسبة للجيمات

خصوصا مثل ما تفضلت الجامعات اللي ما تطلب جيمات قليلة وومكن سيئة لكن ما أظن بالسبة لكليفلاند انها سيئة

تقدر تبحث عنها عموما

ممكن الواحد يشتري له كتاب يشرح الجيمات متوفر في جرير والعبيكان ويعكف عليه شغل

صحيح انه طويييل ما يقارب 650صفحة بالنسبة لكتاب إصدار بترسون

لكن هناك بالضبط ما راح يلقى وقت حق الجيمات

على فكرة في جامعة اسمها كنساو في جورجيا تعطي دورات مجانية في الجيمات اذا قدمت على الجامعة والظاهر قبل حتى ما تنقبل

عاد شلون ترتب وضعك مع جامعة كذا ما عندي فكرة

الجامعة هذي معترف فيها على موقع الوزارة لكن ما بعد أتأكد من الملحقية

هلا اخوي حكيم...بالعكس لا لقافه ولا شي....المنتدى سووه علشان النقاش.والواحد يستفيد من تجارب الثاني.

انا نسيت اذكر نقطه...ان انا التوفل عندي جاهز...وعلامه جيده..(87)....بس مع ذلك التوفل لحاله ما يأهلك انك تدخل جامعه..واعتقد البعثه لحالها دخلتي المعهد....فأنا اقوي لغتي الانجليزيه...على ما اقدر احصل جيمات.وبعدها انقبل في الجامعه..هذي كانت خطتي.

بس الصراحه الحين افكر اني جد اشوف لي جامعه بدون جيمات...لان صعبه اقعد سنه كامله..وانا احاول اجيب جيمات..واخرتها ممكن اتاخر ومن هالشي.

ومشكور مره على اسامي الجامعات والمعلومات اللي ذكرتها.....

الخوف من ال deadlines... تلاقي جامعه ماخذه راحتها..وبعض الجامعات يا ساتر...علشان تنقبل حق بعد 7 شهور..لازم تسلم اوراقك الحين!! شي غريب الصراحه.

تمام

درجتك زينة كثر من الجامعات مريت عليها تطلب 79-80 وإن كان هذا هو الحد الأدني

يعني ممكن يقول لك القبول خاضع للمنافسة ويقبلون أفضل الطلاب

طيب

عندك مراكز الجيمات في الدمام والرياض 905 ممكن يساعد عشان نعرف أرقام تلفوناتهم

أشوف ان الواحد يقدر يستغل وقته ويدرس الجيمات ويختبر يروح هناك جاهز

بالتوفيق بو يعقوب

اخوي يوسف
انت ممكن تاخد دورات في الجيمات وطبعا يكون على حساب الملحقية مادام ماشالله جايب درجه حلوة في التوفل ف ان شالله حيكون عندك وقت كافي انك توفق بين معهد اللغة وكورس الجيمات ..بس عندي سؤال الجامعات تطلب سكور معين في الجيمات ولا انك اخدت الجيمات وخلاص مهما كانت الدرجه؟؟؟
عموما انت سوي اللي تقدر عليه والباقي على ربنا وان شالله سهاله....وبالتوفيق يارب للجميع
تحياتي...lalabanj

أختي هذا بالضبط السؤال اللي سألته مسؤول الملحقية في النواحي المالية

عن إمكانية أخذ دورات جيمات بعد الانتهاء من اللغة قال ما في كمتفرغ
يعني اللي يقدر عليها ياخذ دورات وهو في المعهد الله يقويه ويتوكل على الله

انا سمعت انه اقدر اخذ جيمات هناك....بس لاحظ الكورس يمكن يبي له شهر...واختبر..وعلى ما تطلع النتيجه يبي لها شهرين السالفه كلها.

والديدلاينز اغلبها تخلص بعد اسبوع او اسبوعين...حاله صعبه..ممكن يأخرني سمستر كامل..غير السمستر هذا.

على العموم اللي لاحظته من الجامعات..ان اغلبهم تطلب درجة معينه. زي 450..وكذا..في جامعات ما تبي نتيجه معينه..على الافضليه.

مشكور اخوي على الرد

سوري على الانتررابشن

بس التوفل هين وامره بسيط يعني للناس الي درسو الباتشر بالانجلش .. من اول مره في امتحان التوفل يجيب درجه عاليه
او في اسوء الظروف المره الثانيه يعني في ظرف اسبوعين او ثلاث ..

المشكله في الجيمات وال GRE

الي مادري وش سالفتها وانا مريت على موضوع في المنتدى عن الجامعات الي تعطي قبول ماستر من دون الامتحانات هذي وانصح الشباب يمرون عليه .. بالنسبه لي ما استفدت شي

انا مراسل جامعه بخصوص قبول مشروط بالتوفل والجيمات والقبول ان برسسنق وانا قاعد انتظر وان شاء الله خير

المشكله في الوقت .. والددلاين زي ما قالو الاخوان .. تخلص الامتحانات المطلوبه وتنقع لك 4 شهور

الله ييسر اموركم جميعا ً

وتقبلو مرووري

,,,,