موضوع في غاية الأهمية

كلامك صحيح اخوي وانا اتفق معاك بكل نقطه

بس ابيك تعرف حاجه وخده ان كل شي مكتوب للبني ادم سواء كان ذكي او غبي رزقه ماراح ياخذه غيره

بالتوفيق

واللـــــــــــــــــــــــــــــه انك صادق كان اللي نسبته اقل من المطلوب معاق ذهنيا
.. ع الاقل المفروض يمون حاجه استثنائيه للمتزوجات ولا الي عندهم ظروف يدرسو حالتهم وبعدين يقرروا
مادرو ان كل انسان فيه ذكاء بس يختلف عن بعض فالنوع بعضعهم حركي بعضهم ذهني والبعض لغوي
بس الله يدي كل واحد قد نيته

هل يستوي الذين يعملون والذين لايعملون
أنا تعبت في مرحلة جامعية لين ما أخذة معدل المطلوب سهرت اليالي والله ما أرضى أي شخص ما تعب يحصل على شي بالراحة
هذا الحياة كفاح في كفاح

صحيح كلامك ، بس هذا مو معناتها أن الطالب ينحرم..بسبب أن درجته في إختبار القدرات منخفضة أو أي إختبار آخر ؛ لأن إعتقادهم أن إختبار القدرات أو التحصيلي هو اللي يقيم مستوى ذكاء الطالب ، كثير من الطلاب مايعرف ولا شيء في الإختبار ولكن في النهاية يحصل على درجة مرغوبه لدى الجامعات ، طيب واللي جايب نسبة منخفضة ورب العالمين كتبله ان درجته تصير منخفضه ، والطالب أصلا ً هو ذكي ويعرف أمور كثيرة قد لايعرفها أغلب الطلاب ، يعني هذا يدل على أن الطالب غبي مايفهم ، والأخ الثاني اللي درجته عاليه داخل الجامعه بما يسمى بمفهومنا (إستهبال) وهو أصلا ً مو ناوي يدرس ، يعني جاب الدرجة بالحــــــظ .
وأنا قلت أن الطالب المثالي والذكي هو اللي يتحلى بأخلاق ومكارم " إنما الأمم الأخلاق "
يعني لا معدل ولا غيره ينزل من أخلاق الشخص ..

الشخص اللي معدله منخفض ، ولكن يرغب الدراسة الحقيقية بالخارج أو بمعنى أصح ينوي الدراسة الفعليه وتجديد أو تصحيح مافاته في السابق ، من المفترض أن يُقبل في البعثة ؛ لأن الدراسة الحقيقية تجدها في بلاد الغرب ، يعني هم عندهم متاحف أثرية وعلمية والدورات اللي تُعقد سنويا ً واللي تحصل منها الفائدة بشكل واقعي ، يعني أشياء علمية لا تعد ولاتحصى ، يعني كل يوم تتعلم شيء جديد ، كل يوم تنمي مهاراتك العقلية ، كل يوم تكتشف شيء جديد . أما السعودية فلا تجد مثل هذي الأشياء ؛ أولا ً البلد غير متطور من جميع النواحي العلمية . البلد أساسا ً مافي من الأشياء اللي عددتها في بلاد الغرب ، يعني العقل فاضي تماما ً ؛ وعشان كذا الطالب ما يبي يفتح كتاب أو يقرا كم كلمة تفيده وتنمي مهاراته . يعني كل يوم نفس النظام مافي شيء جديد ، يقوم من النوم يدور على أكل ، بعدين يقعد على التلفزيون ساعتين بلا فائدة ، وبعدها على النت يا أنه يقعد على " الشات " أو على Facebook ، أو غيره ، وبعدها طلعه مع الشباب لين الساعه 1 الليل ، ونوووووووووم .. شنو الجديد اللي إكتشفته اليوم ؟ ".......Nothing" !

انا ببدا تعليقي على آخر جزء كتبته.. الشخص المفروض ما يكون reactive بل المفروض يكون proactive والاهم مايستسلم .. يعني خلاص هو في السعوديه يكون وقته على الفيس بوك والنوم والسهر؟ ممكن يشتري كتاب يشترك بـ نادي يسوي شي مفيد...

ومو معنى انه خلاص ماقبل في البعثه يعني يجلس يضيع وقته هنا ويستسلم.. !

ممكن يشتغل ويتعب ويكد ويحصل على بعثه على حسابه وومكن ربي يفرجها ويسافر لان فيه ناس سافروا بمعدل جيد واعرفهم..

واوافقك الراي ان مو كل شخص معدله نازل يعني قدراته العقليه متدنيه او مايعرف يشتغل صح ويجتهد ..

واكثر شي عجبني في الموضوع هو ان في الغرب مايخلون الواحد طبيب بروووف او مهندس الا هو دارس صح يعني صح !

انا استغرب ان فيه ناس يرسبون في كليات الطب !

كلامك صحيح من وجهة نظر واحدة وصحيح ان هذا الطالب لم يسهر مثل حضرتك الليالى وقطع نفسه فى المذاكرة مثل سموك ومع هذا اجتاز المرحلة نفسها ويمكن الفرق بسيط فما بالك لو اجتهد متل اجتهادك اعتقد ان الفارق رااااااااح يكون كبير
ولا ابرر خطأ عدم المذاكرة والاجتهاد ولكن لابد من الاعتراف ان الجهل وقلة الوعى والرفض لبعض المناهج واسلوبها هو السبب مو ضعف القدرات من حق كل انسان ان يواصل تعليمه والواجب علينا التشجيع والتأييد

أسمحلي أقولك أن طريقة أسلوبك غير لائقة تماما ً ؛ أولا ً أنا ماقاعد أتكلم عن شخص معين ، أنا قاعد أذكرلك السلبيات الخاطئة في القبول .. ثانيا ً وش اللي سموك عيب يا عزيزي أحنا مسلمين مايجوز تقول كذا ؛ لأن الإسلام قال " لا فرق بين عربي و أعجمي إلا بالتقوى "
أشكرك على مقولتك الأخيرة..

طيب اخوي انا انسان اعاني من الشي هذا وافكر بالتحصيلي اني ماراح اعدي الدرجه المطلوبه..وغيري لايفكر ومو مهتم وواسطه ويمشي.. او ضربة حظ..
بس جيب لي مقياس يفرقون بين الطلبه فيه ..؟؟
هذا المقياس ولازم تتعداه عشان توصل لحلمك..وبس..

صحيح كلامك ، بس هذا مايدعي أن الطالب يُحرم من الجامعة ؛ لأن دخول الجامعة في المملكة صار شيء خيال بالنسبة للطلاب ..

و أصلا ً طريقة تنظيم الإختبار خطأ ؛ لأنهم مو منسقين الأمور بشكل مطلوب ، يعني المفروض أنهم يحطون دورات تابعه للمركز اللي يعقد الإختبار ، ويجيبون ناس مختصين في شرح المسأل.. عشان يكون الطالب في أتم الإستعداد للإختبار .
حتى طريقة الإختبار ما وضحوها للطلاب اللي أول مرة يختبرون ، والله في ناس مايعرفون شنو إختبار قدرات أو تحصيلي ، يعني يوزعون الكتيبات على المدارس ولا واحد من الطلاب يدري وش السالفه ، يعني همه الوحيد وزع وافتك..
الله يعينا..