استفسار المعلم والابتعاث الخارجي؟؟؟

أبو عمار ماشاء الله تبارك الله

برنامج الابتعاث الذي تنظمه وزارة التعليم العالي من شروطه ألا يكون المتقدم موظف يعني ماينطبق عليك الشرط ..
الطرق الي ممكن تروح فيها هي كالتالي :

1- وزارة التربية والتعليم تنزل كل سنة مايقرب الـ40 مقعد للابتعاث بالاضافة لمقاعد للايفاد الداخلي .. وبيني وبينك وعلى بلاطة يبي لك واسطة تشق الوجه عشان تاخذ مثل هذا المقعد حتى لو سجلك ناصع البياض لأن المقاعد من قبل الاعلان عنها تكون محجوزة لناس معينين عسى الله لايوفقهم ولا يبيح منهم لا دنيا ولا آخرة الي خانوا الأمانة !
2- إنك تكون مرافق لشخص مبتعث وتنطبق عليه الشروط مثل الزوجة أو الأخت وفي هذه الحالة التعليم العالي يتيح للمرافق الانضمام لبرنامج الابتعاث
3- الحل الأخير وهو مغامرة نوعاً ما وفيه ناس كثير طبقوه .. إنك تقدم على إجازة بدون راتب وتروح على حسابك الخاص تدرس ومن 3 إلى 9 شهور وبحضور ممتاز ودرجات كويسة وبشوية ( زنــة ) يدرجوك لبرنامج الابتعاث .

هذي هي الطرق الي مااعتقد فيه غيرها بحسب متابعتي
الله يوفقك في حياتك العلمية والعملية