ماهي الاوراق اللازم تجهيزها للتقديم على الابتعاث؟؟

وعليكم السلام ورحمة الله وبركاته ,,

3 توصيات أو أكثر باللغه الانجليزيه + ترجمة السجل الأكاديمي بأكمله + ترجمة الوثيقه ( اذا الوثيقه نصفها عربي انجليزي , مايحتاج تترجميها ) + مطابقة الاسم باللغه الانجليزيه بالوثيقه للجواز + نسخ اوراق طبق الاصل من الجامعه لأي ورقة استلمتيها من الجامعه بعد التخرج للاحتياط ( الوثيقه , السجل الاكاديمي , حسن السيرة والسلوك ) .. الترجمة عند اي مكتب معتمد في مدينتك ! ( يجب التأكد من انه معتمد )..

يجب أن تكون التوصيات بشكل تعبيري وليس بشكل الجداول .. اذا لم تجدي التوصيات باللغه الانجليزيه .. اطلبيها ونحن في الخدمه , فقط مجرد تغييرات بسيطه تسويها على التوصيات مثلا التخصص والاسم والمواد الخ .. مع توقيع الدكتورة وبياناتها عليها ...


أتمنى ان يفيدك هذا الموضوع ... http://www.mbt3th.us/vb/forum14/thread171854.html


بالتوفيق ...

اخوي الله لا يهينك اذا تقدر ترسل لي التوصيات معدل مشاركاتي مايسمح اراسلك ياريت لو تشوف ردي

ياريت اخوي حتى انا ابغى التوصيات

استفدت من الردود بالموضوع الله يعطيكم العافيه

ثانكيو كتير اخوي على موضوع صديق المرحله السادسه ولكن!!

وش قصدك بنموذج التوصيه مايكون جداول؟؟

انا اخذت توصيات باللغه الانجليزيه من الجامعه وفيها جداول اختياري وفيها فرغات لكلام بسيظ والدكاتره جاوبوا عليها ووقعوا؟


دامها من الجامعه اكيد هي اللي يبغوها

كمان سمعت انه لابد من وضع كل توصيه في ظرف مستقل والختم على الظرف واغلاقه ووووو...

ترى ناقص اشياء كثيره بالاضافه الى اني سمعت انه فيه برنت من الاحوال المدنيه ووووووو..

اختي انا ماعندي علم , لكن من كثر ما أقرأ كثير بالمنتدى , انه الجداول مرفوضه , حتى لو في جامعه أو جامعتين تقبلها , الباقي مايقبلها ..

بالنسبه للظرف , أنا ماسويت لا ظرف ولا شي .. بحط كل أوراقي بظرف واحد واراسلهم , ان ماقبلوا , عادي اشتري ظرف واروح الكليه اختمها .. ايت برنت من الأحوال المدنيه؟ ههههههه هم حشروا نفسهم حتى في الأحوال المدنيه !!!

ترى الدعوه سهاله لاتصعبيها , ان شاءالله لايطلبوا ظرف ولا أحوال مدنيه .. بس أهم شي التوصيه تكون على شكل تعبير , أما الباقي اذا نقص شي , بيكون سهل ان شاءالله ..