اخلاقيات الطلاب اثناء التسجيل في الابتعاث

كلام صحيح بس مين يسمع
شوفي السنة اللي فاتت كنت فاتحة صفحة التقديم على الإبتعاث للمرحلة الخامسة
و طبعاً والدتي كانت رافضة الفكرة من 7 سنوات و لا زالت خخخخخخ
قلت لها بعد ماعبيت البيانات اروح و إلا لا
قالت لي لا قفلت الصفحة بدون ما اعتمد البيانات لأني عارفة في احد بتروح عليه فرصة الابتعاث
لو ارسلت بياناتي و في النهاية ما كملت و إبتعثت
بس هذه السنة بعد ماجربت كل شيء بالسعودية و ما انقبلت راح احاول مع البعثة
لأني اعرف امي اكيد بتفرح لو انقبلت في شيء و تغير رأيها ^_^
حتى لو كانت معارضة من البداية

و الله يوفق الجميع

وانا كمان نفس الحكاايه ,,

قدمت المرحله الخامسه واهلي رافضين الفكرهـ

ولما جاتني رساله القبول , اتحمسوا للفكرهـ , بس للاسف كانت اوراقي ناقصه

ودي السنه الحمدلله , موافقين وجهزت كل اوراقي ,, وان شاء الله ,, ربي ييسرهأ لي اكثر واكثر

وبالتوفيق للجميع

ههههههههه الله يعين.. رزقك واي واحد رزقه بياخذه ..
والله يكتب لي ولك البعثه ..
الحمد لله انا الوالده كانت رافضه بس بعدين وافقت وقالت الله يوفقك وين ماتروح ..
وابوي شجعني اكمل برى ..
والاخوان كذلك ..

وش الأوراق الناقصة عليك؟

توصيات بالانقلش , وصور طبق الاصل

من ناحية الفشخره في ناس كثير تتفشخر
بس مافي أحد يأخذ مكان أحد وكل واحد يأخذ نصيب
وكل طالب وطالبة مستوفية للشروك أنقبلت بدون عدد محدد
وفي بنات عندهم محارم بس الله مو كاتب لهم يروح البعثة
وهم في شباب كانوا مستعيدن بس الظروف اجبرتهم يجلسون في أرضهم

في السنه الماضيه.. اول ماسمعت خبر فتح باب التسجيل كنت مسافره وبعيده عن امي.... اول حاجه سويتها اتصلت فيها قبل ادخل صفحة الموقع وسألتها اسجل والا لا ..
. وجلست احاول فيها حتى اقتنعت ،، بعدين دخلت وسجلت...

لكن اني اسجل واهلي رافضين...!!! وربي نذاله من جد...

الله يوفق كل شخص صادق نيته الابتعاث ورفع اسم بلده.... و الله يخذل كل شخص هدفه التسليه والسمعه ... اللهم آمين

مرحبا,
انا اوافقكم من جهة واعارضكم من جهة اخرى.

صحيح الي تكلمتي به اختي الكريمه , ومن هالناحية انا اوافقك , لكني في نفس الوقت اعارض.

في ناس تسجل واهي اصلا محتارة بين شيئين يمكن يكون وظيفة وبعثه او بعثة وجامعة محليه ..الخ . لكن ابدا مو قصده انه يكون اناني ولا يتفاخر , اهو بعد يبغى الافضل لنفسه!.

انا مثلا خريج انجليزي , وبجد محتار بين وظيفة لو حصلت لي او بعثه الى الخارج ... لكني الى الان ما حددت لي خيار , يمكن الوظيفة ماتعجبني ولو ماسجلت في البعثات في هالحاله ,يمكن راح اندم في المستقبل وخصوصا راح يمضي وقت من عمري .

انا اقترح انو يكون فيه طلاب احتياط , ويكون للطلاب الاحتياط تدقيق بيانات مع الطلاب المقبولين بشكل نهائي , حتى لو احد المقبولين اعتذر ,يحطوا احد الطلاب الاحتياط , وبكذا ماحد الله كاتب له نصيب ولا راح يطلع .

لكن اختي ,انا اتوقع ان راح يكون في هذا السنه مفاضله بشكل كبير , وهناك 5000 بعثه فقط . وحسب ماسمعت من مصدر شبة موثوق ان راح يكون للدرسات العليا نصيب اكبر من البكلريوس. يعني راح يعتمد على المعدل والدرجات بشكل كبير .

تقبلوا مروري.
نسألكم الدعاء