July 15th, 2010, 02:40 PM
السلام عليكم ورحمة الله وبركاته
بس حبيت أتفلسف عليكم شوي ويمكن فيه ناس بتوافقني في آرائي
أولاُ:
اسمي سعيد عمري 17 ناجح من ثاني لثالث ثانوي
نسبتي في ثاني : 99,69% طبعا جنسيتي : يمني(حضرمي)
حياتي كلها في السعودية............................
هذي البطاقة الشخصية
ثانياُ:
نسبتي في ثاني تعتبر حلوة بس مو مرة عشان كذا بدأت اقتراحات الناس وآراء العائلة تحوم حول رأسي
كلهم طب طب طب طب طب طيب وبعدين>>>>>> معصب
أنا الصراحة أحب الطب وأتمنى أدخل طب
بس أنا أتوقع ان الطب صار يتجه إلى أن يكون واحد من التخصصات العادية
والدولة بتكتفي في سنة من السنين من ناحية توفير الأطباء
طبعاً هذا الشي لعدة أسباب منها::
1- أن قبل فترة كان الطب تخصص نادر من كل النواحي سواء كان من ناحية توفر الأطباء
أو من ناحية توفير تعليمه ودراسته ,, لذا كان في السابق المجتمع في أمس الحاجة
للأطباء
2-أن اللي يدرسون الطب وخاصة الطب البشري العام ,, عشان يضمنون لهم وظيفة
حلوة لازم يدرسون عالأقل 9 -10 سنوات وهذي طبعاً فترة طويلة جداً
يعني كأنك تدرس الإبتدائية والمتوسطة من جديد
وشبابنا كله بنقضيه في الدراسة ,, صح هذا الشي من طلب العلم
بس بعد لكل واحد امكانات وقدرات ,, وهو مو مجبور انه يضغط على نفسه كذا
3- ظهور تخصصات جديدة ماكانت موجودة سابقاً ,, وهي كثيرة منها:
الحاسب والتكنلوجيا والعلوم والادارة واللغات وغيرها.
بالإضافة إلى ظهور البترول والنفط اللي ساعدت في تطور العلوم والدراسات
مثل اللي في شركتي سابك وأرامكو
وممكن هذي التخصصات انه يتوفر دخل أكبر من الدخل اللي في الطب
4-تعتمد امكانية دراسة الطب على الحصول على درجات عالية في الثانوية
وانتم تعرفون ان مناهج أول لا يمكن أن تقارن بمناهج الحين
أول كتب عرضها 7-8 سم وأسئلة وزارة ومدرسين صاحين
أما الحين كلها ملخصات وأسئلة مدرسين ومناهج مويه (سهله)
عشان كذا أي واحد يقدر يجيب نسبة عالية
بعضكم يمكن يقول ان القدرات والتحصيلي يفرق
لو جينا مثلا لبرنامج خادم الحرمين الشريفين في بكالوريوس الطب
القدرات 70 والتحصيلي 77 أو 78 وأتوقع لو تذاكر قبل كل اختبار من الأثنين لمدة
يوم واحد بتقدر تجيب أعلى من هالنسب .
عشان كذا انا بديت أفكر أغير فكرة الطب وأشيلها من راسي
بس مشكلتي ما أحب الهندسة لأن فيها رياضيات وفيزياء( أكره مادتين عندي)
بس لازم أصبر سواء دخلت هندسة أو طب
بس حبيت تشاركوني آرائكم في التخصصات الحلوة غير الطب والهندسة
وبعد ياليت تتكلمون عن شركة أرامكو لأن سمعت ناس كثير يمدحونها
مع انها شبه مستحيلة لأنهم يبون النسبة العامة 90 وفوق
وأنا حسبت النسبة اللي ممكن أجيبها وطلعت 83
بس هذا اللي حبيت أقوله لكم
وياليت اللي يقرأ الموضوع لا يبخل علينا بتعليقه
اعذروني عالإطالة وان شاء الله تفهمون كلامي كله>>>>>ما يعرف يكتب
July 15th, 2010, 02:40 PM