مكتب (يـــــس اطلـــس) والمبالغة في الرسوم الــدراســيــة

حط ببالك ان المكاتب ماتقدر تسوي شي ماتقدر تسويه بنفسك ..
تقدر تطلع فيزا وقبول وكل شي ومايكلفك ولا ١٦٠٠ ريال كلهم على بعض مع المراسلات والتقديم وكلوا..
بس وين اللي يجتهد ويعتمد على نفسه ..

بس اختي مبلغ 6000 الاف ريال كثير
قبول جامعة بس

شكلك اخوي مافهمت علي
انا اقول تقدر تسوي كل شي بنفسك بدون نصب المكاتب وماراح يكلفك فيزا و قبول ومراسلات ولا 1600 ريال
يعني اترك المكاتب واعتمد على نفسك لانهم يشفطون فلوسك باي طريقه..
انت حاول تتعلم وتبحث عن طرق عمل كل شي وكذا تحفظ فلوسك ويصير عندك خبرة ..
وكل شي صعب بالاول وبعدين يصير سهل مع التعلم والبحث..
بالتوفيق

اللي قاعد يقول اجيب لك قبول

ب ١٥٠٠ دولار

واللي يقول ٢٠٠٠ دولار

وييين عايشين

رسوم مراسلات الجامعات كلها لو بترسل لخمس او ست جامعات ماتتعدى ١٠٠٠ ريال

وهذولي قاعدين يدفعونا ٣٠٠٠ آلاف ريال واكثر

والله حراام

ومفروض محد يروح لهم ويكون فيه مراقبة وتشديد عليهم

لأن هذا اجرام وكذب وغش على الناس

ياخي انا مااقولك لاتترزق من ورا الناس

لكن على الأقل خذ مبلغ معقول

موب تاخذ ٥ اضعاف قيمة المراسلة !!!

كلامك صحيح غياب الرقابة هو سبب الاستغلال الواضح

انا رحت عند مكتب اطلس وقالو لي 2000 مقدم و2000 مؤخر
هههههههه

والله الصراحة ابعطيهم اش اسوي

ما ذا افعل


الصراحة ما فيه حل

واللة انا رحت مكتب نابا
جاب الي القبول خلال 3 اسابيع
+ موعد السفارة
واخذ 1500 ريال

وحلال علية ريحيني

وفية مكتب برياض اخذ على ابوي 2000 ريال ولا شفنا شي حتى الان !!!!
الاجانب نصابين !!

القبول الجامعي اللي تسوينه بنفسك مايكلف شي:
1- الابلكيشن اونلاين واذا كان ورقي يكون فيه رابط للابلكيشن يطبع ويعبئ.
2- رسوم الابلكيشن (غالبا50 دلار=188ريال ومايتعدى 150 دولار) اما يكون الدفع اونلاين((يتطلب بطاقة ائتمان)) او كاش بالدولار او شيك بالدولار من احد البنوك مضاف اليه 10ريال رسوم وبنفس سعر الصرف.
3- وضع جميع الاوراق المطلوبة في طرف وارساله عن طريق فيديكس او اي شركة شحن ((عند فيديكس بـ290ريال))
4- الشهادة البنكية اوكشف حساب ((إذا الضمان المالي الحكومي غير موجود)) وغالبا تكون برسوم 25 عند الامريكي 50 ريال عند الاهلي ويكون للشخص اللي بيدعم تعليمك.

لو نحسبها ماراح تتعدى 1000 ريال لو كانت مع قبول اللغة

أنا بالاول كنت كذا مصعب المسألة رحت لمكتب مستقبلي وقاللي بـ1500ريال وقلت معصي
ورحت أقدم بنفسي ولقيت المسألة ماتستاهل بس هي تحتاج شوي طولة بال وجرأة
وبصراحة الموظفين اللي بالجامعات محترمين والتعامل معهم ممتع

هذي هى المشكلة لاتوجد رقابة على تلك المحلات التي انتشرت بشكل كبير بعد البرامج الابتعاثية

بس صدقني الشعب عاوز كدا وهو مايدري ... هذا سوق والمسألة مسألة عرض وطلب ... تلقى المحلات هذي اول مافتحت اسعارها يمكن المكسب فيها 200 او 300 او 500ريال ... يعني يقولك السعر بـ1000 او 1500 ولكن مع زيادة الطلب والزحمة والعالم مستعجلة على القبولات هذا غير الناس اللي معدلاتها ضعيفة وتبغى اي قبول مهما كان الثمن وفي اي مكان .. صارت المسألة حوسة والمستفيد طبعا تلك المكاتب فلابد يحصل استغلال وزيادة في الاسعار لان الشعب راضي بتلك الاسعار ... انا أشوف أن زيادة الاسعار نتيجة منطقية حتمية.

وش فايدة المكتب إذا كل واحد بيجي ويقول غالي ويطلع ؟؟؟ من بكرة يتسكر المكتب على طول ؟؟؟ او أخلي السعر اقل شيء 800ريال مصاريف التقديم والشحن +100 ريال اتعاب ....

ولكن المشكلة الان أن الاتعاب تجاوزت مصاريف التقديم نفسه
لاحول ولاقوة إلا بالله