افضل خطوه للحصول على قبول وانت مرتاح

August 2nd, 2010, 12:35 AM

السلام عليكم ورحمة الله وبركاته

صباح / مساح الخير

اخواني انا مريت في تجربه صراحه علمتني درس اني اعتمد على نفسي في كل شي

واهم شي القبول لأنه هو الشي الاول في طريقك لأكمال دراستك

انا واعوذ بالله من كلمة انا جربت المكاتب وصراحه ما شفت منهم الا التعب ومضيعت الوقت بس

طبعا انا رحت لأكثر من مكتب وبالاخير قررت اني اتعامل مع مكتب الرحلات الذهبيه

لكن صار مالم يكن بالحسبان صراحه توهقت معه توهيقه انا ما ادري وش الحل معها مع العلم انه

الغلط من عنده موب من عندي وهو يقدر يحل المشكله لكن قالي ادفع نفس المبلغ الي دفعته لي في البدايه يوم اجيب لك القبول

علشان اعدل لك القبول الي اخطيت فيه وهو معترف ان الخطا من عنده لكن ما يبي يعدله لي حسبي الله عليه

طبعا المكتب الكثير يشتكي منه ومن سؤا المعامله مع الطلاب . لكن انا كلمت احد الشباب الي كان في المكتب

ويتهاوش مع السوداني الي في المكتب وقالي ليه تجي هنا ترا المكتب هذا لما ياخذ الفلوس وتحاسبه خلاص ما يعرفك

ولا تعرفه خلاص يخليك يأخرك وتتصل عليه ما يرد عليك وووووو .... الخ

لكن قلت ممكن ان الرجال يلعب علي ما صدقته لما جربت بنفسي وشفت صراحه المكتب لما تسلمه الفلوس خلاص

تتغير المعامله معك 180 درجه يبدا ما يرد على الاتصالات ولا يتجاوب معك لزم تروح للمكتب وكل شوي يصرفك

تصريفه جديده مره القبول وما وصلني ومره فيه انتظر انا الحين مشغول ومره انتظر الرد منهم ومن الكلام هذا

طبعا المكتب اسمه الرحلات الذهبيه قريب من شارع التحليه في الرياض حي السليمانيه . المحتال اسمه نزار سوداني

الجنسيه وانا قد اطلعت على اكثر من موضوع يسبون المكتب هذا وسوا تعامله و انه مكتب مادي فقط لا يقدم الخدمه

مجرد ما يستلم حقه خلاص ما يعرفك ولا يتعامل معك ولا يرد ويتجاوب معك .

وفي البدايه يستقبلك ويرحب فيك لما تدفع له وبعدها خلاص يوقع الفاس بالراس وتقول ليتني ما رحت عنده

لكن يا شباب نصيحه لا احد يروح للمكاتب وخصوصا هذا المكتب الرحلات الذهبيه

طبعاً انا ما اعرف هل هو يتعامل مع كل الطلاب كذا ولا طلاب كندا لأني رحت له على اساس اني ابغى كندا

وقالي الامور كلها سهله وانتظر اسبوع والقبول وعندك وبالفعل جاب لي قبول المعهد وبعدها بفتره جاني قبول الجامعه لكن بتخصص مخالف للتخصص الي طلبته منه

واقوله عدله يقولي ما فيه تعديل ادفع من جديد والغلط من عنده

حسبي الله عليه

وحاولو يا شباب انكم تعتمدون على انفسكم في القبولات ولا تروح لمكتب او كلم احد يسوي لك القبول

ولا توهق نفسك مع المكاتب



اذا انت تبي قبول من جامعه محدده او معهد محدد ليه ما تجرب وتراسلهم بنفسك او تكلم احد يراسلهم عنك

المسئله ما يبي لها شي

• نشر عبر تويتر
• نشر عبر فيسبوك
• نشر عبر جوجل