سؤال عن المحرم

ايوا يقدر , الاجراءات عادي يقدم انه مرافقك الان بس ,
ويروح في البداية راتبة رح يكون اقل منك لمدة سنة او اكثر , الى ان ينتهي من اللغه و يحصل على قبول جامعي
بعد ما يحصل على قبول رح يرفع طلب للملحقية الحاق بالبعثه ويصير مبتعث (مارح تصير بسرعه وسهولة)
يعني حاليا التقديم في البعثه مايحتاج شي بس يجيب فيزا طالب و يجيب قبول لغه وقت ما يجي قبول اللغه حقك عشان يجيب في نفس المعهد ووقتها يكون معاه ضمان مالي خاص جاهز عشان يجيب القبول فيه بس لكن بعد ما توصلو رح تدفعلكم الملحقية

طيب انا كمان ادور على قبول من الجامعه برى
وهل القبول صعب
يعني ممكن انو الاقي جامعه بس مايقبلوني
وكيف راتب المرافق قليل يعني مره قليل ولا متوسط

طبعا كثير حتواجهي رفض من الجامعات طبيعي الوضع ..
لازم يكون معدلك كويس و اوقات يطلبو خبرة بس اهم شي يقبلو على اساسه رح يكون البيرسونال ستيتمنت لازم تكتبيها بطريقة مرة ممتازة
وطبعا حسب الجامعات , لو الجامعه ضعيفة مرة ممكن تقبلك حتى لو ماعندك خبرة او او او "يعني مجرد مثال"
وكل ما بغيتي جامعه مستواها كويس كل ما كان قبولهم اصعب
وحسب الدولة الي رايحتها كمان ,

راتب المرافق ايضا حسب الدولة بس هو عموما نص راتب المبتعث
في امريكا انا اخذ 1850 دولار و مرافقي 990 دولار
وقيسي عليها بقية الدول

شكراااا
بس ايش معنى البيرسونال ستيتمنت
يعني ممكن ماالاقي ولا جامعه تقبلني كمان
طيب اذا مالقيت ولا جامعه تقبلني ايش راح يسير خلاص ارجع
وممكن ياخذ وقت اني ادور على جامعه يعني ممكن شهور او سنة زي كذا
يعني حتى لو قدمت طب في البعثة ممكن ماادرس طب برى
وزي ايش الخبرات الي يبغوها الجامعات علشان انقبل

طبعا القبول ياخذ وقت ولا ماكان تعبنا في شي جينا ودرسنا على طول
بس المشوار قبل دخول الجامعه محتاج جهد

في حالة مالقيتي ولا جامعه تقبلك وخلصت سنة اللغه يعطوك تمديد 6 شهور لمرحلة اللغه (ممكن يمددو وممكن لا) تدرسي فيها لغه وبنفس الوقت تقدمي على الجامعات , و وقت تقديم الجامعات لازم تكون درجتك في التوفل كويسة عشان تلاقي قبول يعني حتبدأي تقدمي بعد ما تصير لغتك ممتازة , وفي ناس يجيبو قبول مشروط وهو قبول ما يحتاج وقت تقديمك له ان درجة اللغه تكون معاكي يعني ممكن تشتغلي على اللغه اثناء الحصول عليه , بس هذا النوع من القبول ماتقدمه كل الجامعات ولا كل التخصصات "وحسب معرفتي الجامعات القوية ماتقدمه للماستر"

في تخصصات ايضا تحتاج شي غير التوفل وهو انواع من الاختبارات شبيهه للتوفل لكن تركز على اشياء اخرى وهي اختبار "الجيمات" و "الجي ار اي" Gmat , GRE الاول لتخصصات البزنس والثاني للتخصصات العلمية ومااعرف اش تفاصيله بس اعتقد للحاسب و الفيزيا ..الخ وتقدري تبحثي عنهم

ولازم تحطي في بالك اوقات التقديم على الجامعات لان لها "ديد لاين" ينتهي فيه التقديم عليها
*في جامعات تقبلك في الترم الاول فقط وجامعات ممكن تقبلك في الترمين الاول والثاني

خلينا نتكلم عن الترم الي يبدأ في شهر 9 سبتمبر , بعض الجامعات التقديم لها لهذا الترم ينتهي شهر 4 مثلاً (يعني الديد لاين حقها شهر 4)
وكل جامعه لها ديد لاين مختلف ..

فـ احسبي لها من الان


بعد التفصيل نرجع للسؤال اش يحصل لو مالقينا قبول خلال سنة اللغه
حترجعي للسعوديه وتقدمي من هناك على الجامعات الى ان تحصلي على قبول و اعتقد الفترة المتاحة هي سنة الى ان تحصلي على قبول وترجعي تدرسي

طيب دحين ايش فايدة اني اختار تخصص مثل الطب والصيدلة
ويسير اسجل في الجامعات من دحين
وكيف في جامعات تقبلني لترم وجامعات تقبلني لترمين يعني اسجل كم مره ** مافهمت خخخخخخ
طيب اذا ماجبت درجة عالية في التوفل ايش يسير
وهل كل المبتعثين يجيبو درجات عالية في التوفل
وهل في مبتعثين ماكملو علشان مافي جامعات تقبلهم
طيب يسير اخلي نفس حقت البعثة هي الي تقدملي على جامعه
وكم سنة الدراسة برى زي في السعودية ولا اقل ولا اكثر
وايش الي يخلي المبتعثين يوقفو دراسة يعني مثلا اذا لاسمح الله مامشيت في الجامعه عدل ارجع يعني ماجبت درجات


ادري طفشتك من كثر اسئلتي
بس الله يعطيكي العافية ويوفقك يارب
واذا تعرفي اي شي مهم عن الجامعات والبعثات اكتبية اا تقدري

هههههههههههه لا لا مو كدا
اقصد زي دحين في السعوديه مو الجامعه لها ترم اول وترم ثاني ؟؟
طيب يعني التقديم ممكن يكون للترم الاول وممكن يكون للترم الثاني
يعني يقبلو هذا الشي
بس في جامعات لا
بس ترم اول , مايدخلو طلاب جدد في الترم الثاني , فهمتي؟

--

وقبل مااجاوب على اسئلتك الثانية , انتي رايحة اي دولة؟ لان كل دولة فيها فروقات عن الثانية
وانا كلامي عموما كان عن امريكا

--
احب اوضح شي

في قوانين نوعين : قوانين للبعثه (الي هي من الوزارة من عندنا من السعوديه) وهذي غالبا نفسها لكل الدول
و قوانين الجامعات في نفس البلد (وهي تختلف من بلد للثانية )
--

فـ احيان الواحد يقولك هذا الشي اوكي يصير وهو يكون صحيح يصير في (قوانين البعثه) بس مثلا ماتقبله الجامعات نفسها (في الخارج)

او مثلا قبولك في( البعثه ) مايعتبر قبول في (الجامعات) , لان جامعاتهم مالها صلاح ببعثاتنا ولا تدري عننا احنا نعتبر طلاب مقدمين للدراسة عندهم زينا زي اي احد ثاني الفرق الواحيد مين المسؤول عن الصرف علينا

ايوه فهمت زي جامعه ام القرى ماتقبل الى كل سنة مو زي جامعه عبد العزيز
مدري لين دحين اي دولة^_^ بس انا اخترت كوريا ودحين ماابغاها يقولو الدراسة بالكوري وانا يادوب في الانجليزي
يعني ممكن اروح بس كذا ماستفيد شي صح
يعني زي انا اصلا ادرس في ام القرى وابغى بعثة بس ممكن مااقدر اكمل هناك صح


بعدين اكملك الاسئلة ^_^
واذا طفشتي قوليلي اوقف خلاص....خخخخ

معليش داخله على موضوعك رزان
بس أنا كمان عندي أسئله مهمه و يا ريت الاقي إجابات لها

أنا حبتعث و أخترت أمريكا تخصص تسويق (ماجستير)
و زوجي حيكون مرافقي و يبغى يأخذ لغه و يكمل بكالوريوس هناك

هل في قبوله للجامعة صعوبه كالمرافق اللي يبغى يكمل ماجستير؟
و ايش هي الأوراق اللي يأخذه معاه عشان يقدمها لهم هناك؟
هل يأخذ شهادة الثانوية؟
و خبرات عمله؟

لأن هو خايف اننا نسافر و ما يكون له نصيب في الدراسه لأنه حيترك عمله هنا عشان البعثه و يصير خسر الإثنين

و بالنسبه للراتب أنا حيكون ١٨٥٠ و هو ٩٩٠ و طيب إذا عندنا طفل هل حيكون له مصروف أيضاً؟

آسفه عالتدخل و الإطاله بس في حاجات مره تايهه فيها و أخاف ما يضبط موضوع زوجي لأنه هو الأهم