استفسار اختلاف في الاسم بين الشهاده والجواز

والله واخوي مدري اذا يمشونها ولا لا بس اضمن لك تروح لادارة الاختبارات والقبول في منطقتك وتصدر لك شهادة بدل تالف

تاخذ معك صورة من الجواز وصورة اثباتك وتصدر الشهادة خلال يومين او ثلاثة

بالتوفيق

ابشرك لاتخاااااااف وحط بطنك بطيخه صيفي شفت قدامي وحده عندها اختلاف وقالولها نمشيللك اوراقك بس حاولي تصلحينها حتى يكون لك وقت اذا طلع لك بعثة

ارتاااااح ولاتخاف

وعليكم السلام ورحمة الله وبركاته


انت نفس مشكلتي انا عندي اختلاف في الاسم الجواز والشهادة ,, لكن كتبت في الاستمارة الاسم اللي في الشهادة

وسلمت اوراقي الخميس 9/9 ولا سألوني عن الاختلاف ... المهم استفسرت وسمعت انه لازم اعدل الاسم وارجعلهم

وانا الان عدلت الجواز ورايح لرياض بعد ساعتين انشاء الله ,, وأراجعهم واشوف ويش يصير ,,الله يعين



ربي يعينك ويعين الجميع ...

للفائدة :
السلام عليكم ورحمة الله وبركاته
انا راجعت مركز التدقيق بخصوص اختلاف الاسم في الجواز عن الشهادة ,,

ورحت اللي ياخذ الاوراق وقلتله انا اسمي مختلف في الجواز عن الشهادة

وهذا الجواز عدلته وصاار مطابق لشهادة .. قالي خله معك اذا طلع القبول

نرسلك رسالة وتجي تعدله ..

واذا عندكم معلومات غير اللي صااار معي لا تقصرون..

ويعطيكم العافية