مساعدة قبول في امريكا او استراليا بدون شرط اللغه

اخوي كم درجاتك في كل مهارة !
ووش تبي تدرس بكالوريوس ولا ماجستير ؟

اخي الكريم انت امام حلين
الاول اختبار الايليس في السعودية فامستوى التصحيح يزيد بنسبة واحد معن ذلك ان من الممكن الحصول على 6.5
الثاني ارفاق ورقة انك درسة البكالويس بالانجليزي او اي ورقة تساعد مثل انك درسة اللغة في فترة وقدرها وتطلب طلب يسمى (( english waiver)) وهذا طلب تنازل عن شرط الانجليزي للجامعه لا تنسى حط ماعندك من اوراق
انصحك بالخيار الثاني اولا لانك لن تخصر شي جرب يمكن تزبط معك


بالتوفيق

متأسف اني ماذكرت

انا بكالوريوس ان شاء الله ودرجاتي 5 في الجميع بس الاسبيكنق جايب 6

شاكر لك اخوي بس انا طالب بكالوريوس فللذلك الخيار الحل الثاني ليس من نصيبي

واذا فعلا اختبار الايليس بالسعوديه يزيد بنسبة 1 يعني ان شاءالله اقدر اجيب 7 لان هذا ثاني اختبار لي وجبت 5 ونص فان شاءالله ربك يسهل واجيب ال7

كويس ماشاء الله

اجل على كذا قرصك في السمن !

خلاص طيب وش المشكلة ؟.. واضح من درجتك انك تقدر تقرا وتتواصل .. شوف لك جامعة بأمريكا في ولاية تبيها وبتلقى قبول بالراحة
ارسل ملفك لثلاث جامعات ترشحها للدراسة واذا جاك ورقة القبول ارسلها
اعتقد الترم الجاي ( لأغلب الجامعات الأمريكية ) لن يبدأ الا مع بداية السنة الميلادية .. بس انت قدم اوراقك من الحين ودراستك ماراح تبدا الا عقب ثلاثة شهور بالميت ( إلا اذا لقيت جامعات لهم نظام اخر )
محد بصراحة يقدر يقولك روح السعودية او اجلس ممكن تحصل قبول والدراسة عقب شهر !
انا مثلاً طلبت قبول في جامعة وارسلته كذا رمية من غير رامي .. ردوا علي عقب اسبوع .. قالوا قبلناك معك اربعة ايام عشان تجي تحضر بداية الترم .. أو راح يفوتك وماراح تقدر تدرس الا في يناير !
وفيه جامعات ارسلت لها لي شهر ونص والى الحين محد عبرني وقال قبلناك ولا رفضناك
المسالة نسبية يعني ... المهم انك بس تقدم وتشوف لك جامعة ولاصارت ورقة القبول معك شوف تاريخ بداية الدراسة ومدة التحويل اللازمة وسو حساباتك
بالتوفيق حبيبي ومبروك الدرجة الرائعة

يعطيك الف عافيه حبيبي رد واضح ومفصل الله يحفظك ان شاء الله ويوفقك يارب في دراستك ويجعل في ميزان حسناتك في هذا الشهر الكريم

انا قررت اني اروح في فلوريدا هل تنصحني بهذي الولاية ام لا

فلوريدا جميلة نوعاً ما
وبصراحة ماادري عن ميولك كل واحد وله تفكير بصراحة
ناس تفكر بالجامعة تكون قوية او العكس
وناس تبي المناخ يكون بطريقة معينة
وناس تبي الغلا والرخص
يعني ماادري كيف ميولك
انا عن نفسي ساكن بمدينة صغيرة جداً جداً ومافيها اي وسيلة من وسائل الترفيه ابداً بس مرتاح ولله الحمد لأني اشوف جوها حلو ورخيصة
وفيه واحد يهتم بالمطاعم والمولات والحدائق وغيره
يعني مسألة ترى نسبية من شخص لشخص
انت حدد المواصفات الي تبيها بالمكان الي ناوي تعيش فيه وراح يطلع لك قائمة بخمس ولايات تقريباً
هذي افضل نصيحة ممكن اقدمها لك .. لأن كل واحد بينصحك راح يمدح لك ولايته .. مو لانها حلوة ولكن لأنه تأقلم فيها
بالتوفيق

شاكر ومقدر لك عزيزي
انا قررت ولاية فلوريدا ومدينة ميامي والله يكتب اللي فيه الخير ان شاءالله