LinkBack URL
About LinkBacks
السلام عليكم ورحمة الله وبركاته
الله يعينكم ويصبركم تعالوا هنا ابيكم في سالفة وانا اختكم
تجمعوا وخلوها بينا اتفقنا اتفقنا
ياكثر ماتسالون وياكثر ماصار الوسواس في قلوبكم كل يوم وواحد طالع بشك وخرافات واشاعات 
حرام عليكم تسون كذا باأنفسكم 
بعطيكم الحين وش بيصير وياويل وياويل احد يسال ويقول جاوبي ياويلكم مني
القصه ياابطال انه كان في السابق وخلال خمس سنوات مضت طلاب وطالبات تقدموا للابتعاث
كانت تواجهم كثير من المشاكل اهمها موضوع ماذا بعد التدقيق هل سنرفض ام ماذا ومستقبلنا والكثير من الكلام
لكن جميع المراحل السابقه من اطبقت عليهم الشروط جميعا واوراقهم كاملة تم ترشيحهم للابتعاث
بعد ذلك وش حصل بقولكم تطلع الاسماء بالموقع برقم طلب كل واحد ودولة ابتعاثه 
وبعد ماتفرحون كم يوم يبدون يرسلون لكم رسايل تشابه هذيك الي قالوا لكم تعالوا يمنا نبيكم تدققون اوراقكم ونااخذها منكم
وكل واحد بمكان وتاريخ وزمن في هالوقت ياحليلكم تقولون وش يبون منا انا بقولكم صبر صبر
المكان والزمن والتاريخ تحضرون فيه للاختبار في هالاختبار يحددون مستواكم للغه حتى يعرفون مستوى كل واحد
والي معه اختبار الايلتس او التوفل يعفى من الدوره الالزاميه للغه
وبعد ماتخلصون هالامتحان تروحون بيوتكم وتجلسون كم يوم بعد بعد ذلك يرسلون لكم موعد انعقاد الدوره وبداء الدراسه
لمن تروحون يمهم هم يكونون علقوا اساميكم بموعد دوامكم لان فيه مسائي وصباحي واي مستوى تدرسون لمدة شهرين
وبعد الشهرين خلاص يعطون الماستر قبولات اللغه يطلعون الفيزاء فيها والبكالورويوس اللغه المشروطه الي بعدها
برنامجهم الدراسي
قربوا في سر بعد خطير بعد الشهرين ب 7 شهور يرسلون لكم على حساباتكم الي طلبوها منكم خلال
الدوره الالزاميه مكافاه الفين ريال حق تعبكم ودراستكم وحق الباص للبنات هع والسكن للي يجون من خارج
حق تعبكم ودراستكم وحق الباص للبنات هع والسكن للي يجون من خارج المناطق الرئيسيه
ولاتقلقون فقط الدوره الالزاميه شيء يفهمكم كل شيء عن الابتعاث تتخللها محاضرات ونقاشات وبالعكس تتعرفون على
بعض وكل قبيلة دوله تعرف بعض وتسون احزاب وتتفقون وش تسون بعد ذلك ياعيالي ويابناتي الموضوع مره سهل
اسهل من الي خبركم فيه 
جدتكم شوي تعبت جلست اقلب بمذكرتي نسيت وش سوينا بعدها دقيقه اطل بدفتر هالمذكره الي وده يصيح
اممممم ايه بعدين يرسلون لكم رسايل عاد انتم استحملوهم شوي بيغثونكم برسايلهم بس عادي انتم تعلموا الصبر
بالرساله وش تقول يامنعطف وش تقول ايه تبشركم انهم قرروا يجتمعون فيكم ويشرحون كل شيء يخص دولتكم
يعني امريكا لهم يوم وكندا يوم ومثل كذا في افخم فنادق مين قدكم مثل التدقيق طبعا ناس وضيافه وصالة طعام تاكلون كل شوي بعد كل محاضرة ويحضرون لكم ناس من الدوله الي رايحين يمها
والموسى حبيب الكل يجيء بنفسه ويسلم عليكم ويهنيكم من قدكم وبعد مجود الحربي القلب الطيب يجيكم ويعطيكم كلمتين
وبعدها يعطونكم مواقع وروابط
وكل شيء تبون تعرفونه في ناس تجاوبكم وبعد هالملتقى تتوكلون على ربكم وتبدون بإجراءات فيزكم وثمن تطلع الفيزاء
وكل شيء تبون تعرفونه في ناس تجاوبكم وبعد هالملتقى تتوكلون على ربكم وتبدون بإجراءات فيزكم وثمن تطلع الفيزاء
تنطلقون الى عاصمة السعودية الرياض وتستلمون قرار الابتعاث وتحجزون تذاكر سفركم وربي يسهل عليكم
توصون شيء ماشيء فيكم قلق شيء انا هنا بوضح لكم اي سالفه تبونها لكن والي يعافيكم كل خطوه بتنشرح بموضوع الخطوات المثبت فوق فوق فوق
لحد يقول وش اوراقه ووش نجيب بعدين لاجاء وقتها نعطيكم الخبر مرتب ومزبط فوق
يالله كلن يقراء هالموضوع ويبتسم ويضحك وانتم خلوها على ربكم وهو بيحط لكم الي فيه الخير والصلاح
سلام من اعماق القلوب لكم دعواتكم
المصدر: http://www.mbt3th.us/vb/forum134/thr...#ixzz0yYC6ifea
حفاظاً على حقوق الكاتب نرجو عدم حذف المصدر مبتعث
September 4th, 2010, 12:00 PM
أش يسير بعد مارشحونا ودققوا على الأوراق هل أبحث عن قبول في الجامعات ولا أنتظر للموافقة النهائية على البعثة وبعدها ابحث عل القبول لأني أنا طالبة بعثة دكتوراه ؟؟؟؟
يعني اللحين أش اسوي