التخصصات المطلوبه في السعوديه للنساء"

موضوع مفيد مره للبنآت ,,, ياليت احد يساعدنآ

حابه اكمل اداره موارد بشريه ,,

واخاف اتعب وادرس ومايكون له مستقبل للنساء بالسعوديه

انا تخصصي برضو انجليزي ....وحابه اتخصص شي يخص رياض الاطفال .....لأن في بالي مشروع روضه ....ماأدري ينفع ولا لأ؟

أتمنى نجد في هذه الصفحة مناقشه جديه عن التخصصات المطلوبه في السعوديه

أتمنى اللي يدخل الموضوع يحاول يفيدنا بخبرته ونصايحه

رجااااااء خاص حتى نساعد بعض...
كذلك ارجو تثبيت الموضوع لاهميته..

ياليت احد يفيدنا
انا تخصصي رياض اطفال وحابه اني اكمل ماستر في نفس التخصص
بس الوزاره مش كاتبته من ضمن التخصصات
فباي اعرف اذا كملت في نفس مجال تخصصي اصيرمعيده في الجامعه اذا رجعت السعوديع او لا؟؟؟
ياليييت تجاوبوني

حددو بالبداية ميولكم

هل اتجاهكم للعمل الاكاديمي؟ اما القطاع الخاص؟ ام بزنس خاص فيكم؟

واعتقد ان اغلب المجالات صارو يدخلو فيها النساء

والتخصصات اللي منزلتها الوزارة برأيي انها تخصصات يحتاجها سوق العمل سواء للرجال او النساء

اذا كنتو اشتغلتو بشركات قبل كذا بتعرفو ان الاحتياج كثير .. شوفو نسبة الغير سعوديين في الشركات


في مجال المحاسبة مثلا .. الاغلب غير سعوديين !

كان لي تجربة انترفيو في احدى الشركات الكبيرة .. كان قسم المحاسبة كله غير سعودي .. وكلهم غير عرب ماعدا واحد فقط ..

وكانو يفضلو يوظفو "محاسبة سعودية" وليس "محاسب سعودي" لانهم لاحظو ان النساء اكثر استقرار في الشركة لكن الرجال لو جاهم راتب احسن بمية ريال بس راحو وتركوهم


وكل التخصصات الطبية طبعا فيها احتياج كبير ..


***

بالنسبة للمتجهين للعمل الاكاديمي خذو في بالكم امتداد التخصص لتخصصكم السابق .. واتاكدو من لجنة المعادلة انهم راح يعادلوكم شهادتكم


اما اللي متجهين للقطاع الخاص .. خذو بالكم ان اهم شي الخبرة .. يعني مثلا ترجعو ماجستير ادارة جودة بدون خبرة! .. لا تتوقعو انكم بتلاقو وظيفة الاحلام بسهولة


اللي ناوين يفتحو بزنس خاص فيهم انصح انهم يدرسو ادارة اعمال ..

واذا كنتو محددين نوع البزنس زي الاخت waloo33 خذو كورسات في نفس المجال كورسات تربوية مثلا بالاضافة الى ادارة الاعمال

او تتخصص في المجال تبعها وتاخذ كورسات في ادارة الاعمال

وطبعا لا تنسو ان لازم في راس مال او ممول ودراسة جدوى .. الخ

والله نفس حالتي

ماا ادري وش اتخصص
ما ابي اروح وادرس واتعب >>>>> وبعدين لما ارجع اجلس في البيت

انا تخصصي رياضيات >> فما ادرري وش اككمل فيه

لآني مستصعبه اكمل في نفس مساري

ابي تخصص اتوضف فيه بكل سهوله >>>>>>>>>>>> كل الناس تبي

شرايكم؟؟

انا خريجه انقليش ومقدمه ماسترر ماليه وتمويل والله حاطته كذا مدري وشالسالفه قلت بعدين هناك اغير لكن من الي سمعته ان الموسى السنه هذي قال ما فيه تغير تخصص ابدن يعني الفاس طاح بالراس والله ماعندي اي فكره عنه ومدري وايش اقدر اتو ظف اذا رجعت المشكله ان البزنسس في عالم وانا في عالم ثاني يعني راسي فاضي .الي عنده فكره يفيدنا

المشكله في شغلات لها مستقبل مثل المحاسبه والتسويق وتخصصات معينه تتطلب جيمات واحيانا نجد صعوبه في اجتياز الاختبارات حتى ننفبل في هذه التخصصات وانا تخصصي يعتبر ادبي مافيه شي في الرياضيات ,, شلت من راسي شغلات التسويق والمحاسبه والماليه وكذا تخصص..
افضل تخصصات يكون فيها مستقبلي إداري بس مو مشكله ادرس تخصص اكاديمي عندي استعداد :

ايش فيه تخصصات لها مستقبل ومايكون طالبين فيها جيمات؟؟
وايش رايكم في التخصصات الاجتماعيه والنفسيه هل لها مستقبل او اكتفوا فيها في السعوديه ؟؟

هم كل سنة يقولو تحويل التخصص ممنوع وحرج مع السفارات والجامعات ومادري ايش

لكن اسالي الطلبة اللي بيدرو حاليا هناك .. هل في ناس حولو تخصصاتهم ولا لا


مجالات عمل متخصصي المالية .. في البنوك - المكاتب الاستشارية المالية - الادارات المالية .. الخ

اقرأي عن التخصص .. بامكانك عمل بحث في المنتدى عن تخصص المالية في كثير مواضيع مفيدة


موفقة يا رب ..