استفسار بسبب التخصص ممكن تتلغي البعثه؟؟

برضو محد يرد ياربــــــــــي

معناته ان لوالتخصص اللي انتي اخترتيه مش من امتداد تخصصك راح يتغير هناك ببلد الابتعاث

وحده اعرفها العام اختارت تسويق وتخصصها حاسب

وغيروا تخصصها لحاسب قبل لاتسافر

اتمنى وصلت الفكره

حبيبتي والله انا فاهمه بس قصدي انا تخصصي عربي واجتماعيات واخترت تمويل ايش تتةقعوا يحطوني
ههههههههههههههههههههه

ليه على كيفهم يغيرون التخصص ؟؟ وش دخلهم

هنا بالسعوديه مايغيرونه كثير بنات بكالوريوس غير والماجستير غير ويغيرونهااا في امريكا!!!!!!!!!!!

ابي اعرف الجواب الاكيد لانهم لو كانوا راح يغيرون راح اسحب عليهم

وش يسوي اللي تخصصه في البكالوريوس مو عاااجبه ويبي يعوضها في الماستر يجووون يخربونهااا عليه

وانا بعد نفس سؤالك ونفس تخصك اختي بس بشوي اختلاف
- انا باكلوريوس لغه عربيه قدمت على تسويق بس الحين فكرت اغيره الى تجاره الكترونيه خصوصا ان هالخيار (تجاره الكترونيه ) ماطلع لي من ضمن الخيارات المتاحه لي وقت التقدريم عشان كذا ما اخترته بس الحين ابي اعير وش اسوي ووين اروح ولمين ؟؟؟؟

- سالت بخصوص هالموضوع وكيف اغير تخصصي وقالو انه لازم اصلا يكون تخصصك اللي طلبتيه بنفس امتداد تخصصك الباكلوريوس بهل هذا صحيح وبما اني لغه عربي فلو يغيرونه ايش رح يكون وهل قبل ما يغرونه يعطوني خيارات ولا اجباري هم يحطوني باي قسم ؟؟؟

عطونا جواب قاطع ؟؟؟؟؟؟؟؟؟؟؟؟؟؟؟؟؟؟؟؟؟

والله يااختى على حسب الجامعة هناك اذا في التخصص اللي تبغى تدريسه ,,
ومايكون لازم مع تخصص البكالوريوس
ياليت تكون وصلت المعلومة
وحابة استفسر عن موضوع المرافق..,انا حاطة المرافق اخويا ودحين طلبوا اوراق للمرافق وحصلت ظروف ومايمدى يطلع معايا
ينفع اقدم (أمى ) كمرافق واقدم اوراقها
ياليت تردوا عليا
مشكووووووووووووورين

هذا الشي حصل معايا بالزبط.

لو المبتعث اختار تخصص ليس امتداداً لتخصصه السابق , رح يغيرو له التخصص الي اختاره , ولكن رح يحصل التغيير في آخر مرحلة من مراحل الابتعاث وهي (اصدار قرار الابتعاث) من الرياض.

لمن تروحي او يروح اخوك يجيبلك قرار الاتبعاث , رح يتفاجأ ان الموظف يقوله في خلال دقايق لازم يختار احد تخصصين, في مرحلتنا خيرو الكل بين تخصص التسويق والتجارة الالكترونية .

يعني اي شخص كان التخصص الي اختاره مو امتداد كان مضطر يختار بين التخصصين هذي. مع العلم انهم في البداية حطو كل واحد على التخصص الي اختاره , لكن للاسف عمليه التغيير تحصل في الاخير مرة , بعد الفيزا وكل شي.

وبالنسبة لو تخصصك لغه عربية او اعلام او فنون او وت ايفرررر , كان في مرحلتنا الاختيار بين التخصصين الي قلتهم (التسويق والتجارة الالكترونية) مع ملاحظة انه لناس كثيرين ماكان امتداد حتى ! يعني لا هو امتداد للفنون ولا للعربي ولا للاعلام .

"هذا لو كان تخصصك مو موجود من ضمن التخصصات المطروحة من الوزارة زي الفنون و الدراسات الاسلامية و العربي"

مع العلم انهم خيروني بين تسويق و تجارة الكترونية وانا تخصصي يسمحلي كمان اني اختار ماليه او تأمين وغيرهم.. لان تخصصي اداري, لكن لانها كانت اخر لحظة فـ ماكان في مجال

اتمنى الفكرة تكون وصلت.

الجواب : لا

حتى لو امتداد او مو امتداد او اي شي في الحياة , لازم يكون من التخصصات المطروحة من الوزارة .

بس مو معناته انه مادام امتداده مو موجود يعني مارح يبتعث, زي ما قلت في تعليقي السابق , رح يكون في تخصصات الوزارة يجبرك على الاختيار منها, في حالتنا كانت اما التسويق او التجارة الالكترونية, يمكن انتو تتغير الخيارين ويمكن تبقا نفسها.

--

وعلى فكرة في اضافة: البعثة زي ماتعرفو للماجستير لمدة 3 سنوات.
سنة لغه , وممكن تمتد وتصير سنة ونص , يعني بقي سنة ونص ماجستير او سنتين كحد اقصى, الا في حاله انهاءك للغه في سنة وحدة و طلبت تمديد للماستر 6 شهور فـ رح يكون الناتج ان الماستر سنتين ونص كحد أقصى.
يعني ايش؟
يعني التالي:
لو اخترت تخصص مو امتداد لتخصصك , رح تضطر تدرس مواد اساسية قبل ما تبدأ, الجامعه تطلبها منك.
ودراستك لهالمواد رح تطول من مدة الدراسة!
و غالباً جداً انها تكون زايده عن مدة الدراسة العاديه , لان اغلب الناس ياخذو في اللغه سنة ونص يعني يبقالهم سنة ونص او سنتين بس.
طبعا هو يعتمد على التخصص والجامعه وكذا. ولكن !
الي يختار تخصص مو امتداد لتخصصه هو قاعد يخاطر بأن مدة الدراسة ممكن ما تكفيه , والملحقية ماعندها "يامّا ارحميني"
يعني فجأة يجيك ايميل يقولك انك قربت تخلص , ودبر نفسك , ياتكمل الباقي على حسابك , يا ترجع بلدك بخفي حنين وماكأنك درست شي.

فـ ارجو رجاءً حاراً ان الي يبغا يبتعث ياخذ الموضوع بجديه تامه ويقرا كثييير عن الجامعات وانظمتها , وعن بعثتنا وانظمتها وشروطها وكل شي
عشان لابعد ما يسافر يتورط بأشياء ما حسب حسابها, ويضيع اشياء من حياته , اما وقته او وظيفته او فلوسه او يخيب امل اهله او او او

لأني للاسف الشديد اشوف ناس كثيرين شافو شي اسمه ابتعاث, وضغطو الرابط ودخلو بياناتهم وصلى الله بارك !
ترى الشغله اكبر من كذا بكثيييييييير.

وشي ثاني لازم الواحد يقرا ويثقف نفسه فيه كمان غير الجامعات وانظمتها في البلد الي رايحها, و غير انظمة البعثه حقتنا, انه لازم يعرف كل شي عن البلد الي رايحها و كيف طريقه الحياة و الناس و الثقافة السائده و القوانين وما عليه من اشياء مطلوب يسويها لمن يوصل.