لمن عادل ساعاته بطريق wes .. يتفضل

عليكم السلام ورحمة الله

أنا نفس وضعك.. وراسلت جامعة كنتاكي ومن شروطهم يوصون بقوة معادلة شهادتي عن طريق WES..

لكني تفاهمت معهم وشرحت لهم ان الترانسكربت بالانجليزي وارسلت لهم اوراقي عن طريق الايميل..
وردوا علي بدون نفس -الحاسة السادسة- ان اوراقي اوكيه للقبول لكن ام طروا المعادلة ولا أنا سألتهم..

وسلامتك

سؤال فني
الحين حت طلاب الماستر لازم يعادل شهادته ؟؟؟

ياهلا اخوي ... طيب كم قالوا لك راح يعادلون لك الجامعة

وشنو تقصد باكلمتين ام طروا المعادلة ؟؟

علمي علمك ياخوك

ان شاء الله احد يجاوبك على سؤال

وبانتظار باقي الاخوان والاخوات ........!

هلا بك اخوي محمد
wes يسوون تقييم لمؤهلاتك مو معادله.
من موقعهم:
"WES evaluation reports compare your education from any country in the world to the U.S"
بالعربي يكتبون بالتقرير حقهم مؤهلاتك وش تعادل من المؤهلات الامريكيه و معدلك يخلونه من 4 وعدد الساعات الي خلصتهم كم يطلعون بالنظام النصفي ( انا مثلك مخلص دبلوم وارسلتلهم اوراقي لان فيه جامعتين من الي ناوي اقدم عليهم يبون تقييم wes خلصو تقريري قبل يومين المعلومات الي بالتقرير كانت كالتالي: شهادتي وش تعادل من شهاداتهم طبعا associate degree و حاطين المواد الي درستها مع نتايجي ،اخر شي معدلي من 4 كم و ساعاتي بالنظام النصفي = 69 ساعه-نفس عدد الساعات الي موجوده في السجل الاكاديمي)

بشكل عام اذا الجامعات الي تبي تقدم عليهم طالبين تقييم من wes او غيره ، لازم تسويها لانها تصير من متطلبات التقديم عليهم يعني منتب مضيع وقتك الا اذا كانت الجامعات الي تبي تقدم عليها ما قالت نبي تقييم.

على فكره انا معي دبلوم برمجيات من كلية الاتصالات .

اخوي topaz على حسب الجامعه ، شف الجامعات الي ناوي تقدم عليها اذا كانت تبي تقييم ولا لا.

اتمنى اكون افدتكم واذا عندكم اي استفسار ثاني فيه الموضوع المثبت عن wes فيه تقريبا اي معلومه ممكن تحتاجونها عن هالموضوع

بالتوفيق شباب

تتيسر لكم يارب .............

ياهلا اخوي

ممكن توضع المقصود بالنظام النصفي ...!

ويعطيك العافية


اخوي اوسكا

تسلم حبيبي

يا اخوان في احد عادلها وارتفع معدله كثير؟؟؟؟؟؟؟؟

اول شي معليش على التاخير.

بالنسبه للساعات انت عارف فيه اكثر من نظام يدرس في جامعات امريكا, فيه نظام نصفي(فصلين في السنه) وفيه نظام ربعي .. الساعات الي يقيمونها WES على حسب النظام النصفي(يعني ساعاتك كم تعادل في النظام النصفي, اذا كانت دراستك في كليه تدرس بالنظام النصفي , غالبا ما راح تتغير عدد الساعات).

وبالنسبه لسؤال بنادول عن المعدل:

في التقييم كاتبين الجمله التاليه:
F indicates a course that was failed initially, but passed on a subsequent attempt. It is not included in the GPA calculation.

يعني بالعربي اذا عندك مواد راسب فيهم ما راح يدخلون بحساب المعدل بالتالي يرتفع معدلك, بشكل عام على حسب كم ماده راسب فيهم كل ما كثرو كل ما ارتفع اكثر لانهم في سجلك الاكاديمي كلهم محسوبين عليك أما في التقييم ولا وحده محسوبه.

اتمنى اكون افدتكم شباب




في حال استفادتك من أي موضوع أو مشاركه بإمكانك ان تدعو لصاحبها بالتوفيق.