استفتاء:هل تؤيد ابتعاث خريجي الثانوية؟...

يعني ايش مافهمت منك يا البروتكول
انت ماذا تؤيد وجهة النظر الاولى ولا الثانية ولماذا

انا مع وجهة النظر الثانية

صباح الخير يا شباب يا طيبين يا حلوين يا شاطرين
(( مع اني لسى متخرج السنه هذي))
أنا صراحه أيد النظرة الأولى والنظرة الثانية معاً

ليش ؟؟؟؟؟

لأن صراحه بعضهم يروح لأجل انه يفكر في الحرية والتحرر من بعض القيود ويلقى اللي يبغى هناك
ويسبب مشاكل له ولحكومته مثل انهم يتعرضون لقاضايا وحاكمات في حاجات نعتبرها تافهه في الوطن مثل قضايا الحاسبات , الآداب العامه إلخ إلخ ومشاكل كثيره ((هذا بالنسبة للنظرة الأولى))

كلامك 10000000000% صحيح وانا اساسا افكر في برا من زمان عقب ماسمعت الفضايح اللي صايره في جامعاتنا فقررت اني اروح برا باي طريقة والله ولو على حسابي ما ابي اتخرج من جامعة مثلا طب ولا حاسب واكتفي باني أشتغل في العمل واحاول حل المشاكل فقط لا انا ودي ابدع اخترع اطور لاكن المبدأ الماشي في جامعاتنا اهم شي تتخرج وتاخذ ملفك وتلقى وظيفة وراتب حلو وبسسسس هذي هي الحياة لاكن فيه مجال لي انا اللي افكر في التطور ؟؟؟؟ والله في راسك تطور روح طور نفسك مالنا دخل فيك وهو ما يسمى بنظرية الاغراق ((خذ الكتب حبيت تدرسها باللي فيها ((مناهج من العصر العباسي )) ولا حمل مواد واخرتك بتطلع وتاخذ وظيفة وش تبي ؟؟؟؟
أجل شكراً ((هذا بالنسبة للنظرة الثانية))

ولحل هذي المشكلة أقترح علىى الوزارة او اي جهة تبعث التالي :
داخل الوطن :
1- إما تعالج جامعاتنا وتطور مناهجها ولا مشكلة من انهم بدخلون العناصر الغير سعودية كما كان حاصل في البترول انا اسمع انها كانت من افضل 100 جامعة في العالم... لاكن عقب ماراح الكفاءات الاجنبية ؟؟؟؟؟؟...
2- تسمح للجامعات الاجنبية انها تفتح هنا...
بالنسبة للبعثات وزارة التعليم العالي وجميع الجهات اللي تسوي البعثات :
1-انه ياخذ مالايقل عن ستة أشهر في السعودية دراسة عن اللغة اللي راح يدرس فيها ويعيد تأسيس المواد العلمية اذا كان في التخصصات العلمية باللغة اللي راح يدرس فيها علشان لا راح هناك ما يصير فاشل ويعطي صورة مو طيبة عن الوطن ...فلمى يدرس ويتأسس صح هنا يودونه علشان يتفوق عليهم ويصير احسن منهم......... ويأخذ جمبيع المعلومات عن البلاد اللي رايح لها وفور وصوله هناك يروح يكمل كورس اللغة بحيث انه يطبق اللي تعلمه في السعودية مش يروح هناك وتكون الانقليزي زيرو ولا اي لغة ثانيه......
2- ويوضع قوانين وحاجات زي حقين الكويت ((يمنع الزواج ويمنع البقاء في البلد في اوقات الاجازات)) يعني التقصير حاصل من الوزارة لمى تروح هناك وتحطك ما تدري عنك لأ لازم تكون القوانين اللي هنا في السعودية تطبق عليك هناك علشان لا ينسون دينهم على قولتهم ولا يضيع اما الموضوع صاير زي المهرجان توزيع تذاكر روح روح العب وارجع ... هذا كلفهم كثير وتعبهم كثير لمى يضعون شروط وقوانين ماراح احد يلعب بذيلة وكلهم راح يدرسون بالعربي ماراح يروح الا الانسان الجدي.....

وشكرا واسف جدا على الخطبة اللي مسويها لول

نعم أؤيد ... وبالعكس طلاب الدراسات العليا أخس وألعن

نحن نطلع برة لأنا نبي الخبرة يعني الى متا نصبح مقيدين بتفكيرنا المنغلق

أخــتــي متفائلة خير !!!

اللي أراه أن أقفال باب الإبتعاث في وجه طلبة الثانوية العامة هـو خطأ كبير لأننا بحاجة لتخفيف الضغط الهائل الحاصل سنويا على جامعاتنا الداخلية من حيث التقديم وعجزها التام عن قبول عشرات الآلاف المتدفقين كل سنة . وهذا أحد الأسباب . . .

وفي المقابل فتح الباب على مصراعيه أمام هذي الفئة العمرية ممن أعمارهم بين 18 - 21 لهو من شنيع الخطأ .. فلقد وقعت على ما يشيب رأس الرضيع من رؤيته من قبل هؤلاء الفئة - بالذات - ..

إذا ما هو الحل ؟؟

الحـــل في الـمفاضـلـة العادلة وأختيار الأصلح بإستخدام سبل وسائل أكاديمية وتربوية - تصنفر - الطالب .. وتبين هل هو جاهز لكي يفارق أهله ووطنه لسبيل العلم .. أم سيأخذها - شمة هوا -


على أية حال .. السؤال جدا كبير .. والتعميم لست في صفه أبدا ... وأرى انه يــــجــــب على وزارة التعليم العالي بالإضافة لجهات أخرى ذات علاقة .. أن تستحدث طرق ومعايير للمفاضلة بين الطلاب المتقدمين لبرامج الإبتعاث


لأن المعايير المعتمدة حاليا - ان صح تسميتها معايير - لـي نظر بل ونظر كبير جدا
فعندما يمر بي مجموعة لا بأس بها - من ناحية العدد - نسبهم في الثانوية تتراوح ما بين 82 - 76 % وجايين يدرسون بأمريكا ؟؟؟






هـذا والله أعــلـــم @@@@@@
.

السلام عليكم ورحمة الله وبركاته

أختي العزيزه متفائله خيــر شوفي انا الان اقسم لك بالله العلي العظيم لو ان كلية الطب قابلتني هنا والله ما اروح ادرس برا ولا افكر اساساً ياختي العزيزه

ياختي العزيزه انا صار لي ضرف قاسي حصل لي في في اخر سنه في الثانويه وعدتها سنتين وحولت منازل وبعد كذا ولله الحمد تغلبت على هذا الضرف رغم انه كان معي ولكن تغلبت عليه واخذت الثانويه في معدل متدني الى حد ما ؟؟

ولكن ياختي العزيزه انا واثق من قدراتي وعارف نفسي اني من افضل الطلاب لو يكون هنالك احصائيه ولكن ( رحم الله عرف قدر نفسه )

رحت ياختي الكريمه للكليات الصحيه ولقيت انواع التحطيم وكان طموحي الطب ولكن للأسف دولتي رفضتني وقالت لي انت ماتصلح !!

رحت وقلت راح ادرس على حسابي في احدى الدول العالميه .. ورحت وقدمت على احدى الجامعات وقبلوني ورفعوا من معنوياتي وقالوا لي راح نعطيك فرصه ونشوف .. وهذي الدوله هي نيوزلندا ,, وقالوا لي راح تدخل في منافسه قووويه جداً بعد ماتخلص سنه اللغه وراح تدخل السنه التحضيريه وراح تدرس فيها كيمياء وفيزياء ورياضيات وأحياء .. وراح تدخل في منافسه بين 1200 طالب من شتى أنحاء العالم ومعروف ان نيوزلندا معروفه في المجال الطبي .. والموجود عشره مقاعد .. وقلت لهم انا راح انافس وصدقوني راح اكون منافس قوي وعنيد وصعب اني اتنازل عن اللي براسي وراح اثبت لكم ذالك .. ورحبوا فيني .. وقالو لي ان العام كان فيه طلاب انسحبوا لانهم ماقدرو يكملون لان المنافسه ترا صعبه وقعدو يعطوني بعض التحذيرات قبل ادخل المنافسه ولكن لازلت اؤمن بالله ثم بمستواي اللي راح ان شاء الله ادخل فيه وراح يكون لي مقعد من عشره مقاعد ومن المنافسين اللي يوصل عددهم 1200 طالب

هذا فقط لتوضيح على كلام الاخ ممدوح لانه يقول اصحاب النسب 82 / 76 % يدرسون في امريكا ومتعجب

ولكن صدقوني بعضهم يمر بمراحل صعبه لايعلمها الا الله ولكن فيهم القوه وفيه دول تأخذ بيدهم ويضعونهم في منافسه ويالله ما أجمل المنافسه الشريفه لأني انا فعلاً من عشاق المنافسات والتحدي


والان انتظر رحلتي بأذن الله في تاريخ 27/8/2007 والله الموفق