أرجوا الدخول للاستفادة والافادة

November 22nd, 2010, 12:14 PM

السلام عليكم ورحمة الله وبركاته

هذي اول مشاركة لي اتمنى اني افيدكم

انا قدمت على الدراسة باميركا رحت لمكتب igec اللي بشارع العليا العام الدور الثاني باسواق الموسى

كلمتهم قلت ابي ادرس باميركا ونفس التخصص اللي معي قالولي مو مشكلة

طبعا بدأ يمدح مكتبهم وانهم معتمدين في جميع الدول قلت حلووو متى يجي القبول قالي المعهد اسبوع والجامعه 3 اسابيع قلت حلوو هذا اسرع مكتب يجيب قبول طبعا طلب الاوراق وانا عطيته كامل الاوراق
قالي ان شاء الله 3 اسابيع ونتصل نقولك القبول عندنا قلت اوكي
انتهت 3 اسابيع ولا كلموني رحت انا لمهم للمكتب قلت بشر ان شاء الله قبولي وصل
قال: لا والله ان شاء اسبوع ويكون عندك قلت طيب
بعد اسبوع رحت للمكتب وماحصلت الموظف اللي متعامل معه انا سالت الاستقبال قلت وين راني <<< اسوا موظف وغريب الاطوار انصح اي واحد يبي يتعامل مع المكتب لايتعامل مه هذا الشخص
قالي راني سافر اسبوعين ويبي يرجع قلت طيب وش صار على قبولي جاء ولا لا قالي موظف الاستقبال حنا راح نتواصل معك قلت طيب امرنا لله
انتظرت 3 اسابيع ولا احد كلمني قررت اروح للمكتب وحصلت راني الله لايوفقه قلت وش صار على قبولي قالي والله لسى الجامعة ماردوا علينا لان الجامعة عندهم احصائيات للطلاب طبعا هذي مافهمته قلت يعني بيتاخر ولا لا قالي لا
طلعت من المكتب جلست اكثر من شهرين وانا مقدم ولا جاني قبول وكلما اتصلت عليهن صرفوني ولا مايردون على رقمي طبعا انا اكلم على جوال راني ولا يرد علي وبرضوا المكتب نفس الحكاية
حتى المدير مو راضي يكلمني ولا يقابلني المدير نفس الجنسية لبناني او فلسطيني

قررت اروح للمكتب ورحت وحصلت بنت عندهم تهاوشهم تقولهم انا راحت علي البعثة وانتم ماجبتولي قبول صارلها المسكينة 6 شهور ولا جاها قبول

المهم وبالاخير جاني قبول بعد 5 شهور المعهد بولاية انا ماطلبتها والجامعه بولاية

المعهد FLS في ولاية بوستن - ماساتشوتس

الجامعة BOWLING GREEN STATE UNIVERSITY MAIN CAMPUS

فياليت اي واحد عنده معلومات عن المعهد والجامعه لايبخل علي فيها
وكذلك اسعار السكن والمعهد وانا سمعت ان بوستن من اغلى المدن بامريكا

وآآآآآآآآآآآآآآآآآآآآسف على الاطالة

• نشر عبر تويتر
• نشر عبر فيسبوك
• نشر عبر جوجل